Забава
Модниот бунтовник од 60-тите: неколку работи по кои ќе го паметиме неповторливиот Пако Рабан
Пако Рабан, шпанскиот дизајнер кој ги постави темелите на модната авангарда, почина на 88-годишна возраст, а ќе остане запаметен по своите уникатни ексцентрични креации и култни парфеми, кои оставија длабока трага во светот на модата и убавината.
Рабан побегнал со мајка си во Франција кога избила граѓанската војна, а во средината на 50-тите, додека студирал архитектура во Париз, заработувал за живот изработувајќи накит за „Диор“, „Баленсијага“ и за „Живанши“ и скици за чевли за Шарл Журдан.
Пако Рабан, еnfant terrible на француската модна сцена, беше познат по визионерските креации што беа далеку понапред од своето време во 60-тите.
Човекот што го измисли модниот футуризам успеа да го промени светот на модата со воведување сосема нови и необични материјали во своите креации и со тоа ги постави темелите на модната авангарда.
Медиумите издвоија неколку работи со кои легендарниот шпански дизајнер ги помести границите на модата.
Експлозивно модно деби
На возраст од 30 години Рабан ги претстави своите први креации, а две години подоцна, во 1966 година, ја претстави својата прва колекција, провокативно наречена „12 неносливи фустани од модерни материјали“. Неговата прва модна ревија ги сруши тогашните модни конвенции со тоа што користеше музика и на модните писти донесе Афроамериканки како манекенки.
Креациите беа направени од хартија, пластика и метал споени со жица и лепак, а фустаните повеќе откриваа отколку што скриваа. Во едно интервју говореше за духот на таа ера, кој му послужи како инспирација за креациите: „Во Франција во 60-тите имаше движење за слобода на жените, исто како и во Америка… Тоа беше време кога жените станаа воини со цел да ја изразат желбата за еманципација. Оклопот беше речиси неопходен.“
Парфеми
Во 1979 година дизајнерот го лансира Métal, парфем за „млади жени што сакаат метални додатоци“, а во 1968 година шпанската групација PUIG ја купи лиценцата за парфемите Paco Rabanne и продолжи да лансира незаборавни мириси почнувајќи од Calandre, одважен мирис кој ги предизвика традициите на светот на парфемите.
Оттогаш производството не запре, а од година на година се лансираа нови производи вклучувајќи го и култниот 1 Million, кој влезе во историјата како најпознат и најпродаван машки парфем во светот.
Најубавите жени на светот во негови креации
Брижит Бардо носеше негова креација во спотот за песната „Контакт“, а во негови фустани се појавија Мина и Одри Хепберн. Но, ако постои ѕвезда што навистина влезе во историјата како култно лице на неговиот бренд, тоа е сигурно Џејн Фонда со футуристичките костими во филмот „Барбарела“ од 1968 година.
Во совршена хармонија со одважниот тон на филмот, Пако Рабан за Џејн Фонда создаде металик-креација, тесен комбинезон, боди со апликации од плексиглас, сребрена јакна во стил на астронаут. Изгледот беше инспириран од слетувањето на човекот на Месечината, а со него No suggestions сосема нов тренд во модата, познат како вселенска ера.
Култна чанта
Добро познат факт е дека Коко Шанел не беше обожавателка на Рабан до тој степен што со погрден тон го нарекуваше „металург“. Неговата култна чанта Le 1969 се роди како шеговит одговор на овој зајадлив прекар, но не застана тука.
Имено, во тоа време Шанел работела на чанта со рачка од синџир, а како одговор Рабан решил исто така да користи синџир-рачка. Но, наместо позлатени алки, тој се одлучил за синџир што се користи за влечење цистерна.
Дизајнерот, всушност, немаше желба да создава облека за носење. „Креацијата мора да шокира,“ велеше тој. Неговата генијална идеја постигна успех многу бргу. Брижит Бардо и Франсоаз Харди ја носеа култната чанта, а и денес, повеќе од 50 години подоцна, сè уште е еден од најбараните модни додатоци.
Y2K-мода на негов начин
Рабан се снајде многу добро во Y2K-ерата, што за неговиот бренд значеше интересна мешавина од светкави мини здолништа, бикини направени од синџири, ПВЦ-фустани.
Една од неговите најнезаборавни креации од оваа ера е блескавиот сребрен фустан, кој лежерно го носеше Каролина Куркова на врвот на својата слава.
Восочни кукли беа користени за презентирање на неговата колекција фустани од хартија во 1973 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Селин Дион во борба со сериозната болест: „Благодарна сум за секој момент“
Музичката дива Селин Дион им се обрати на своите милиони обожаватели во ретка видео порака за Денот на благодарноста, нудејќи нов увид во нејзината борба со ретката состојба Синдром на вкочанета личност (SPS). Синдромот ѝ беше дијагностициран во 2022 година.
Порака на надеж и благодарност
Во пораката објавена на социјалните мрежи, 57-годишната пејачка изгледаше значително подобро, потпирајќи се на голема перница додека мирно се обраќаше кон камерата. „Драги пријатели, денес е прекрасен потсетник да забавите, длабоко да вдишете и да бидете благодарни“, започна Дион. „Постои нешто толку моќно во здружувањето со луѓето што ги сакате. Без разлика дали е околу полна маса, на телефон или дури и само во вашето срце“, продолжи таа.
Во духот на празникот, таа исто така сподели за што е благодарна оваа година: „Многу сум благодарна за моето семејство и моментите што ги споделуваме, а кои ми значат сè на светот“.
Таа ја заврши својата објава, која собра повеќе од 100.000 лајкови, со топли желби: „Ви посакувам на сите прекрасен и мирен Ден на благодарноста. Нека вашиот ден биде исполнет со љубов, благодарност и скапоцени моменти со луѓето кои ви значат најмногу.“
Француско-канадската суперѕвезда му откри на светот во 2022 година дека страда од неизлечива автоимуна невролошка болест. Поради влошувањето на нејзината состојба, таа беше принудена да откаже бројни настапи на нејзината турнеја.
Станува збор за исклучително ретка состојба која погодува една личност од милион и влијае на секој дел од нејзиниот живот. Мускулните грчеви ѝ го отежнуваат одењето, но и користењето на нејзините светски познати гласни жици. Минатата година, Дион ја опиша својата тешка состојба како чувство „како некој да ве дави“.
Деценија обележана со трагедија
Пејачката го загуби сопругот со кого беше во брак речиси три децении во 2016 година, а само два дена подоцна и нејзиниот 59-годишен брат Даниел почина од истата болест. И покрај сите тешкотии, славната пејачка продолжува да покажува оптимизам во јавноста додека живее со своите три сина – 24-годишниот Рене-Шарл и 15-годишните близнаци Нелсон и Еди.
Фото: ЕПА
Забава
Откриени детали за свадбата на годината: Наместо интимна прослава – голема луксузна свадба
Свадбата на годината со нетрпение ја очекуваат сите, а се чини дека местото и времето се веќе познати.
Од моментот кога Тејлор Свифт објави романтична фотографија и им откри на фановите дека Травис Келс ѝ предложил брак, секој чекор што ќе го направи популарната пејачка беше објавен во медиумите. Датумот и локацијата на церемонијата беа од интерес за многумина, а сега се чини дека и тие се познати.
Според Page Six, двојката размислува за голема свадба на луксузно место во Тенеси, со шпекулации дека свадбата би можела да се одржи на 13 јуни следната година.
Медиумите, исто така, пишуваат дека Тејлор и Тревис првично сакале интимна церемонија, но сфатиле дека двајцата познаваат премногу луѓе, и тој од светот на спортот, и таа од музичката индустрија, а имаат и пријатели од детството.
Се наведува дека потенцијално место за свадба би можело да биде Blackberry Farm во Тенеси, луксузно одморалиште сместено на имот од над 4.000 хектари.
фото: ЕПА
Забава
„Каква убавица“: Хрватската мисица ужива на Тајланд
Мис Хрватска, Лаура Гњатовиќ, е сè уште главна тема на социјалните мрежи, иако контроверзниот избор за Мис Универзум 2025 заврши.
На изборот за Мис Универзум 2025 победи Мексиканката Фатима Бош, но и Мис Хрватска Лаура Гњатовиќ беше доста забележлива, бидејќи влезе меѓу Топ 30 и ја израдува својата земја.
Убавата Хрватка го привлече вниманието на регионалните медиуми уште од самиот почеток, а поради нејзината специфична убавина, многумина ја прогласија за победничка уште пред да започне натпреварот.
Лаура моментално се одмара и ги поминува последните денови на плажите во Тајланд, од каде што објави и серија провокативни фотографии во бикини кои брзо собраа многу коментари.
View this post on Instagram
„Еве уште малку, па си одам дома“, напиша таа под објавата.
„Каква убавица“, „Прекрасна“, „Побрзај дома“, „Каква убава жена си“, „Вистински ангел“, „Прекрасна и прекрасна“, беа само дел од коментарите.
Лаура Гњатовиќ го привлече вниманието на светската јавност, а многумина потоа беа разочарани бидејќи оваа убавица не постигна уште подобар резултат.
фото/инстаграм
Жители на Чучер-Сандево тргнаа во наплата на изборните ветувања: ја бараат ветената канализација од градоначалникот Зоран Бајовски
Со уредно платени комуналии за куќите, жители на четири улици кои припаѓаат на Општина Чучер-Сандево, иако се многу поблиску до...
Путин постави клучен услов за завршување на војната, Зеленски го отфрла
Рускиот претседател, Владимир Путин, вчера изјави дека ќе ја запре офанзивата во Украина само ако Киев се повлече од териториите...
Првпат по 60 години, Русите не можат да испратат астронаути во вселената
Рампа на космодромот Бајконур во Казахстан беше оштетена за време на лансирањето на ракетата „Сојуз МС-28“ кон Меѓународната вселенска станица...
Трамп со драстична мерка: „Трајно ја забранувам миграцијата од Третиот свет“
Претседателот на САД, Доналд Трамп, најави драстична мерка – трајно суспендирање на миграцијата од сите земји од третиот свет. Шокантната...
Зеленски: Украинските и американските делегации ќе изработат „формула за мир“ оваа недела
Украинскиот претседател, Володимир Зеленски, денес изјави дека украинските и американските делегации ќе се состанат оваа недела за да ја изработат...
Мицкоски: Ако се жалат судиите со 3-4.000 евра месечни примања, тогаш како им е на дечињата во градинка кои немаат играчки за играње
Реновираме градинки, училишта, цениме дека е поголем приоритет отколку да ги зголемиме платите на судиите и обвинителите. Мислиме дека е...
Поради превенција од свлечиште на Водно надлежните на итна координација
Поради превенција за активирање на свлечиштето на падините на Водно, во близина на улиците „Белградска“ и „Партенија Зографски“, и реалната...
Филков до СДСМ: Груевски има политички азил, се занимавате со циркус, а не со реална работа
Министерот за правда Игор Филков одговарајќи на пратеничко прашање од Миле Талески од СДСМ, зошто не се бара екстрадиција на...
Мицкоски: Главен фокус в година ќе бидат капиталните инвестиции, целта е да дојдеме до раст на БДП над 4 отсто проценти
Премиерот Христијан Мицкоски на денешната седница во Собранието за пратенички прашања истакна дека в година главен фокус на Владата ќе...
Нема да биде екстрадиран: Ацо Боцевски, 28 години по убиството, живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна...
(Видео) Тешка сообраќајна несреќа во Србија: четири лица загинаа во судир на комбе и работна машина – валјак
Во тешка сообраќајна несреќа што се случи рано утрово, околу 6:20 часот, на патот помеѓу Ириг и Рума во Србија,...
(Видео) Сообраќајна несреќа во центарот на Скопје: пешак удрен од автомобил пред гимназијата „Јосип Броз-Тито“
Во текот на вчерашниот ден на улицата „Димитрие Чуповски“ пред гимназијата „Јосип Броз Тито“ во центарот на Скопје се случи...
Суспендирана миграцијата од Авганистан во САД откога Авганистанец застрела припадници на Националната гарда во близина на Белата куќа
Двајца припадници на Националната гарда на Западна Вирџинија се во критична состојба откако вооружен човек отвори оган врз нив во...
(Видео) Нови податоци: најмалку 55 лица загинаа во пожарот во облакодер во Хонг Конг
Бројот на жртви од катастрофалниот пожар што зафати станбен облакодер во Хонг Конг се искачи на најмалку 55, потврди противпожарната...
Двајца гардисти застрелани во близина на Белата куќа; Трамп: Животното што го изврши злосторството ќе ја плати највисоката цена
Двајцата војници на американската Национална гарда кои беа застрелани во близина на Белата куќа во среда се во критична состојба,...
Девојка убиена, млад маж повреден во напад на ајкула во Австралија
Една жена загина, а еден маж е сериозно повреден во напад од ајкула во близина на популарно место за сурфање...
Хамас побара евакуација на своите борци што останаа заробени во тунелите
Палестинската екстремистичка група Хамас ги повика земјите-посредници да извршат притисок врз Израел да им дозволи на десетици нејзини борци да...
Муцунски во Стразбур: Македонскиот јазик, идентитетот и достоинството на граѓаните не може да бидат предмет на преговарање
Министерот за надворешни работи и надворешна трговија, Тимчо Муцунски, попладнево учествуваше и се обрати на 24-тиот состанок на Мешовитиот парламентарен...
ДСЗИ нареди вонредно чистење и здравствени прегледи на вработените во училиштето „Димо Хаџи Димов“
Државниот санитарен и здравствен инспекторат освен затворање на кујната во училиштето „Димо Хаџи Димов“ во Влае како потенцијален извор на...
Гаши: Ниедно билатерално прашање не смее да стане пречка на нашиот европски пат
Ниедно билатерално прашање не смее да стане пречка на нашиот европски пат. Ние остануваме подготвени за принципиелен дијалог со сите...
