Забава
Модниот бунтовник од 60-тите: неколку работи по кои ќе го паметиме неповторливиот Пако Рабан
Пако Рабан, шпанскиот дизајнер кој ги постави темелите на модната авангарда, почина на 88-годишна возраст, а ќе остане запаметен по своите уникатни ексцентрични креации и култни парфеми, кои оставија длабока трага во светот на модата и убавината.
Рабан побегнал со мајка си во Франција кога избила граѓанската војна, а во средината на 50-тите, додека студирал архитектура во Париз, заработувал за живот изработувајќи накит за „Диор“, „Баленсијага“ и за „Живанши“ и скици за чевли за Шарл Журдан.
Пако Рабан, еnfant terrible на француската модна сцена, беше познат по визионерските креации што беа далеку понапред од своето време во 60-тите.
Човекот што го измисли модниот футуризам успеа да го промени светот на модата со воведување сосема нови и необични материјали во своите креации и со тоа ги постави темелите на модната авангарда.
Медиумите издвоија неколку работи со кои легендарниот шпански дизајнер ги помести границите на модата.
Експлозивно модно деби
На возраст од 30 години Рабан ги претстави своите први креации, а две години подоцна, во 1966 година, ја претстави својата прва колекција, провокативно наречена „12 неносливи фустани од модерни материјали“. Неговата прва модна ревија ги сруши тогашните модни конвенции со тоа што користеше музика и на модните писти донесе Афроамериканки како манекенки.
Креациите беа направени од хартија, пластика и метал споени со жица и лепак, а фустаните повеќе откриваа отколку што скриваа. Во едно интервју говореше за духот на таа ера, кој му послужи како инспирација за креациите: „Во Франција во 60-тите имаше движење за слобода на жените, исто како и во Америка… Тоа беше време кога жените станаа воини со цел да ја изразат желбата за еманципација. Оклопот беше речиси неопходен.“
Парфеми
Во 1979 година дизајнерот го лансира Métal, парфем за „млади жени што сакаат метални додатоци“, а во 1968 година шпанската групација PUIG ја купи лиценцата за парфемите Paco Rabanne и продолжи да лансира незаборавни мириси почнувајќи од Calandre, одважен мирис кој ги предизвика традициите на светот на парфемите.
Оттогаш производството не запре, а од година на година се лансираа нови производи вклучувајќи го и култниот 1 Million, кој влезе во историјата како најпознат и најпродаван машки парфем во светот.
Најубавите жени на светот во негови креации
Брижит Бардо носеше негова креација во спотот за песната „Контакт“, а во негови фустани се појавија Мина и Одри Хепберн. Но, ако постои ѕвезда што навистина влезе во историјата како култно лице на неговиот бренд, тоа е сигурно Џејн Фонда со футуристичките костими во филмот „Барбарела“ од 1968 година.
Во совршена хармонија со одважниот тон на филмот, Пако Рабан за Џејн Фонда создаде металик-креација, тесен комбинезон, боди со апликации од плексиглас, сребрена јакна во стил на астронаут. Изгледот беше инспириран од слетувањето на човекот на Месечината, а со него No suggestions сосема нов тренд во модата, познат како вселенска ера.
Култна чанта
Добро познат факт е дека Коко Шанел не беше обожавателка на Рабан до тој степен што со погрден тон го нарекуваше „металург“. Неговата култна чанта Le 1969 се роди како шеговит одговор на овој зајадлив прекар, но не застана тука.
Имено, во тоа време Шанел работела на чанта со рачка од синџир, а како одговор Рабан решил исто така да користи синџир-рачка. Но, наместо позлатени алки, тој се одлучил за синџир што се користи за влечење цистерна.
Дизајнерот, всушност, немаше желба да создава облека за носење. „Креацијата мора да шокира,“ велеше тој. Неговата генијална идеја постигна успех многу бргу. Брижит Бардо и Франсоаз Харди ја носеа култната чанта, а и денес, повеќе од 50 години подоцна, сè уште е еден од најбараните модни додатоци.
Y2K-мода на негов начин
Рабан се снајде многу добро во Y2K-ерата, што за неговиот бренд значеше интересна мешавина од светкави мини здолништа, бикини направени од синџири, ПВЦ-фустани.
Една од неговите најнезаборавни креации од оваа ера е блескавиот сребрен фустан, кој лежерно го носеше Каролина Куркова на врвот на својата слава.
Восочни кукли беа користени за презентирање на неговата колекција фустани од хартија во 1973 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Тие имаат бескрајна имагинација, но лесно се заведени од нешто ново: хороскопски знаци што никогаш не го завршуваат она што го почнале
Тие замислуваат живот полн со успех, патувања, признанија и исполнети желби, но патот до тие соништа често се претвора во бесконечно одложување и губење на фокусот.
Цели светови полни со бои, идеи и грандиозни планови живеат во нивните глави. Додека нивната имагинација лета високо, нивните стапала понекогаш остануваат цврсто залепени за местото каде стојат.
Кои се овие хороскопски знаци?
Риби
Рибите имаат бесконечна имагинација и идеи што би можеле да го променат светот, но честопати им недостасува структура и организација за да ги спроведат во пракса. Нивните соништа се прекрасни, но брзо се совладани од секојдневниот живот, па затоа остануваат само во нивните умови наместо на хартија.
Близнаци
Близнаците сакаат сè одеднаш и затоа ретко завршуваат нешто. Нивната љубопитност ги води во илјада различни насоки, но кога ќе дојде време да постигнат нешто конкретно, тие веќе се ментално на нов проект.
Стрелец
Стрелец обожава големи планови и визии за иднината, но нивната потреба за слобода честопати ги спречува да истраат до крај. Лесно се заведуваат од нов предизвик, оставајќи ги старите цели полузавршени и заборавени.
Водолија
Водолиите размислуваат надвор од кутијата и сонуваат за револуционерни промени, но честопати им недостасува трпение за малите, секојдневни чекори што водат до тие големи достигнувања. Нивните соништа честопати остануваат само фасцинантни идеи во нивните глави.
фото: принтскрин
Забава
(Фото) Дури и кога фустанот е едноставен, таа е провокативна
Њујорк неодамна беше центар на светот за многу јавни личности. Познати дами се собраа на гала-вечер организирана од „Керинг фондацијата“, посветена на борбата против насилството врз жените и децата.
Вниманието на јавноста го привлече актерката Салма Хајек, која на настанот се појави во придружба на сопругот Франсоа-Анри Пино, а за таа цел носеше навидум едноставна креација.
Салма, која секогаш наоѓа начин да ги истакне своите раскошни облини, овој пат реши да ја разбуди имагинацијата на многумина. Таа избра тесна црна тоалета која ја нагласува нејзината завидна фигура, но најголемо внимание привлече бујното деколте.
Како и обично, нејзините гради беа во преден план, а таа гордо ги носеше. Што се однесува до остатокот од изгледот, таа избра силна шминка во земјени тонови, минималистички додатоци и чантичка во црна боја.
Косата ја стилизира на наједноставен начин – предниот дел ѝ беше фатен високо.
Забава
(Фото) Единствената боја на лак за нокти што ви е потребна оваа есен
Оваа есен чоколадно кафеавата боја ја носи титулата нијанса која е тренди, елегантна и бескрајно нослива во исто време. Совршено ја евоцира есенската атмосфера и дефинитивно е еден од најголемите есенски трендови. Потсетува на костени, мирис на топло какао и меко ќебе, кои се синоним за пријатна атмосфера. Затоа е визуелно и емоционално совршена за ова време од годината.
Покрај топлината, чоколадно кафеавата боја носи и неутралност со стил. Иако е неутрален тон, таа е доволно богата и темна за лесно да ги замени црвените или бордо нијансите кои традиционално доминираат во есенските маникири. Нејзин плус е што добро се вклопува со сите тонови на кожа, така што секој може да ја пронајде својата идеална варијанта.
View this post on Instagram
Зошто чоколадно кафеавата е задолжителна оваа есен
Познати експерти за маникир и трендсетери веќе ја прогласија за една од „it“ боите за нокти за есен 2025 година.
Уредниците и инфлуенсерите од целиот свет се согласуваат за ова, што дополнително потврдува дека чоколадно кафеавата не е минлив хит, туку долгорочен фаворит.
Чоколадно кафеавата боја доаѓа и во различни текстури и завршни обработки. Покрај класичниот сјаен сјај, популарни се мат и полумат изгледи, кадифеен ефект, како и луксузен гел финиш. Секоја од варијациите дава различен впечаток, но заедничко им е што дополнително ја нагласуваат софистицираноста на оваа нијанса.
View this post on Instagram
Како да носите чоколадно кафеав маникир?
Прво, изберете ја формата на ноктите што најмногу ви одговара – овални, малку заоблени или популарните „squoval“ нокти изгледаат особено елегантно. Потоа нанесете основен слој, два слоја чоколадно кафеава и завршете со завршен слој, сјаен или мат, во зависност од ефектот што го сакате.
Ако сакате да додадете допир на гламур, златни или бронзени детали, ситните светки или суптилната уметност на ноктите можат да го подигнат целиот изглед. Не заборавајте да се грижите за вашите раце и кутикули, бидејќи темните нијанси ги нагласуваат сите несовршености на кожата.
View this post on Instagram
Чоколадно кафеавиот лак за нокти не е само тренд – тој е универзален симбол на елеганција, топлина и есенски шик, а со толку многу достапни варијации, лесно ќе го пронајдете оној што најдобро го одразува вашиот стил.
фото: принтскрин
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
