Забава
Најсилни кога е најтешко: ништо не може да ги скрши овие хороскопски знаци
Имате ли блиска личност која ви помага да ги преживеете најтешките моменти, личност која е најсилна кога е најтешко? Можеби вие сте таа личност?
Во секој случај, ако им се верува на астролозите, нашиот хороскопски знак влијае и на тоа колку личноста ќе биде ментално силна во тешки времиња.
Астролозите издвоија три знаци кои имаат неверојатна внатрешна сила која им помага да ги надминат сите животни препреки, а истовремено им помагаат на своите најблиски да го направат истото.
Ова се трите хороскопски знаци кои се најсилни кога работите се најтешки.
Јарец
Јарците се амбициозни, дисциплинирани, организирани, трпеливи, одговорни, насочени кон целите и бестрашни. Можат да издржат многу, а кога работите стануваат тешки, не се откажуваат така лесно, односно воопшто не се откажуваат.
Во предизвикувачки ситуации, Јарците прават се што можат за да најдат решение. Освен тоа, нивната ментална сила е причината поради која полесно од другите поминуваат низ сите животни предизвици, и лесните и најтешките.
Лав
Ако можеме да кажеме дека секој хороскопски знак е бестрашен и силен, тогаш тоа е Лав. Лавовите се родени лидери, што дефинитивно им помага во тешки ситуации.
Кога ќе се случат, Лавовите стојат на чело на нивната „глутница“ и и помагаат да надмине се што ќе ѝ се најде на патот. Кога на другите им се чини дека нема излез, Лавовите остануваат присебни и неверојатно силни, уверени дека ситуацијата може да се подобри.
Шкорпија
Шкорпиите се страсни, мистериозни, и мирни, и бурни и лукави, но секогаш кога е потребно, тие се и бестрашни и ментално силни.
Родените во овој знак се снаодливи и силни, што навистина им помага во тешките животни ситуации кои секогаш се трудат да ги решат без паника. Откако ќе најдат решение за тешките ситуации, од нив излегуваат уште посилни од порано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
Шефот на „Гугл“: Вештачката интелигенција е склона кон грешки, корисниците не треба „слепо“ да ѝ веруваат
Корисниците не треба слепо да веруваат на сè што им кажуваат нивните алатки за вештачка интелигенција (АИ), изјави денес за Би-би-си шефот на матичната компанија на „Гугл“, „Алфабет“. Извршниот директор на компанијата, Сундар Пичаи, изјави за британскиот медиум дека моделите на АИ се склони кон грешки и ги повика корисниците да ги користат заедно со други алатки.
Пичаи ја нагласи важноста на богат информациски систем, наместо да се потпираат исклучиво на технологијата на АИ, објави Би-би-си. „Затоа луѓето го користат пребарувањето на „Гугл“, а ние имаме и други производи што обезбедуваат подобри, поточни информации“.
Пичаи, индиско-американскиот шеф на „Алфабет“, рече дека алатките на АИ се корисни ако „сакате да напишете нешто креативно“, но предупреди дека луѓето треба да научат да ги користат овие алатки за „она во што се добри, а не само слепо да веруваат на сè што ќе кажат“.
„Горди сме на трудот вложен во обезбедување на најточни можни информации, но дури и најдобрата технологија на АИ во моментов е склона кон грешки“, нагласи тој.
Пичаи разговараше со Би-Би-Си додека технолошкиот свет со нетрпение очекува нова верзија на комерцијалниот модел на вештачка интелигенција на „Гугл“, „Џемини 3.0“, кој во тековните верзии веќе врати дел од пазарниот удел во битката против ChatGPT.
Неговите коментари се во согласност со истражувањето на Би-би-си спроведено претходно оваа година, кое заклучи дека ботовите со вештачка интелигенција се неточни при производство на резимеа на вести.
Забава
Откриена статуа на Бриџит Џонс во центарот на Лондон
Бриџит Џонс, откачената хероина, им се придружи на Мери Попинс, Хари Потер и други сакани филмски ликови со своја статуа на лондонскиот Лестер Сквер.
Добитничката на Оскар, Рене Зелвегер, која го игра главниот лик во сите четири филмови за Бриџит Џонс, вчера присуствуваше на откривањето на статуатата по повод 25-годишнината од објавувањето на првиот филм „Дневникот на Бриџит Џонс“.
„Доста е лудо. Малку е чудно. Не е нешто што некогаш би го очекувале (…) големо изненадување е“, рече Зелвегер.

Фото:ЕПА
Авторката Хелен Филдинг го создаде ликот на Бриџит Џонс пред повеќе од 30 години за колумна во весник во која детално е опишан љубовниот живот на Бриџит.
Статуата на Бриџит Џонс е дел од филмската патека „Сцени на плоштадот“, полна со скулптури на филмски ликови на плоштадот Лестер каде што се одржуваат многу филмски премиери. Патеката беше отворена во 2020 година и вклучува статуи на Лорел и Харди, како и на Бетмен, меѓу другите.
Ерик Фелнер, претседател на филмската компанија „Воркинг титл“, која ја продуцираше франшизата „Бриџит Џонс“, по најавата дека ќе биде подигната статуа во центарот на Лондон во чест на хероината со исто име, изјави: „Одлично е затоа што Бриџит е вистински лондонски херој, а идејата таа да биде постојано присутна во центарот на Лондон е навистина возбудлива“.
Задоволна, Фелнер се пофали: „Ова е првпат да изберат лик од романтична комедија“.
Забава
(Фото) Прорез на незгодно место откри премногу: oд опуштена мајка до секси заводничка
Џенифер Лоренс, американската актерка која ги остава сите без зборови со своите внимателно одбрани модни креации за црвениот тепих, ниту овој пат не погреши и отиде уште чекор понатаму – се чини дека е во еден од најубавите изданија во нејзината кариера.
Иако приватно е голем љубител на лежерните комбинации и не може да поднесе да биде ограничена од ништо, Џенифер сигурно знае како да одговори на соодветната пригода и да ја воодушеви јавноста со елегантен избор.

На 16-то доделување на наградите „Гувернерс“ во Холивуд, таа буквално блесна во снежно-бел фустан кој максимално ја истакнуваше нејзината фигура и природна убавина, но со кој покажа дека може да биде многу заводлива.
Фустанот е плисиран по целата должина и во исто време создава впечаток на елеганција и лежерност, има спуштени ремени кои лежерно паѓаат преку рацете, но и многу незгоден детаљ на „незгодно“ место што ѝ го дава на креацијата тој интригантен, провокативен момент за барем моментално да одговори на актуелниот тренд на тесни фустани што долго време владее на сцената.

Станува збор за совршено направена комбинација од горниот и долниот дел, кои се преплетуваат во висина на бутовите и ги откриваат голите, витки нозе на прекрасната Џенифер Лоренс, која ја надополни комбинацијата со соодветни сандали со високи потпетици.

Носеше впечатливи висечки обетки, косата и беше пуштена до рамената, а нежен впечаток остави со суптилна шминка во природни тонови.
фото: принтскрин

