Забава
Неверојатно деби на Frozen 2 во Северна Америка со заработка од 173 милиони долари

Дизниевиот Frozen 2 ја измами конкуренцијата на благајните во Северна Америка, каде што семејната публика ја подигна анимираната авантура до неверојатно деби во износ од 130 милиони американски долари.
Продолжението почна над очекувањата пред Денот на благодарноста, а се очекува да влезе во доста профитабилна рамка за празниците.
Frozen 2 постави ноемвриски рекорд за анимиран филм и е најголемото отворање досега за анимацијата на „Волт Дизни“ (не вклучувајќи го Pixar). Исто така, тоа е првиот анимиран филм кој на скалата достигна трицифрена бројка на својата премиера кога не е лето.
Во странство анимираната авантура генерира 223 милиони американски долари за масовен глобален почеток од 350 милиони американски долари.
Првиот Frozen лансиран пред Денот на благодарноста во 2013 година собра 93 милиони американски долари во првите пет дена во кината.
Исто како и хитовите Do You Want to Build a Snowman? и Let It Go, кои станаа класици, оригиналниот филм стана сертифицирана сензација и сè уште е анимиран филм со најголема заработка филм во историјата – 1,3 милијарда американски долари од продажба на билети во светот.
Frozen 2 доби нешто помалку ентузијастички, иако сè уште блескав, прием од публиката, која додели A-CinemaScore (или чиста петка) во споредба со првиот Frozen, кој доби А+ (пет плус).

edkids – Moviestill Frozen 2 opens 21 November
Copyrights:The Walt Disney Company (Southeast Asia)##########frozen14##########The Walt Disney Company (Southeast Asia)
Продолжението е повторно во режија на Џенифер Ли и Крис Бак, како и на оригиналните текстописци Кристен Андерсон-Лопез и Роберт Лопез
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Палестина првпат во историјата има претставничка на изборот за мис универзум

Палестина ќе се придружи на изборот за мис универзум првпат по 74 години. Моделот Надин Ајуб ќе ја претставува земјата на 74. избор за мис универзум, кој ќе се одржи во Пак Крет, Тајланд, во ноември.
View this post on Instagram
Таа сподели емотивна порака на „Инстаграм“ нагласувајќи ја важноста на моментот: „Чест ми е да објавам дека Палестина ќе биде претставена на ‘Мис универзум’ првпат. Стапнувам на сцената на ‘Мис универзум’ не само со титула туку и со вистината“.
View this post on Instagram
„Додека Палестина минува низ срцекршачка криза, особено во Газа, го носам гласот на народот, кој одбива да биде замолчен. Ги претставувам секоја палестинска жена и секое дете, чија сила светот треба да ја види. Ние сме повеќе од нашето страдање – ние сме отпорност, надеж и срце на татковината што живее преку нас“, додаде таа.
View this post on Instagram
Која е Надин Ајуб?
27-годишната Ајуб е фитнес-тренер и нутриционист, која сега живее во Дубаи, пишува „Араб њуз“. Таа веќе постигна значајни успеси во светот на натпреварите за убавина: во 2022 година таа ја зеде дома лентата Miss Earth Water на натпреварот Miss Earth во Манила, а исто така беше првата жена што ја претставуваше Палестина на овој натпревар. Miss Earth е еден од четирите најголеми избори за убавина во светот заедно со Miss World, Miss Universe и Miss International.
View this post on Instagram
Истата година таа беше крунисана за мис Палестина, а покрај светот на модата и убавината, таа е активна и во областа на образованието. Таа ја основа Академијата „Олив грин“, училиште за креирање содржини, кое комбинира одржливост со вештачка интелигенција, со цел да понуди иновативен пристап кон образованието и дигиталната креативност.
фото: принтскрин
Забава
Кетрин Зета-Џонс за поседувањето четири куќи: „Не е претерано, удобно е“

Кетрин Зета-Џонс во интервју за „Сандеј тајмс“ откри дека не мисли дека е претерано што таа и сопругот Мајкл Даглас поседуваат четири куќи – две во Њујорк, една во Канада и една во Шпанија.
„Знам дека звучи како џет-сет живот, а јас сакам да се опкружувам со убавина, но тоа не е претерано, многу е удобно“, рече 55-годишната актерка.
Таа додаде дека сака да троши пари за мода, па затоа често посетува винтиџ продавници во Париз.
„Купувам работи што можеби никогаш нема да ги облечам, како прекрасни наметки. Во моментов сум заљубена во класичниот Ив Сен Лоран, а особено ме радуваат вечерните фустани“, рече таа.
Таа ја пренела својата страст кон модата и на нејзината 22-годишна ќерка Керис. „Таа го обожава мојот плакар. Веројатно имам најголема колекција чанти Fendi Baguette, а таа неодамна најде уште неколку кај мајка ми. Имам сè, од тексас до бисери и светки“, откри таа.
Цената на една таква чанта денес достигнува 11.500 долари.
„Карла Фенди постојано ми подаруваше, во времето кога беа најбарани“, додаде таа.
фото: принтскрин
Забава
Совршената сопруга навистина постои – и таа е родена во еден хороскопски знак

Астролозите се согласуваат: жените родени во овој знак се најблиску до совршенството што можете да го замислите.
Ако некогаш сте помислиле дека совршената сопруга не постои, астролозите имаат изненадување за вас.
Според нив, од сите хороскопски знаци, жените родени под знакот на Девица се олицетворение на совршенството – и не затоа што се трудат, туку затоа што тоа е во нивната природа.
Зошто Девици?
Девиците се познати по својата емоционална стабилност, великодушност и способност да им помагаат на другите без размислување. Иако се независни, тие многу ги ценат своите најблиски и се подготвени да се борат за она што го сакаат – дури и за своите најлуди соништа.
10 причини зошто Девиците се најдобрите сопруги на светот
- Тие се дарежливи и никогаш не се двоумат да помогнат некому.
- Секогаш се фокусирани и ретко ја губат својата волја – родени лидери.
- Сè прават темелно и не толерираат површност.
- Се грижат за своите пријатели и негуваат врски.
- Совршено го разликуваат важното од неважното – нивната интуиција е непогрешлива.
- Иако независни, копнеат по длабоки разговори со својата сродна душа.
- Тие се сигурни – можете да се потпрете на нив во секоја ситуација.
- Тие се интелигентни и секогаш имаат решение за проблем.
- Живеат едноставно, но имаат големи цели – среќни се секој ден.
- Имаат совршена меморија – ниеден детаљ не им бега.
Ако барате партнер кој е стабилен, внимателен, интелигентен и посветен – Девиците се вашиот хороскопски џекпот.
фото: принтскрин