Алиса Али Ди (28) предизвика дебата на интернет откако откри дека нејзиниот сопруг Том (51) и плаќа 100 евра неделно за да готви и да го чисти нивниот семеен дом. Парот се запознал во војска, каде работеле заедно, а сега се во брак речиси три години и го очекуваат своето прво дете.

Во видеото кое го објави на „Јутјуб“, таа вели дека додека биле верени, одела на факултет и работела надвор од домот, но дека со текот на времето сфатила дека нејзиниот сопруг, според Алиса, сака повеќе внимание од неа, па се договориле дека ќе биде домаќинка.

„Договорот беше дека ако не сум добра домаќинка, ќе се вратам на работа“, објаснила идната мајка.

„Воопшто не би рекла дека сум феминистка. Мажите нè сакаат толку многу“, додала таа.

Алиса тогаш рече дека повеќето од домашните работи, како готвење, чистење и перење сама ги извршува и дека добива 100 евра неделно за нејзиниот труд.

Таа објасни дека оваа плата и носи повеќе пари отколку што некогаш заработила за време на нејзината воена кариера и дека внимателно управува со семејниот буџет.

„Сакам да живеам за да не морам постојано да се грижам за финансиите и да размислувам колку пари имам“, вели таа.

„Секако, има жени на социјалните мрежи кои ме мразат. Но, тие се главно над 30 години и сингл”, додала Алиса.

Видеото кое беше објавено пред неколку дена е прегледано речиси 15.000 пати и е преплавено со коментари од луѓе чии мислења беа поделени.

Многумина разговараа за животите на Алиса и Том. Една корисничка на Јутјуб рече дека 100 евра не се доволни за да се покрие целиот труд што таа го вложува во семејниот дом.

„Прави што сакаш девојче, но и знај ја својата вредност и не плашете се да го побарате она што го заслужувате, што е повеќе од 400 долари месечно за целата таа работа“, напиша.

Една жена се согласи со коментарот.

„Прекрасно. Би сакала да имам ваков традиционален брак, каде жената е среќна дома додека се грижи за своето семејство“, напиша таа.

Имаше и такви кои не го поддржуваа овој начин на живот.

„Имав врска со дечко кој се обиде со мене, сакаше да му бидам куќна помошничка. Тоа е причината поради која раскинавме”, рекла една девојка.

„Проблемот овде е што зависиш од него, немаш ништо свое. Да се ​​биде независна како жена сепак има своја вредност“, додаде друг корисник.

Британката Дона Харди се преселила со семејството од Сканторп, Англија на имот во Велико Трново на северот на Бугарија, пишува Дејли Мејл.

43-годишната мајка на три деца продала се што имала и решила да започне нов живот во Бугарија, а куќата ја купиле за само 26.000 евра. Имотот се состои од голема куќа во прилично лоша состојба и помала куќа, како и голема штала и неколку помошни згради, гаража и хектар земја.

„Куќата е прилично трошна, но јас и моето семејство сме многу среќни“, објасни Дона, која на „Тик-ток“ покажува како изгледа нејзиниот живот на имотот во Бугарија.

@donnahardy2181 so one question we keep being asked is how much did we pay for the house #uktobulgaria #oldhouse #bulgaria🇧🇬 #family #newlife #houserenovation #buyingahouse #howmuch ♬ Here Comes the Sun – Relaxing Instrumental Music

Дона вели дека се надева оти помалата куќа на имотот ќе биде за нејзината 12-годишна ќерка, и објасни дека таа и нејзиното семејство дошле во Бугарија со виза Д, која им се дава на оние кои сакаат да влегуваат во земјата за да се населат таму на подолг период.

Иако ги чека многу работа, од распакување и реновирање на домот, за што ќе треба труд, време и пари, семејството е задоволно од одлуката. И ќерката на Дона, Елис, купила имот во нивна близина за 25.000 евра и уште еден помал за 8.400 евра, преку eBay, додека Дона куќата ја купила преку агенција за недвижности.

@donnahardy2181 my bulgarian home in the winter check it out it’s gorgeous I love the snow #winterinbulgaria #snow #uktobulgaria #renovation #bulgaria🇧🇬 #dream #bulgariadirect ♬ snowfall – Øneheart & reidenshi

Инаку, според британските медиуми, просечната цена на куќа во Велика Британија е 282.000 фунти или 338.000 евра). Во Лондон цените се многу повисоки и се движат околу 518.000 фунти или 621.000 евра.

Во коментарите под нејзините видеа, Британците возвратија, но реакциите беа поделени. Некои го пофалија нејзиниот потег, додека други не беа баш воодушевени од идејата.

@donnahardy2181 life on the land in bulgaria #uktobulgaria #houseinbulgaria #bulgaria🇧🇬 #newlife #sheep ♬ Tree of Life (Instrumental) – Forest Elves

„Багатела. Честитки за заминувањето од Англија, заслужуваш аплауз“, „Купив куќа во Бугарија во 2018 година и како Англичанец можам да ти кажам дека тоа беше вистинскиот потег и дека луѓето се прекрасни“ и „Да , можеш да купиш евтино во Бугарија куќа, но таму немаш ништо, а на зима ќе мрзнеш“, се дел од коментарите.

Поп ѕвездата Селена Гомез неодамна откри дека мисли оти нејзината детска слава го запрела нејзиниот развој во дваесеттите.

Имено, во интервју за магазинот „Ел“, пејачката и актерка се осврнала на влијанието на славата во нејзиното детство и открила што би сакала да знае пред да зачекори во светот на познатите.

„Не се каам за ништо и имам фантастично семејство и правилата ги поставуваат моите родители и јас го ценам тоа. Сепак, мислам дека не би го направила тоа на многу млада возраст ако размислував за себе“ изјави Гомез.

Гомез објасни дека имало многу работи и ситуации поради кои се чувствувала како да заостанува зад другите.

„Додавањето голем притисок од другите луѓе не ми помогна да развијам чувство за себе во моите дваесетти. Тоа беше многу тешко време. Јас живеам со него секој ден“, изјави таа.

Поп ѕвездата призна дека се труди позитивно да гледа на светот и да се фокусира на проектите што ги сака.

„Се трудам да останам позитивна за се’ и да се фокусирам на работите што навистина ме прават среќна. Сепак, би им рекла на другите дека можеби треба да почекаат и да живеат малку“, додаде таа.

Инаку, Гомез својата актерска кариера ја започна со појавувањето во серијата „Barney & Friends“ во 2002 година кога имаше 10 години. Само пет години подоцна таа стана ѕвезда како главна актерка во „Волшебниците од Вејверли Плејс“ на каналот Дизни.

Таа подоцна ја прошири својата кариера во музичката индустрија со потпишување со Холивуд Рекордс и формирање на сопствен бенд. Во исто време, таа продолжи да снима филмови и музика. Поради болест, извесен период ја паузираше кариерата, но неодамна се врати и моментално работи на филмот „Емилија Перез“.