Забава
Не им е здодевно кога се сами: хороскопски знаци кои уживаат во сопственото друштво

Додека некои луѓе не можат да поднесат тишина и чувство на осаменост, овие знаци наоѓаат сила, инспирација и мир во неа. Не им е здодевно кога се сами – тогаш се најавтентични.
Девица
Аналитички, интроспективни и самодоволни, Девицата често функционира најдобро кога има свој мир. Уживаат во учењето, планирањето и организирањето на работите, а времето што го поминуваат сами го користат за личен развој и полнење на батериите. Независноста им доаѓа природно и не чувствуваат потреба постојано да бидат опкружени со луѓе за да се чувствуваат исполнето.
Јарец
Јарците знаат дека најдобрите резултати се постигнуваат кога се фокусирате, а за тоа често им треба тишина и простор без одвлекување на вниманието. Тие не се антисоцијални, но го ценат квалитетот пред квантитетот и можат да се забавуваат сами, без потреба од постојана интеракција. Нивната амбиција често бара време за размислување и стратешко планирање, што најдобро го прават кога се сами.
Риби
Иако емотивни и полни со емпатија, Рибите имаат богат внатрешен свет. Тие сакаат да сонуваат, да создаваат и да ги истражуваат сопствените мисли. Осаменоста не им е тешка – напротив, тие често ја доживуваат како засолниште, каде што се чувствуваат најавтентично. Во тишина тие се поврзуваат со својата интуиција и креативност, што ги прави духовно исполнети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Орландо Блум ја објави првата фотографија со Кеjти Пери по раскинувањето: уживаа на јахта

Кејти Пери и Орландо Блум неодамна објавија дека се разделуваат, а сега покажуваат колку уживаат во тоа што се заедно.
Пејачката Кејти Пери и актерот Орландо Блум неодамна потврдија дека се разделиле по девет години.
Актерот сега објави серија фотографии од семејно патување на Инстаграм, од кои на една е Кејти.
Имено, фотографиите се направени на јахта, а Орландо позираше со Кејти, нивната ќерка Дејзи Дав и неговиот четиринаесетгодишен син Флин, кого го доби со Миранда Кер.
Овие фотографии предизвикаа бројни коментари, од кои повеќето беа оние кои велеа дека Кејти и Орландо се доказ дека дури и по раскинувањето, може да се остане во добри односи.
Забава
(Фото) Дуа Липа покажа како се носи малиот црн фустан

Традиционалната Недела на модата во Париз сè уште трае, а познатите личности и нивните интересни модни изданија пристигнуваат. На ред е Дуа Липа, која одлучи да носи креација од пердуви на големиот моден настан.
Иако оваа комбинација доби комплименти, другата комбинација на Липа го привлече вниманието на жените кои сакаат лежерен стил и ненаметливи детали.
Пејачката беше фотографирана пред луксузниот хотел „Костес“. За дневната пригода, таа носеше минималистички фустан кој ја истакнуваше нејзината завидна фигура.
Станува збор за класичен црн фустан кој зрачи со едноставност и високи чизми од брендот „Chrome Hearts“ кои ги истакнуваат витките нозе.
Својот стил го комплетираше со чанта од Шанел и шминка во „nude“ тонови. Косата ја стилизираше на наједноставен начин – се одлучи за меки бранови.
Забава
(Фото) Мртва трка меѓу Кејт Мидлтон и Брижит Макрон: не се знае која е подобро облечена

Емануел Макрон, претседателот на Франција, и неговата сопруга Брижит Макрон пристигнаа во тридневна официјална посета на Обединетото Кралство. Тие беа пречекани во Лондон од кралот Чарлс и кралицата Камила, како и од принцот Вилијам и принцезата Кејт Мидлтон.
Првата дама на Франција и принцезата од Велс привлекоа внимание со своите комбинации за оваа посебна пригода. Кога зборуваме за стајлингот на Брижит Макрон, мора да нагласиме дека тој се карактеризира со едноставност и елеганција.
Така беше и овој пат, кога одлучи да облече бел фустан со златни детали што ги следеа контурите на нејзиното тело. Својот стајлинг го надополни со беж чевли и рачно изработена чанта украсена со цветни мотиви.
Што се однесува до Кејт Мидлтон, таа се одлучи за комбинација во пудра розова боја, која се состои од струкирано сако и здолниште од тил.
Интересно е што нејзината облека е дизајнирана од француската модна куќа „Диор“, со која принцезата од Велс сакаше да им оддаде почит на своите гости.
Таа го надополни својот аутфит со високи потпетици од брендот „Gianvitto Rossi“ и шапка. Бисерна огрлица и обетки го надополнија нежниот изглед.