Забава
Новата сезона на „Бриџертон“ доаѓа в петок

Милиони фанови го чекаат петок, 25 март, за да го гледаат продолжението на „Бриџертон“, една од најпопуларните серии на „Нетфликс“ на сите времиња.
Оваа историска драма од риџенси-ерата, која ги собори сите рекорди на гледаност во првата сезона, беше прогласена за најжешка серија на стримерот поради експлицитните сцени. Главниот актер Реџе Жан Пејџ ги освои срцата на илјадници жени, но тој нема да се врати во улогата на војводата од Хејстингс во оваа сезона, на која, најверојатно, ќе ѝ недостига еротика.
Оние што очекуваат жешки сцени и голотија би можеле да бидат разочарани, велат професионалните критичари во рецензиите што веќе ги објавија некои медиуми.
Иако во срцето на серијата е љубовна приказна, овој пат помеѓу Ентони Бриџертон (Џонатан Бејли) и Кејт Шарма (Симон Ешли), таа е бавна и напната наспроти фаталната привлечност и хемија помеѓу војводата од Хејстингс и Дафне.
Првата сезона докажа дека кога станува збор за сексуални монтажи, Шонда Рајмс знае како да го направи тоа. Во една од најкоментираните сцени, со оркестарска верзија на Wildest Dreams на Тејлор Свифт во заднина, Сајмон и Дафне си ги истражуваа телата на меден месец дома.
Всушност, ваквите сцени донесоа висока гледаност.
Но, критичарите го делат мислењето дека и продолжението има многу што да понуди. Тие главно ја оценија серијата со четири ѕвезди фалејќи ги добредојдената несериозност и гламурот во мрачните времиња.
Дејството на серијата е сместено во Лондон од 19 век. Продуцент е Шонда Рајмс, зад која стојат голем број успешни серии, меѓу кои и „Вовед во анатомија“.
Втората сезона ја следи втората книга во книжевниот серијал „Бриџертон“ на Џулија Квин, со наслов „Виконтот што ме сакаше“ (The Viscount Who Loved Me).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Лени Кравиц (61) позираше без маица и ги покажа стомачните мускули

Лени Кравиц (61) ги воодушеви своите обожаватели со својата најнова објава на „Инстаграм“.
Тој позираше без маица и ги покажа стомачните мускули. „Лас Вегас. 43 степени“, стои во описот на објавата кадешто собра еден куп комплименти.
„Како е овој човек на 61 година?“, „Не можам да кажам ништо пристојно“, „Би сакал да го запознаам“, „Изгледаш одлично“, „Сите зумираме како да нема утре“, напишаа следбениците во коментарите.
View this post on Instagram
Музичарот го одржува својот младешки изглед со здрав начин на живот и редовен тренинг, за што често зборуваше во претходните интервјуа.
Тој одгледува поголем дел од својата храна, а неговото мени е претежно растително.
„Јадам многу чисто“, рече музичарот, нагласувајќи дека внимава што внесува во своето тело.
Вежбањето е подеднакво важен дел од неговата рутина – тој сака кардио, особено возење велосипед, и тренира каде што може. Подготовките за турнејата подразбираат целосен фокус: без алкохол, цигари и ноќни излегувања, со задолжителни осум часа сон.
„Тоа е комбинација од гени, грижа за себе, напорна работа и дисциплина“, објасни Кравиц, додавајќи дека доследноста во овие навики ги зајакнува сите други аспекти од неговиот живот.
Забава
(Фото) Обожавателка ја праша Северина кога ќе почне да се облекува според нејзините години: одговорот на пејачката ги насмеа фановите

Северина објави преписка со обожавател на својот инстаграм-профил, а одговорот на пејачката насмеа многумина.
Обожавателот ја праша 53-годишната пејачка кога ќе почне да се облекува според нејзините години. Северина одговори: „Кога ќе ми го позајмиш фустанот од твојата профилна фотографија“ и испрати емотикон во форма на срце.
Нејзиниот одговор ги насмеа фановите.
View this post on Instagram
Северина ова лето настапува во Хрватска и во околните земји, а е позната по своите интересни комбинации, кои привлекуваат внимание на нејзините концерти.
View this post on Instagram
фото: принтскрин
Забава
(Фото) Бред Пит има нов дом: ѕирнете во вилата од 12 милиони долари

Дејв Кенинг, коосновачот и гитарист на бендот The Killers, ја продаде својата вила во Лос Анџелес на продуцентот, вљубеник во архитектурата и добитник на „Оскар“, Бред Пит, за 12 милиони долари. Луксузната вила се наоѓа во Холивуд Хилс, а продажбата првпат ја објави „Волтстрит џурнал“.
Барал 14 милиони долари, Бред понуди 12
Имотот се наоѓа на нешто повеќе од една третина од еден хектар, а зад оградата е бела куќа од малтер со теракота- покрив, што нуди живописен поглед од центарот на Лос Анџелес до заливот Санта Моника. Вилата, првично изградена кон крајот на 80-тите, е приближно 8.000 квадратни метри и има шест спални соби и осум бањи.
Високото фоаје со дрвени греди води кон дневна соба со камен камин и француски врати што се отвораат кон дворот. Втората дневна соба има релјефен лимен таван, а канцеларијата е обложена со вградени полици за книги. Елегантната кујна со трпезарија е опремена со ормани од абанос и апарати Wolf и Miele.
Спа-центар, студио за снимање…
На горниот кат се наоѓа раскошен главен апартман со лустер од мурано-стакло, камин, балкон кој го опкружува и мермерна бања. Исто така, има и киносала, а уредените градини имаат базен во слободна форма, спа-центар, простор за скара и дневна соба со камин. Имотот вклучува и две гаражи и одвоено студио со простор за снимање.
Ова не е првиот имот на Пит во Холивуд Хилс. На почетокот на 2023 година тој продаде имот во Лос Фелиз за 33 милиони долари, а потоа купи павилјон познат како Челичната куќа во истата населба за 5,5 милиони долари. Неодамна издвои 40 милиони долари за историската куќа „Д. Л. Џејмс“ во Калифорнија, која наводно стана негова главна резиденција. Неговото портфолио вклучува и 50 проценти од акциите во винарницата „Шато Миравал“ во Франција, која ја делеше со поранешната сопруга Анџелина Џоли.
фото: принтскрин