Забава
Нов музички фестивал „Ентер“ во Скопје, најавени се 60 изведувачи од земјава и светот

На крајот на мај и почетокот на јуни Скопје ќе биде епицентарот на музички земјотрес во регионот. На две огромни фестивалски сцени, никогаш досега видени на овој простор, отворена и затворена, шест дена ќе настапуваат големи музички ѕвезди, односно над 60 бендови од земјава и странство.
Засега не се откриваат имињата на изведувачите, но се дознава дека станува збор за исклучително популарни бендови и реномирани соло артисти кои ќе настапуваат на целиот простор околу спортскиот центар Борис Трајковски.
По теркот на регионалните фестивали „Егзит“, „Си денс лав фестивал“ и „Сигет“, на кои доаѓаат стотици илјади луѓе од Европа, Скопје ќе го добие за првпат „Ентер“. Со фестивалот, се очекува на крајот на мај и почетокот на јуни, Скопје и Македонија да станат центар на музичките случувања во поширокиот регион, што ќе привлече и голем број посетители од надвор.
Фестивалот ќе понуди многу музика, настапи во живо, позитивна енергија и како што се дознава пиво што ќе се продава за само 80 денари.
Токму пред сезоната на музички фестивали низ целиот свет, истражувачите во Британија испитуваа дали постои поврзаност помеѓу концертите, музиката во живо и благосостојбата на луѓето. Според професорот Патрик Фаган, кој го предводел истражувањето, одењето на концерти го продолжува животот. Дваесетминутна свирка во живо со светла, ефекти, врескање на публиката и гласната музика го зголемува чувството на благосостојба кај луѓето. Одењето на концерт или на голема свирка еднаш во две недели може да го продолжи животот на човекот за цели девет години.
„Препорачуваме почесто одење на свирки во живо. Така можете да си го продолжите животот за цела деценија“, наведува Фаган во студијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Убавата студентка по право ќе ја претставува Македонија на „Мис на светот“

Студентката на Правниот факултет при УКИМ во Скопје, Чарна Навзати (20), ќе ја претставува Северна Македонија на најпрестижниот избор на убавина – „Мис на светот“ во Телангана, Индија.
Изборот ќе трае до 31 мај.
„Чест ми е што ќе ја претставувам мојата земја на изборот за мис на светот 2025 година во Телангана, Индија, од 7 до 31 мај 2025 година – ‘Убавина со цел’. Вистински ја ценам оваа можност што ми ја даде организацијата „Мис Северна Македонија“ да ги претставам прекрасната култура и наследството на Северна Македонија на глобалната сцена“, напиша таа.
View this post on Instagram
Во декември 2023 Навзати победи на ораторската вечер „Иво Пухан“, која се одржа на Правниот факултет „Јустинијан Први“, на тема „Кој ја плаќа цената на војната и тероризмот“.
View this post on Instagram
Забава
Утврдено кој ќе управува со наследството на починатиот Лијам Пејн

Имотот на Лијам Пејн е назначен. Шерил, мајката на осумгодишниот Бер, син на покојниот член на „Уан дајрекшн“, ќе управува со неговиот имот.
Според судските документи до кои дојде списанието „Пипл“, во тоа ќе биде заедно со адвокатот Ричард Марк Бреј бидејќи Пејн почина без тестамент. Според извештајот, вредноста на средствата на Пејн во Обединетото Кралство, по одбивањето на долговите и трошоците, е приближно 32,2 милиона американски долари.
Сепак, според судските документи во кои увид имал Би-би-си, Шерил и Бреј засега имаат само ограничени овластувања да управуваат со парите додека не се издаде општ сертификат за наследување.
Во меѓувреме, на Шерил и адвокатот не им е дозволено да распределуваат ниеден дел од имотот.
Пејн почина во октомври, на 31-годишна возраст, при падна од балкон од третиот кат во хотел во Аргентина.
Забава
„Енергија без филтри, музика без маски и емоција без компромиси“, „Ареа“ најави специјален концерт на 𝟣𝟢. мај

Македонската рок група „Ареа“ која одбележува повеќе од децении од своето формирање, ќе одржи специјален концерт на 10. мај (сабота) во „Јавна Соба“ во Скопје, каде што публиката ќе има можност да доживее едно блиско и енергично музичко искуство со автентичниот звук што ја одбележа „Ареа“ низ годините.
„Да си свој е најгласниот звук што можеш да го свириш“, вели гитаристот Ивица Брчиоски, кој од почетокот е дел од ова музичко патување. Во интервју по повод јубилејот, Брчиоски се навраќа на скромните почетоци, снимањето на првиот албум во студиото на МРТ – „место каде што пред нас снимале легенди како ‘Леб и сол’ и ‘Бјело дугме’“ – и потенцира дека клучот на успехот е доследноста и искреноста.
И по седум издадени албуми и стотици настапи, „Ареа“ останува верна на својот стил и на директната комуникација со публиката. Брчиоски посочува дека денешната сцена е поинаква – доминираат бројките и алгоритмите, но суштината на музиката е да биде доживување, а не производ.
Концертот во „Јавна Соба“ ќе понуди токму тоа – енергија без филтери, музика без маски, и емоција без компромис. Публиката може да очекува избор од најдоброто од дискографијата на „Ареа“, во атмосфера што ја нагласува блискоста и искреноста на живиот настап.