Забава
Обожавателка на Елтон Џон продава цвеќе, кое музичарот ѝ го подарил пред 50 години
16-годишната Дебора Вилијамс отишла да го види својот идол како настапува во 1976 година кога тој фрлил црвени каранфили во публиката. Кога толпата ѝ ги грабнала цвеќињата од рака, се сеќава Дебора, Елтон Џон излегол од сцената и ѝ подарил нови цвеќиња.
Сега 64-годишната г-ѓа Вилијамс подготвува внимателно сочувани цвеќиња и други скапоцени предмети за аукцијата на 14 јуни.
Концертот пред 50 години се одржал во Wolverhampton Civic Halls, а билетите чинеле само 2,50 фунти, се сеќава Дебора.
„Оттогаш ги чував заедно со сите други сувенири на Елтон што ги поседувам. Ги исушив цвеќињата и ги чував во книга со стиховите на неговите песни“, вели таа. „Многу ми се драгоцени и затоа ги продавам сега. Немам деца и ако нешто ми се случи, се плашам дека ќе завршат во ѓубре“, додава таа.
Богатството со сувенири на г-ѓа Вилијамс вклучува маици на Елтон Џон, летоци, програми, билети за концерт, фотографии, значки и постери, вклучително и постер на Елтон Џон и Реј Купер од 1977 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски знаци што се закануваат да раскинат кога работите не одат според нивниот план
Односите се чувствителни и сложени и сите повремено се соочуваме со моменти кога работите не излегуваат како што сме замислиле. Секој човек различно реагира на стресни ситуации и недоразбирања, а некои од нас се посклони кон радикални решенија кога се соочуваат со предизвици. Раскинувањето не е секогаш првиот избор, но за некои луѓе може да изгледа како најлесниот излез кога се чувствуваат заробени или несигурни.
Овен
Овните се познати по нивната импулсивност и силниот темперамент. Кога работите не излегуваат како што замислиле, нивната страсна природа брзо може да се претвори во фрустрација. Наместо да бара компромис, Овенот често претпочита драматични одлуки, вклучително и закани за раскинување, за да го врати чувството за контрола.
Близнаци
Близнаците се склони кон брзи промени во мислењето и однесувањето. Кога ќе се соочат со пречки, Близнаците може да се закануваат со раскинување, бидејќи тоа им дава можност да истражуваат нови опции и да избегнуваат монотони или тешки ситуации.
Лав
Лавовите сакаат да бидат во центарот на вниманието и имаат големи очекувања од своите партнери. Ако чувствуваат дека не добиваат доволно внимание или почит, може драматично да реагираат. Заканата за раскинување е начин Лавовите да го свртат вниманието на сопствените потреби и да се погрижат нивниот партнер да ја разбере сериозноста на ситуацијата.
Шкорпија
Шкорпиите се интензивни и страсни, а нивната чувствителност може да ги направи многу посесивни. Кога се чувствуваат изневерени или кога работите не одат како што треба, тие можат да станат многу деструктивни. За Шкорпиите, заканата од раскинување е средство за манипулација што го користат за да ја вратат контролата врз ситуацијата и емоционално да го казнат партнерот.
Водолија
Водолиите се познати по својата независност и неконвенционалност. Кога работите не одат како што треба, тие може да се чувствуваат ограничени или погрешно разбрани. Во такви ситуации, заканите за раскинување се нивниот начин на изразување на незадоволството и враќање на нивната автономија.
Забава
Чарлс побогат од кралицата Елизабета: внимателно управувал со своите финансии по добивањето развод од принцезата Дијана
Според неодамна објавената листа на богати на „Сандеј тајмс“ за 2024, која ги рангира 1.000 најбогати луѓе или семејства што живеат во ОК, кралот Чарлс е рангиран на 258. место на годинешната листа, што претставува благ пораст во однос на минатогодишната 263-та позиција, пишува медиумот.
Богатството на Чарлс е значително поголемо од она на мајка му, кралицата Елизабета Втора, кое се проценува на 470 милиони долари во 2022 година.
Бројот на нето-вредност може да се зголемува за неколку процентни поени секоја година бидејќи многу поединци имаат значителен дел од своето богатство инвестирано во средства, како акции, обврзници и недвижен имот, што добиваат вредност со текот на времето.
Највредните средства на Чарлс се имотите Сандрингам и Балморал. Сандрингам е имот од 20.000 хектари на истокот на земјата и се проценува дека вреди речиси 315 милиони долари, пишува „Сандеј тајмс“. Имотот Балморал, кој го вклучува замокот Абердиншир и 50.000 хектари земја, се проценува на 265 милиони долари, пишува „Тајмс“.
Во текот на 90-тите Чарлс внимателно управувал со своите финансии од 22,5 милиона долари по добивањето развод од принцезата Дијана. Тој исто така заштедил пари од профитот на Војводството Корнвол, приватен имот основан пред речиси 700 години за да обезбеди финансиска сигурност за наследникот на тронот. Војводството заработува пари со издавање на своите земјишни поседи и инвестирање во други средства.
Бидејќи Војводството се смета за дел од круната и затоа кралското семејство не е обврзано да плаќа данок на добивката остварена од имотот. И покрај тоа, Чарлс доброволно плаќа данок на доход на неговиот имот почнувајќи од 1993 година.
На второто место на листата, сер Пол Макартни од „Битлси“, е првиот британски музичар што стана милијардер. Тој заедно со сопругата Ненси е рангиран на 164. место на листата и има проценета нето-вредност од 1,27 милијарда долари. Дејвид и Викторија Бекам се рангирани на 297. место на листата со вкупна нето-вредност од 575 милиони долари. Тие беа само неколку места под познатиот музичар Елтон Џон, кој се најде на 291. место на листата со нето-вредност од 595 милиони долари.
Забава
Портпаролот на кралицата Елизабета: Да беше жива Дијана, се сомневам дека Хари би се оженил со Меган
Војводата и војвотката од Сасекс се венчаа на раскошна кралска венчавка одржана во „Св. Џорџ“ во замокот Виндзор пред шест години, а денес уживаат во хармоничен брак, во кој имаат две деца – синот Арчи и ќерката Лилибет.
Но, портпаролот на кралицата Елизабета Втора од 1988 до 2000 година, Дики Арбитер, изјави за радиото „Тајмс“ дека верува оти парот немаше да се венча доколку принцезата Дијана беше жива, пренесува „Мирор“.
„Да беше жива Дијана, можеби ќе бидам критикуван за ова, се сомневам дека Хари би се оженил со Меган“, рече Дики.
Тој додаде дека верува оти Хари би следел поинаков пат во животот доколку мајка му беше жива сега.
„Дијана беше многу внимателна со своите момчиња, тие беа нејзини дечковци. Таа ги штитеше и ќе ги заштитеше од секој што мисли дека не е вистинската личност“, заклучува тој.