Забава
Омилените цвеќиња на Дијана се нов дизајн на Потонатата градина во палатата Кенсингтон

Сè е подготвено за денешното поставување на новата статуа во знак на сеќавање на животот на народната принцеза која на 1 јули би го славела својот 60-ти роденден.
Над 200 рози, 100 споменчиња („не заборавај ме“), 500 лаванди, 100 далии, 50 садници сладок грашок и 300 лалиња ќе ја сочинуваат новата Потоната градина во палатата Кенсингтон, каде што ќе биде откриена статуата на покојната Дијана, принцезата од Велс подоцна денес.
Едно од омилените места на Дијана, новиот дизајн ја задржува историската структура, но го поедноставува распоредот на границите, додавајќи повеликодушен тревник околу базенот за дополнителен спокој.
„Ова беше многу посебен проект за работа, бидејќи Потонатата градина беше омилено место на Дијана, принцезата од Велс“, рече Пип Морисон, кој го дизајнираше новиот распоред на градината.
„Ние работевме внимателно за да осигуриме дека новиот распоред и шемата за садење ја комплиментираат статуата, обезбедувајќи смирувачко место за луѓето што ја посетуваат палатата Кенсингтон да се сетат на принцезата“.
„Додека престојуваше во палатата Кенсингтон, принцезата од Велс редовно се воодушевуваше на променливите цветни изложби во Потонатата градина и секогаш разговараше со мене и другите градинари што се грижеа за тоа“, Грејм Диламор, заменик-шеф на градини и имоти во историските кралски палати, изјави еден ден пред церемонијалниот настан.
„Повеќе од три децении подоцна, чест ми е што бев дел од тимот што ја подготвуваше градината за поставување на оваа статуа. Вметнавме голем број омилени цвеќиња на принцезата во дизајнот и се надевам дека посетителите на палатата и градините ќе уживаат во неговиот мирен амбиент и ќе одвојат момент да размислат за животот и наследството на принцезата“, додаде Грејм.
Потонатата градина (The Sunken Garden)
Потонатата градина првично е создадена во 1908 година за кралот Едвард Седми. Инспирирана е од рибниковта градина во палатата Хемптон корт. Се наоѓа на местото на некогашни бараки и стакленици.
Во 2017 година беше преименувана во Бела градина во знак на сеќавање на 20 години од смртта на Дијана, со бели и пастелни цветови инспирирани од нејзината гардероба, која потоа беше изложена во Палатата.
Свеченото откривање на споменикот на Дијана денес ќе биде настан од помал обем отколку што првично беше планирано. Одложеното укинување на ограничувањата за коронавирус значи дека само 30 луѓе можат да се соберат надвор на настани. Синовите на Дијана, принцовите Вилијам и Хари, повторно ќе бидат заедно на церемонијата, на која најверојатно ќе присуствуваат и нејзини роднини и други блиски пријатели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Бракот тројно го зголемува ризикот од дебелина кај мажите, покажа истражување

Бракот тројно го зголемува ризикот од дебелина кај мажите, покажа полско истражување.
Истражувањето кое ќе биде претставено на Европскиот конгрес за дебелина во Шпанија во мај, било спроведено на 1.200 парови во Полска и покажало дека ризикот од прекумерна тежина во бракот е зголемен за двата пола, но ситуацијата е особено акутна кај мажите.
Истражувачите заклучија дека кога се во брак, ризикот од прекумерна тежина се зголемува за 62 отсто кај мажите и 39 отсто кај жените, во споредба со оние кои не се во брак.
Оженетите мажи имаат 3,2 пати поголема веројатност да бидат дебели од слободните мажи, а таква разлика не е забележана меѓу мажените и слободните жени.
Ова потенцијално се објаснува со културните разлики во ставовите кон дебелината меѓу двата пола, се вели во истражувањето.
Студијата заклучи дека ризикот од дебелина исто така се зголемува со возраста. Секоја година, заканата од прекумерна тежина се зголемува за три проценти кај мажите и четири проценти кај жените. Ризикот од дебелина, сепак, се зголемува за четири отсто кај мажите и шест отсто кај жените, пренесува агенцијата ДПА.
Дебелината се дефинира како индекс на телесна маса од 30 или повеќе, а прекумерната тежина се дефинира како индекс од 25 до 29,99.
Истражувањето го водеше лекарот Алича Цича-Миколајчик од Националниот институт за кардиологија во Варшава.
„Возраста и брачниот статус имаат непобитно влијание врз прекумерната тежина или дебелината во зрелоста, без разлика на полот“, заклучува студијата.
Забава
Скарлет Јохансон не сака да се фотографира со обожавателите на улица, ја откри и причината

Актерката Скарлет Јохансон (40) објасни зошто не и е удобно да се фотографира со обожавателите кои ја среќаваат во јавност. Говорејќи на оваа тема додека го промовираше нејзиниот претстоен филм Jurassic World: Rebirth, Јохансон изјави за InStyle дека не сака да биде „идентификувана“ во одредено време и место. „Тоа навистина навредува многу луѓе“, призна таа.
„Секако дека ценам што луѓето се мои обожаватели и среќни што ме гледаат. Но, секогаш им велам: Не сум на работа. А тоа значи дека не сакам никој да ме „сними“ како некој што бил со нив во тој момент и на тоа место. Јас правам нешто свое“, додала таа.
Актерката нагласи и колку и е важно да ја зачува анонимноста на нејзините деца.
„Мислам дека анонимноста треба да се зачува што е можно подолго, барем додека самите деца не одлучат поинаку. Тоа е одлука што ја донесов за нив“, додаде таа.
Забава
(Видео) Српска инфлуенсерка го привлече вниманието на ревијата на Валентино во Париз

Тамара Калиниќ е една од најпознатите модни инфлуенсерки во регионот, чии модни избори секогаш се следат со голем интерес.
Оваа српска блогерка со постојана адреса во Лондон со години инспирира со своите елегантни, префинети и луксузни модни комбинации, а нејзиниот Инстаграм профил го следат речиси два милиони луѓе, кои секојдневно бараат инспирација во нејзиниот моден избор.
Сепак, нејзиното последно модно издание на ревијата на Валентино во Париз, одржана на 9 март 2025 година, предизвика различни реакции.
Тамара за оваа пригода беше облечена од глава до пети во парчиња на Валентино. Таа избра елегантен црн фустан со суптилни бели детали на ракавите од најновата колекција на брендот. Изгледот го комплетираше со црни хулахопки со дезен, салонки со црвен ремен околу глужд, црни очила за сонце и црна чанта.
Сепак, највпечатлив дел од нејзиното издание, што предизвика дискусија во коментарите, беше накитот за уста во форма на метална декорација што оди преку усните.
@tamara @Valentino ♬ original sound – Tamara Kalinic
„Ова е првпат да не ми се допадне ништо друго освен твојата убавина“, „Накитот за усни е ужасен. Веќе има доволно жени замолчени на овој свет за доброволно да носиш такво нешто во името на модата“, беа некои од критиките.
Но, за некои тој детаљ беше омилен дел од нејзината облека. „Накитот за усни ми е омилен!“, „Го сакам! Толку храбар и поларизирачки, тоа е она што го прави стилот одличен!“, „Секогаш најшик“, „Конечно вистинска мода! Накитот за усни совршено ја раскажува приказната за целата облека. Веројатно вашето најдобро издание досега!“