Забава
Парис Хилтон критикувана поради егзотичниот одмор на Хаваи среде смртоносни шумски пожари

Ноншалантното бегство на плажа на славната двојка Парис Хилтон и Картер Реум предизвика бурни реакции додека островот се бори со разорни шумски пожари.
Тие летувааа во Мауи, Хаваи, 48 километри од шумските пожари што го пустошат островот.
Наследничката на синџирот луксузни хотели „Хилтон“ и нејзиниот сопруг беа видени на фотографии до кои дојде „Дејли мејл“ како се бакнуваат во океанот додека бројот на жртвите од пеколните пожари продолжува да расте.
Повеќе од 96 луѓе се прогласени за мртви, а околу 1.000 се уште се водат како исчезнати – што ги прави пожарите најлоши во модерната историја на САД.
Фотографиите на парот, кој има заедничка нето вредност од околу 345 милиони долари, покажуваат како се разладуваат во водата заедно со нивниот син Феникс, кој треба да наполни седум месеци оваа недела. Феникс се роди преку сурогат на во јануари.
Тие престојуваа во резортот во Ваилеа, на околу 30 милји возење до пустошот во Лахајна, според „Мејл“.
Фотографиите предизвикаа поплава од негативни коментари и тролови насочени кон двајцата. Некои ги нарекоа одвратни, игноранти, безобразни…
Други напишаа дека се вчудоневидени од „одморот на глувите“, и му препорачаа на парот да прочита по некоја вест додека е во соба.
Фотографиите од Париз и Картер на нивниот одмор доаѓаат само неколку дена откако актерот Џејсон Момоа ги предупреди туристите да не патуваат во Мауи среде бесни шумски пожари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Празнична фолк вечер на Карпошово лето

Во рамки на Карпошовото културно лето, вчера вечер дворот на црквата „Св.Тројца” во Бардовци беше центарот на случувањата.
На големиот христијански празник Голема Богородица, карпошовата летна сцена ја освежија македонските народни хитови отпеани од познатите фолк ѕвезди.
Многубројната публика, во едно грло и со громогласен аплауз, ги поздравија музичките легенди кои настапија: Наум Петревски, Ефто Пупиновски, Благоја Груевски, Зуица Лазова, Ленче Кукиќ, Смиља Митревска, Драган Мијалковски, Горан Алачки, а кои беа придружувани од Народниот оркестар на Радио Бубамара, под водство на Дамир Имери.
Како за затворање на Карпошовото културно лето, вечерва на летната сцена кај карпа на кејот на реката Вардар, со почеток од 20 часот, е резервирана за љубителите на поетската вечер изразена преку стихови „Волкот на љубовта“, на Тихомир Јанчовски и Бранислав Николов (Фолтин), а гостин на вечерта ќе биде Андријана Јаневска.
Забава
Аријана Гранде започнува светска турнеја по седумгодишна пауза

Аријана Гранде официјално се враќа на сцената. По седумгодишна пауза, поп-ѕвездата ја најави својата долгоочекувана турнеја „The Eternal Sunshine“, која ќе се одржи во 2026 година. Турнејата ќе го промовира нејзиниот седми студиски албум, „Eternal Sunshine“, објавен во март 2024 година, како и неговото луксузно издание, пишува Teen Vogue.
Обожавателите последен пат ја видоа на светските сцени за време на рекордната светска турнеја „Sweetener“ во 2019 година, која собра повеќе од 1,3 милиони луѓе на речиси 100 концерти. Новата турнеја, продуцирана од Live Nation, моментално вклучува настапи низ САД, Канада и Велика Британија.
Според првото соопштение, турнејата „The Eternal Sunshine“ ќе вклучува 27 концерти на 10 локации. Ќе започне на почетокот на јуни 2026 година во Северна Америка и ќе заврши кон крајот на август во Обединетото Кралство.
Влезниците ќе бидат пуштени во продажба во септември 2025 година, со претпродажба достапна за фановите, а подоцна и општа продажба. Организаторите, исто така, најавија специјални VIP пакети за оние кои сакаат уникатно искуство.
Фото: принтскрин
Забава
Четири фрази што мажите мразат да ги слушнат од своите сопруги, според истражувачите

Начинот на кој разговараме со нашите партнерки може да ја зајакне нашата врска или да создаде непотребна тензија. Различни истражувачи и експерти предупредуваат дека одредени фрази, иако често се изговараат од фрустрација, можат да го оштетат емоционалното здравје и квалитетот на нашиот брак на долг рок. Некои фрази се особено штетни за сопрузите бидејќи ги прават да се чувствуваат непочитувани и дистанцирани. Еве некои од нив.
„Никогаш…“
Иако фрустрацијата понекогаш е оправдана, генерализирањето може да го направи вашиот партнер да се чувствува потценет. Психологот Џефри Бернштајн истакнува: „Кога партнерот се чувствува незабележан или потценет, тоа создава чувство на безвредност, што може да биде штетно за нивната емоционална благосостојба и врска“, објавува YourTango.
„Зошто не можеш да бидеш повеќе како него?“
Споредбите, дури и ако звучат безопасно, можат сериозно да го оштетат самопочитувањето на партнерот. На долг рок, ваквите изјави го уништуваат нивното чувство за самодоверба и оставаат длабок белег на бракот.
„Се однесуваш како дете“
Иако однесувањето може да изгледа незрело, овој вид изјава ретко води до решение. Истражувачите откриле дека дури и пауза од пет секунди може да ја намали тензијата во конфликт. Наместо да се изнесуваат обвинувања, поефикасно е да се користат изјави од типот „јас“ наместо изјави од типот „ти“.
„Не ми требаш“
Оваа изјава може да биде најтешка за сопругот бидејќи звучи како да нема вредност во врската. Иако сопругата можеби сака да ја потврди својата независност, овие зборови длабоко го повредуваат нејзиниот партнер. Подобро е да одвоите време да се смирите отколку да изговорите реченица што не решава ништо.
Фрази како оваа можат да остават траен негативен впечаток, па затоа е важно внимателно да ги избирате зборовите за да ја одржите вашата комуникација во вашиот брак поддржувачка и конструктивна.
Фото: принтскрин