Забава
Пет најопасни авиокомпании во светот
Веб-страницата „Ерлајн рејтингс“, која користи спектар од критериуми да ја утврди безбедноста на авиокомпаниите, состави листа од компании што добиле една од пет ѕвездички и со тоа се прогласени за најопасни авиокомпании во светот.
„Ер Корио“
Националната авиокомпанија на Северна Кореја е една од најнебезбедните во светот. За разлика од другите на листата, оваа авиокомпанија немала ниту еден пад и има ИОСА-сертификат, кој е доказ за успешно исполнување 810 строги критериуми за безбедност. Тогаш што ја прави оваа авиокомапнија опасна? „Ер Корио“ доби забрана за летање во Европската Унија во 2006 година по загриженоста за безбедноста на нејзините авиони. Додека дел од флотата ги исполнува светските стандарди, повеќето авиони на оваа авиокомпанија и понатаму се забранети.
„Блу винг“
Оваа авиокомпанија со седиште во Суринам има повеќе локални летови, но лета и кон Бразил и Венецуела. Заработила само една ѕвездичка поради големиот број несреќи во 2009 година. Во 2010 година ѝ е забрането да лета во Европската Унија, што влијаело само на летот до Француска Гвајана, прекуморска француска територија во која важат законите на ЕУ. „Блу винг“ доживеа три големи несреќи во последните 10 години. Во две несреќи загинаа сите патници на летот, а во третата имаше само повредени. Од авиокомпанијата за несреќите ги обвинуваат лошата инсфраструктура на аеродромот и неможноста нејзините авиони да слетаат безбедно.
„Непал ерлајнс“
Националната авиокомпанија на Непал е полоша дури и од двете погоре наведени. Не исполнува ниту еден критериум за безбедно летање, а во ЕУ е забранета од 2013 година поради големиот број несреќи. Во 2000 година авион се урна во Џарајакали кога загинаа 22 патници и тројца членови на екипажот. Пред 4 години во несреќа загинаа 18 луѓе, а истрагата покажа дека причината за падот бил недостигот од координација и одговорност на екипажот во комбинација со лоши временски услови.
„Тригана ер“
Авиокомпанијата се наоѓа во Индонезија и не исполнува ниту еден критериум за безбедност. Интересно е дека во 2007 година ЕУ ги забрани сите индонезиски авиокомпании. Само неколку од нив во меѓувреме добија дозвола, но не и „Тригана ер“, која од 2002 година имала дури 14 големи несреќи. Десет несреќи биле означени како hull loss – термин што се користи кога авионот е толку оштетен што не може да се поправи. Најкатастрофалната несреќа била во 2015 година кога авион се урнал во рурален дел на Папуа кога загинале 49 патници и пет члена на екипажот. Причината за падот била грешка на пилотот.
„Јети ерлајнс/Тара ер“
Уште една непалска компанија се најде на оваа листа. Во последните осум години имала девет фатални несреќи и е забранета во Европа. „Јети ерлајнс“ е сопственик на „Тара ер“, а двете се на листата затоа што исполнуваат само 3 од 8 најважни критериуми за безбедност. Покрај тоа, овие компании ја имаат најголемата флота во Непал. Тоа значи дека туристите во Непал имаат големи шанси да завршат во еден од нивните авиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Британец се обидел да направи торта за внуката која ја обожува Тејлор Свифт, фотографиите станаа вирални
На социјалните мрежи кружат вирални фотографии од Британец, кој сакал да ја расположи својата внука, која инаку е голем фан на пејачката Тејлор Свифт.
Кит Сковел се пофали со торта инспирирана од пејачката во група на Фејсбук, а неговото дело набрзо стана вирално.
„Не очекував да бидам толку исплашен денес“, „Дали внука ти можеби имаше кошмари после тоа?“, „По ова ми треба терапија“, „Ова ми требаше денес , фала на смеењето“, „Ја погоди скрос“, се дел од коментарите.
This Taylor Swift cake has just made my week. pic.twitter.com/7UjnmXzBVY
— Claire Thompson She/Her (@thompoclaire) October 10, 2024
Инаку, Тејлор Свифт официјално стана најбогатата музичарка во светот со проценета нето вредност од 1,6 милијарди долари. Пејачката стана милијардерка по огромниот успех на нејзината турнеја Ерас минатата година, надминувајќи ја Ријана, чие богатство се проценува на 1,4 милијарди долари.
Забава
Кои биле најбогатите луѓе во Југославија – рекордот го држи граѓанин на Скопје, а на листата нема политичари
Најбогатите луѓе во поранешна Југославија се најдоа на листата на магазинот ТОП од 1988 година. Она што е особено интересно е што на списокот нема политичари.
Во февруари 1989 година, Даночната управа презентираше прелиминарна листа на најбогати граѓани од претходната година, во која беше наведено дека најголеми приходи пријавиле приватни ресторани, пејачи, композитори на народна музика, претставници на странски компании, фудбалери, ликовни уметници, новинари и универзитетски професори.
Интересно е што на оваа листа нема политичари, а вреди да се нагласи и дека даночната основа не беше еднаква за цела Југославија и се пресметуваше според оваа формула: просечен приход помножено со три.
Апсолутен рекордер е приватен угостител од Скопје, кој пријавил дека во 1988 година остварил заработувачка од 171 милион динари.
Во Белград најголема заработка забележал пејач на народна музика (142 милиони динари), во Загреб претставник за продажба (61 милион динари), а во Љубљана академски скулптор (28 милиони динари).
Забава
Хороскоп за милијардери: во кои знаци се раѓаат најбогатите луѓе
Најбогатите луѓе во светот често припаѓаат на знакот Вага.
Најмалку милијардери, само осум, припаѓаат на знакот Јарец, но меѓу нив е и Џеф Безос.
Астрологијата вели дека распоредот на ѕвездите во моментот на раѓање ја одредува нашата судбина. Некои веруваат дека тоа е вистина, други пак, дека секој е креатор на својата среќа. Меѓутоа, хороскопските експерти утврдиле кои знаци се најбогати, односно во кој период од годината се родени најбогатите луѓе на светот. Тие ја погледнале листата на милијардери на Форбс и дошле до заклучок дека повеќето од нив припаѓаат на знакот – Вага.
Во хороскопот на милијардерите, дури 27 од најбогатите луѓе на денешницата се Ваги. Во таа група е и познатиот американски дизајнер Ралф Лорен.
Второто место им припаѓа на Рибите, а меѓу 22-те супербогати личности се најдоа бизнисмените Руперт Мардок и Бернард Арно, директор на групацијата LVMH.
Третото место го делат Лав, Рак и Бик со многу познати имиња како Илон Маск, Ричард Бренсон, Марк Цукерберг. Најмалку милијардери, „само“ осум, припаѓаат на знакот Јарец. , но меѓу нив е и Џеф Безос .
Ким Кардашијан, чие богатство се проценува на 1,2 милијарди долари, на 21 октомври слави роденден, што значи дека припаѓа на знакот Вага. Ријана е побогата за двесте илјади долари. Таа е Риба. Музичкиот магнат Џеј Зи, кој има две ипол милијарди на сметката, е роден во знакот на Стрелец.