Забава
Пет работи што можеби не сте ги знаеле за Анџелина Џоли

Таа е „Спелман“-мајка
Најстарата ќерка на Џоли, Захара, моментно е запишана на престижниот историски колеџ „Блек Спелман“ во Атланта, Џорџија. Џоли не можеше да не објави со гордост за нејзината прва посета на кампусот огласувајќи се на „Инстаграм“: „Многу посебно место и чест е да имам член на семејството да биде една нова Спелман-девојка“. Напред, Јагуари!“
Во 2013 година направи храбар чекор за подобрување на своето здравје
Џоли во авторски текст за „Њујорк тајмс“ пред една деценија откри дека се решила за превентивна двојна мастектомија со цел да го ублажи ризикот од рак на дојката и јајчниците, кој беше голем за неа како носител на генот BRCA1. „Моите шанси да развијам рак на дојката се намалија од 87 проценти на помалку од 5 проценти“, напиша Џоли по операцијата.
Има 16 тетоважи
Фактот дека Џоли е љубител на уметноста на телото не е баш тајна, но малкумина знаат колку вкупно тетоважи има. Тетоважите вклучуваат координати од родното место на нејзините деца, поднаслов на драма од Тенеси Вилијамс и латински превод на фразата: „Она што ме храни, ме уништува“.
Долго време беше дипломат
Во април 2012 година Џоли ја доби титулата специјален пратеник по долгогодишна работа како амбасадор на добрата волја на Високиот комесаријат за бегалци при Обединетите нации. Таа се повлече од оваа функција по 10 години, во декември 2022 година.
Не се плаши да им се приближи на инсекти
Во 2017 година Џоли беше снимена како за своите деца пржи камбоџански деликатеси од штурец, шкорпија и тарантула. „Шајло сака тарантула, сака бубачка“, откри Џоли на „Добро утро, Америко“. „Тие може да изедат вреќа штурци како вреќа чипс“.
Таблоидите неодамна пренесоа една нејзина изјава.
Холивудската дива има важна порака за секој што се чувствува дека е поинаков: „Да си поинаков е добро. Ако некој ви каже дека сте поинакви, насмевнете се, држете ја главата горе и бидете горди“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Николина Пишек покажа како ја уредила својата вила во Загреб вредна 1,7 милиони евра

Николина Пишек на Инстаграм покажа како изгледа внатрешноста на нејзината куќа во Загреб.
Дневната соба е уредена во неутрални тонови. Посебно се истакнуваат сивиот кауч украсен со шарени перници и големото растение во керамичка саксија.
Николина ја сними и златната масичка. Внимание привлече и кујната со минималистички дизајн и уметничките дела на ѕидовите.
Куќата има 420 метри квадратни и градина од 1460 метри квадратни, која е изградена во 2012 година. Има голема дневна соба, кујна, пристап до базен, 3 спални соби и простор за персонал.
Николина ја купила вилата во Загреб со нејзиниот покоен сопруг Видоје Ристовиќ. Таа почна да ја уредува минатата година.
Забава
Мелинда Гејтс: Разводот од Бил беше мојот одговор на предавствата во бракот

Мелинда Френч Гејтс, поранешна сопруга на милијардерот Бил Гејтс, отворено проговори за разводот во својата книга „The Next Day“. Вели дека се почнало да се одвива во тајност, една година пред да стигне официјалната потврда за разводот.
За ова, таа даде интервју и за магазинот „Пипл“, каде што рече дека веќе во 2019 година почнала да има кошмари „за убава куќа која се урива околу неа“. Таа пишува дека подоцна ги сфатила како потсвесни сигнали дека има проблеми во нејзиниот брак.
Во февруари следната година, парот беше на одмор во Ново Мексико. Последната ноќ од патувањето, Мелинда му рекла на Бил дека сака да живее одвоено и дека ќе живее со нивната најмлада ќерка Фиби. „Тоа беше еден од најстрашните разговори што некогаш сум ги имала“, истакнува Мелинда, додавајќи дека Бил имал разбирање и покрај се. Поради се почнала терапија која ја опишала како нејзин одговор „на предавствата во бракот и обидот да не се изневери самата себе“.
Да потсетиме, Бил еднаш го опиша разводот како една од најголемите грешки во неговиот живот. „Има повеќе, но ништо не е важно. Разводот беше болен за Мелинда и мене најмалку две години“, истакна тој. Мелинда потоа рече дека знаела дека „ќе биде добро сама“ откако ќе се разведе.
Бил Гејтс и Мелинда Френч Гејтс се венчаа во 1994 година, а заедно ги имаат ќерките Џенифер (28) и Фиби (22) и синот Рори (25). Тие ја потврдија веста за нивниот развод во мај 2021 година по 27 години брак. Тие наводно биле разделени една година пред потврдата.
Забава
(Фото) Џорџ Клуни изгледа непрепознатливо со новата боја на коса

Џорџ Клуни се појави со Џулија Робертс пред театарот Winter Garden на њујоршкиот Бродвеј, каде што се фотографираа со обожавателите и даваа автограми.
Клуни повторно го привлече вниманието со својот нов имиџ, а луѓето не можат а да не се изненадат колку поинаку изгледа со новата боја на коса. Шеесет и четиригодишниот актер ја обои препознатливата седа коса во кафена боја за шоу на Бродвеј.
Покрај новата боја на коса, Клуни го промени и стилот и сега го носи таканаречениот „имиџ на италијанската мафија“, со залижана коса и очила за сонце со сино-виолетови стакла.
Клуни глуми во претставата Good Night, and Good Luck, адаптација на истоимениот филм од 2005 година, за кој тој го напиша сценариото, го режираше и глумеше. Претставата имаше претпремиера на 12 март, а официјалната премиера е закажана за 3 април.