Забава
Повлечени од продажба бебешките кашички „Бејбилав“

Поради безбедносни причини, дрогериите ДМ ги повлекоа од продажба бебешките кашички „Бејбилав“, соопшти компанијата. Како што се наведува, повлечени се кашичките од праска и маракуја во јаболко од 190 грама за 4 месеци, со рок на траење до 16.10.2020 година, кашичка од јагода и малина во јаболко, 190 грама, за 4 месеци, со рок на траење до 16.10.2020 година и кашичката од јагода и банана со мусли, 90 грама, од 1 година, со рок на траење до 16.10.2020 година.
„Со сопствена контрола е утврдено дека производите со горенаведените рокови на траење не може да се исклучи можноста за висок удел на афлатоксин. Доколку се земаат подолг временски период, наведените материи можат да влијаат на здравјето. Афлатоксините се природни микотоксини кои произведуваат многу видови на габи – Аспергилус. Со оглед дека не може со 100% сигурност да се исклучи опасноста дека производите се под влијание на наведеното, ДМ поради претпазливост ги повлекува производите од продажба. Наведените производи, без разлика дали се отворени или не, купувачите можат да ги вратат во која било продавница на ДМ, каде ќе им бидат вратени парите. Квалитетот на производите и безбедноста на купувачите за ДМ е од голема важност. Е извинуваме поради инцидентот“, се наведува во соопштението на компанијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Снимка од настап на Лејди Гага стана вирална, микрофонот и се расипа среде песна: „Барем знаете дека пеам во живо!“

Лејди Гага доживеа незгода за време на нејзиниот настап на вториот викенд на фестивалот Коачела. Среде изведување на песната Абракадабра, на пејачката и се расипа микрофонот, но таа продолжи да пее.
Некој од публиката објави видео од незгодата на Икс. На видеото Гага им се обрати на присутните коментирајќи го инцидентот. „Простете ми што накратко ми се расипа микрофонот… Барем знаете дека пеам во живо!“, се пошегува таа.
Забава
Познатата манекенка отворено зборуваше за естетските зафати кои ги имала

Манекенката Кристи Бринкли (71) продолжува да привлекува внимание со својот младешки изглед, а сега отворено проговори за естетските третмани на кои повремено се подложува, нагласувајќи дека нејзиното здравје е поважно од совршената кожа.
Во интервју за „Пипл“, таа откри дека користи ласерски третмани, повремено се одлучува за филери и дека ботоксот не и е непознат. Сепак, Бринкли тврди дека нејзината цел не е целосно да ги избрише знаците на стареење: „Најчесто правам ласери. Не се обидувам да се ослободам од секоја брчка“, рече таа.
„Пробав филери и одам на лекар, но не сакам да изгледам испеглано или вештачко. Неодамна направив Fraxel затоа што имав рак на кожата – тој третман помага да се отстранат преканцерозните клетки. За мене тоа сега е повеќе здравствен проблем”, додаде таа.
Бринкли, чија автобиографија Uptown Girl излегува на крајот на април, претходно нагласи дека не сака да ги избрише сите траги од животот од нејзиното лице: „Сакам да задржам неколку брчки. Тоа е мојот начин да го прифатам стареењето“.
Покрај ласер, таа признава дека двапати користела ботокс, но не била воодушевена: „Моето чело изгледаше мазно, но првиот пат веѓата ми се спушти. Не ми беше удобно“.
Денес, таа користи инјекции само еднаш годишно, за фините линии околу устата. „Сега сум повеќе во ред со тоа што работите остануваат такви какви што се“, рече таа.
Забава
Мадона сними видео за „Тик-ток“ со своето момче, го покажа лицето без шминка

Мадона (66) објави видео на „Тик-ток“ со нејзиното момче Аким Морис (28).
Во видеото, пејачката и нејзиното момче го рекреираат танцот од серијата „Принцот од Бел-Ер“. Во видеото Мадона нема шминка на лицето.
@madonna 👀 #fyp ♬ Anxiety – Doechii
Мадона ја објави нивната врска на Инстаграм во јули минатата година кога објави фотографии од нив на социјалните мрежи. Тие, наводно, се разделиле во октомври 2024 година, но брзо се помириле.