Забава
Познати личности кои изгледаат како воопшто да не остареле во последните десет години
Дали понекогаш ви се чини дека некои светски познати личности воопшто не се промениле во својот изглед во последните десет години? Или, од друга страна, како да изгледаат уште помладо од порано?
Ви пренесуваме фотографии од светските ѕвезди кои изгледаат токму како во 2014 година, ако не и подобро. Така, лево се фотографии од 2014 година, а десно фотографии од 2024 година.
Софија Вергара (41 наспроти 51)
Џенифер Анистон (45 наспроти 55)
Пол Руд (44 наспроти 54)
Бијонсе (32 наспроти 42)
Кијану Ривс (49 наспроти 59)
Шакира (37 наспроти 47)
Џенифер Лопез (44 наспроти 54)
Леонардо ди Каприо (39 наспроти 49)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Британец добил џекпот од 10,2 милиони фунти и го поделил со своите соседи
Ветеран од британската армија и поранешен полицаец доби џекпот од 10,2 милиони фунти на Поштенската лотарија што го подели со своите соседи во населбата каде што живее.
Дејвид од градот Бриџ Ерне, во округот Першир на југозападниот дел на Шкотска, татко на две деца, на 27 април на поштенската лотарија успеал да освои 10,2 милиони фунти и, како што објави таблоидот Сан, добивката ја подели со 10 соседи во неговото маало.
Британските медиуми објавија дека џекпотот од 10,2 милиони фунти е најголемата награда досега освоена во наградна игра во Шкотска.
Другите двајца најдобри победници во ждрепката на 27 април освоија по 680.000 фунти, а осум играчи освоија по 340.000 фунти.
“Не знам како се чувствувам. Малку сум шокиран. Мислев дека 15.000 фунти или дури 5.000 фунти ќе бидат многу, но сега сум апсолутно зачуден”, рекол Дејвид додека неговите соседи гласно го прославувале џекпотот.
Забава
Принцот Хари играше одбојка на седење со повредени нигериски војници
Британскиот принц Хари им се придружи на нигериските спортисти на теренот во егзибиционен одбојкарски натпревар во Абуџа, за време на тридневната посета на африканската земја со неговата сопруга Меган.
Тој тренираше со повредени војници, додека Меган се фотографираше со децата кои се појавија да ги видат војводата и војвотката од Сасекс, пренесува Sky News.
Подоцна, војводата и војвотката разговараа со повредените војници и нивните семејства, по што Меган се сретна со генералниот директор на Светската трговска организација, Нгози Оконџо-Ивела.
Хари и Меган престојуваат во Нигерија на покана на началникот на Генералштабот на нигериската армија, а патем ги промовираат „Непобедливите игри“, каде се одржуваат спортски настани за ранети, болни или повредени војници.
На првиот ден од нивната посета, Хари зборуваше за менталното здравје и им кажа на учениците дека нема срам да се зборува за тоа.
„Премногу луѓе не сакаат да зборуваат за тоа бидејќи е невидливо. Тоа не е како скршена нога, не е како скршен зглоб. Мора да се грижиш за себе за да можеш да се грижиш за другите“, рече Хари.
Забава
Претставничката на Израел по Евровизија: Би било лага ако кажам дека беше лесно
Еден Голан, претставничката на Израел на овогодишниот избор за песна на Евровизија, се огласи на „Инстаграм“ по завршувањето на натпреварот.
„Од каде да почнам? Прво би сакала да кажам дека сум горда на тоа колку далеку стигнавме. Благодарна сум за привилегијата да ја претставувам мојата земја, особено во овие тешки времиња. Од моментот кога го почнавме ова патување, нашата цел отсекогаш беше да го споделиме силниот глас на Израел на една од најголемите сцени. Би било лага ако кажам дека беше лесно, но вашата поддршка и љубов ми дадоа сила да продолжам и да ја дадам најдобрата изведба што можеше“, напиша таа.
„Би сакала да им се заблагодарам на сите што ме поддржаа од целиот свет, на мојата земја, на членовите на делегацијата и на моето семејство, кои едвај чекам да ги видам и гушнам. И секако, благодарам на сите што гласаа бидејќи Благодарение на вас, моето учество на натпреварот за песна на Евровизија го посветувам на гласовите што не можеме да ги слушнеме – киднапираните. Очајнички чекаме да се вратите дома“, рече таа.
За потсетување, Израел на овогодинешниот Евросонг заврши на петтото место со 375 гласови, од кои 323 од публиката. Учесничката се соочи со свирежи за време на нејзиниот настап поради војната во Газа, а непосредно пред одржувањето на натпреварот пред арената имаше големи пропалестински протести.