Забава
Познати парови со голема разлика во годините
Џејсон Стејтам и Рози Хантингтон

Џејсон Стејтам (54) и Рози Хантингтон Вајтли (34) се страстни во својата врска уште од 2010 година. Џејсон и Роузи важат за еден од најубавите парови во Холивуд. Нивната романса трае 13 години и очигледно разликата во годините не менува ништо.

Метју Меконахи и Камила Алвес
Американскиот актер и гламурозната сопруга се заедно од 2006 година и имаат три деца. Бразилска манекенка е 13 години помлада од него.

Џеј Зи и Бијонсе
Бијонсе, која фановите ја нарекуваат кралицата Би, е 12 години помлада од својот сопруг Џеј Зи. Парот надмина неколку кризи поврзани со неверствата на Џеј.

Рајан Рејнолдс и Блејк Лајвли
Рајан Рејнолдс е 11 години постар од сопругата Блејк Лајвли. Се запознаа за време на снимањето на филмот Green Lantern и се венчаа во 2012 година. Моќната двојка има три деца.

Рајан Гослинг и Ева Мендес
Убавата Ева Мендес е седум години постара од сопругот, исто така актер. Нивната романса почна во 2011 година за време на снимањето на филмот The Place Beyond the Pines („Местото зад боровите“). Заедно имаат две деца.

Џорџ Клуни и Амал Аламудин
Амал Аламудин е жената што го освои срцето на холивудскиот срцекршач. Тој е роден 17 години пред неа. Актерот и адвокатката ја крунисаа својата љубов со брак во романтичната Венеција во 2014 година.

Мајкл Даглас и Кетрин Зета Џонс
Меѓу овие две славни личности, чија љубов нема крај, разликата во возраста е дури 26 години. Мајкл и Кетрин се во среќен брак повеќе од две децении.

Харисон Форд и Калиста Флокхарт
Се запознаа во 2002 година и оттогаш се неразделни. Харисон е роден во 1942 година, Калиста во 1964 година, така што меѓу нив има 22 години. Сепак, тоа никогаш не им било проблем бидејќи се во брак 13 години.
Доналд и Меланија Трамп
Поранешниот американски претседател е 23 години постар од својата сопруга Меланија Трамп. Тие се венчаа во 2005 година и заедно имаат син.
Емануел Макрон и Брижит Троњо
Актуелниот француски претседател Емануел Макрон е во брак со Брижит Троњо од 2007 година. Возрасната разлика меѓу нив е 24 години. Макрон повеќе не обраќа внимание на коментарите за неговата постара сопруга. Се венчаа во 2007 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Нела Манческа ѝ донесе седмо место на Македонија на „Јуниор Евросонг“
Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место, освојувајќи вкупно 141 поен.
Конечниот пласман беше одреден од комбинираните гласови на стручните жири-комисии и публиката, при што Македонија оствари одличен резултат кај жирито, пласирајќи се меѓу првите пет земји според нивното гласање.

Во жири-гласањето, Македонија доби 12 поени од Црна Гора и Италија, што дополнително го потврди силниот впечаток што настапот на Нела Манческа го остави кај професионалните оценувачи.
Победник на годинашното издание на Јуниор Евросонг е Франција со освоени 248 поени, второто место ѝ припадна на Украина, а третото на Грузија.
Забава
(Видео) „Miracle“ одекна во Тбилиси: Нела Манческа ја претстави Македонија на Јуниор Евросонг
Вечерва во Тбилиси, Грузија, се одржува 23-то издание на Јуниор Евросонг, а Македонија ја претставуваше Нела Манческа со песната Miracle.
Aвтори на песната се продуцентoт Лазар Цветкоски и Магдалена Ена-Цветкоска која го напиша текстот.
View this post on Instagram
На овогодишниот избор за песна на Детска Евровизија учествуваат 18 земји.
Гласањето можете да го следите во живо на линкот.
Забава
Љубов под елката: Три знаци ќе доживеат филмска љубов до крајот на месецот
Иако декември е хаотичен месец, за некои хороскопски знаци љубовта оваа година доаѓа посилно од очекуваното. Според астрологот Адама Сисеј од „Lilith Astrology“, клучни се транзитите на Венера и Марс – планетите на љубовта, привлечноста и страста. Кога тие се поволно поставени, се случуваат токму оние „филмски“ моменти: вистинско време, вистинско место, вистинска личност.
Овие три знаци имаат најголеми шанси Новата година да не ја дочекаат сами:
Близнаци – Венера и Марс се во силен аспект со вашиот знак, носејќи нови средби, лесна комуникација и природна хемија. Ќе бидете похрабри и поотворени – токму она што ви оди најдобро.
Стрелец – Венера и Марс се во вашиот знак речиси цел месец, па вашата привлечност е на врвот. Спонтани излегувања, флерт и романса доаѓаат без многу напор.
Јарец – Кон крајот на декември, двете планети влегуваат во вашиот знак и ги активираат романтичните и страстните импулси. Можно е новогодишниот бакнеж да биде со некој навистина посебен.
Ако не сте меѓу овие знаци – вреди да го проверите и вашиот подзнак.
Фото: Pexels

