Забава
Поради свршувачката, можеле да бидат уапсени: Швајнштајгер закупил цел парк во Лондон за да ја побара Ана Ивановиќ за жена
Поранешната српска тенисерка Ана Ивановиќ и поранешниот германски фудбалер Бастијан Швајнштајгер се во брак од 2016 година. Нивната венчавка во Венеција беше светски настан. Папараците со денови го опседнаа градот, а нивната свршувачка, за која никој не знаеше, беше посебна како и свадбата.
Во поткастот на германски „Билд“, Бастијан раскажа како ја побарал Ана за жена, а неверојатната приказна ги воодушеви сите. Како што истакна, инспирацијата ја добил од филмот „Нотинг Хил“ во кој Џулија Робертс и Хју Грант тајно влегуваат во затворен лондонски парк.
Со оглед на тоа дека во реалноста тоа е казниво со закон, Бастијан не можел да го изведе предлогот на ист начин бидејќи и тој и Ана можеле да бидат уапсени за прекршување, но фудбалерот успеал и решил да изнајми цел парк во Лондон. Имено, кога поминале покрај познатата градина Розмед, портата била отворена, според однапред испланиран договор, а сегашниот сопруг на Ана им предложил да влезат и да разгледаат.
„Знаев дека Ана е исклучително љубопитна. Кога влеговме внатре, ја побарав за жена. Тоа беше целосно изненадување за неа“, рече тој, а потоа откри дека, според традицијата, дозвола побарал и од татко ѝ.
„Одлетав за Белград и ја побарав нејзината рака. Добив уште неколку поени од семејството затоа што научив да поставувам прашање на српски“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Меган Маркл и принцот Хари предупредени за две сценарија доколку војвотката продолжи да го засенува војводата
Војводата и војвотката од Сасекс се најдоа на насловните страници за време на нивната посета на Нигерија, а тоа предизвика шпекулации бидејќи некои набљудувачи забележаа дека Хари изгледа „загрижен“ додека Меган навидум го краде центарот на вниманието. Ова беше првото официјално меѓународно излегување на дуото, по нивното драматично напуштање на кралските должности пред четири години.
Кралскиот коментатор Данкан Ларкомб, како што обајвуваат британските медиуми, за оваа посета вели: „На 39 години Хари изгледа како да му е удобно на игра ‘втора виолина’ на неговата доминантна, 42-годишна сопруга. Меган е многу силен карактер, многу енергична и крајно амбициозна, а тоа се карактеристики кои што значат дека таа речиси секогаш ќе го засенува Хари и ќе го краде вниманието од него. Хари е целосно во нејзина сенка, но тој никогаш не се чувствуваше пријатно кога беше во центар на вниманието, никогаш вистински не уживаше во тоа“.
Следејќи ја динамиката на парот, д-р Сона Капур, клинички психолог вели дека од ваквото однесување, кога едната личност ја засенува другата во врската, се можни две сценарија како исход.
„Ако Хари е задоволен што Меган го надминува, тоа значи ‘силна самоувереност и взаемна поддршка’ Ако не се менаџира добро, тоа може да додаде притисок кој има потенцијал да предизвика чувство на несоодветност или огорченост. За успех, потребна е отворена комуникација меѓусебна поддршка и обезбедување сигурност дека двајцата партнери имаат можност да ги следат своите интереси и да блеснат“, објаснува Капур за британските медиуми.
Коментаторот Ларкомб посетата на Нигерија ја нарече „шоуто на Маган“ во кое Хари бил тргнат настрана, а Меган за оцени како магнет за внимание.
Забава
Џејсон Момоа има нова девојка, тој е во врска со 12 години помлада актерка
Момоа, еден од најпосакуваните холивудски актери, повторно се бакнува.
44-годишниот актер ја потврди новата романса со објава на „Инстаграм“. Момоа ја посети Јапонија со пријателите, а меѓу фотографиите со друштвото беа и оние со новата партнерка, порториканската актерка Адрија Арјона.
„Многу сме им благодарни на сите што ги отворија своите домови правејќи спомени со нови и стари пријатели, споделувајќи уште една неверојатна авантура со мојата љубов“, напиша тој во објавата.
Актерката е 12 години помлада од Момоа, а за актерот ова не е прва голема разлика во години. Имено, неговата поранешна сопруга Лиза Бонет е 12 години постара од него. Момоа и Бонет имаат две деца, а се разведоа во јануари 2024 година. Поранешните сопружници имаат заедничко физичко и правно старателство над 16-годишната ќерка Лола и 15-годишниот син Накоа-Волф.
Арjона има и еден пропаднат брак зад себе. Во 2019 година актерката се омажи за својот партнер, со кого беше во долга врска, адвокатот Едгардо Каналес, но не е познато кога парот раскина.
Забава
Позната манекенка во Кан за малку ќе откриеше премногу во фустан со висок шлиц
Една од најбараните манекенки во светот, Ања Рубик, го привлече вниманието на Канскиот филмски фестивал со фустан со висок шлиц.
Рубик се појави на премиерата на Horizon: An American Saga, во режија на Кевин Костнер, облечена во фустан од Сен Лоран со висок шлиц. Изгледот го комплетира со едноставна фризура, нагласена шминка и високи потпетици, со кои дополнително ја истакна својата фигура.
Меѓутоа, за разлика од Бела Хадид и руската манекенка Наташа Поли, Рубик доби само пофалби од обожавателите.
„Само вие можете грациозно да го соблечете овој фустан“, „Толку сте жешки“, „Ги надминавте помладите колешки“, беа само дел од коментарите на социјалните мрежи.
Инаку, Рубик влезе во модната индустрија во 1998 година, а нејзиниот прв ангажман беше на Модната недела во Париз.
Досега има работено со многу луксузни модни брендови, меѓу кои Bottega Veneta, Marc Jacobs, Oscar de la Renta, Dior и многу други. Српскиот модел Саша Кнежевиќ ја побара за жена во 2010 година, а една година подоцна се венчаа на Мајорка. Сепак, тие се разведоа во 2015 година.