Забава
По ова издание на Евровизија, донесов правилна одлука што не прифатив да ја претставувам Македонија, вели Андријана Јаневска

Нашата пејачка Андријана Јаневска е разочарана од годинешното издание на Евровизија. Таа вели дека по ова издание на Евровизија, донела правилна одлука што не прифатила да ја претставува Македонија.
„Минатата година тимот на МТВ ме покани да ја претставувам Македонија на Евровизија 2024 во Малме. Им одговорив дека со задоволство ќе прифатев да беше 2000 година кога се натпреварував со ‘Твоето писмо моја библија’ или 2001 година кога на Скопскиот фестивал победив со ‘Носталгија’. Тогаш имав 20 години, кариерата ми беше во подем и имав желба да направам нешто за Македонија. Исто така, тоа беа времиња кога Евровизија сè уште важеше за некаков културно-уметнички натпревар помеѓу народите и кога секоја земја се натпреваруваше со песна на својот јазик“, вели таа во својата фејсбук-објава и додава:
„Денес, имам 42 години и се чувствувам исполнето, среќно и остварено на приватен и професионален план. Што се однесува до мојата желба да направам нешто за Македонија, тоа го направив преку докторскиот труд на кој работев девет години, со кој успеав да заштитам над 150 македонски народни песни во регионите Мала Преспа, Голо Брдо и Гора, кои соседните држави претходно суптилно, а во последен период јавно почнаа да ги претставуваат како свои. Благодарност до МТВ за укажаната можност, но по ова издание на Евровизија, сметам дека донесов правилна одлука“, заклучи Јаневска по годинешното издание на Евровизија.
Швајцарија победи на Евровизија со одлука на стручни жирија од 37 земји кои годинава учествуваа на Евровизија.
Швајцарија победи на Евровизија со одлука на стручни жирија од 37 земји кои годинава учествуваа на Евровизија.
Гледачите беа целосно изненадени од победата на Швајцарија, која имаше 15 отсто шанси за победа во однос на 50 отсто на Хрватска. Особено што во финалето влезе од само четвртото место во полуфиналето. Евровизиската заедница и обложувалниците претпоставуваа дека Израел ќе добие голем број поени од публиката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) „Убиствен“ фустан на нејзиното голо тело – спектакл

Дуа Липа денеска полни 30 години, а својот роденден го слави, поминувајќи речиси секоја вечер на Ибица, каде што ужива со својот вереник, актерот Калум Тарнер.
За уште една посебна вечер и луда забава, таа носеше сребрен фустан кој ги воодушеви нејзините следбеници, и кој открива повеќе од сè друго што го крие – без претерување.
Станува збор за металик сребрен фустан кој толку многу светка што „болат очите“, но е исто така толку смел и провокативен што нејзините следбеници ѝ простија сè.
Фустанот е од GCDS и е направен специјално за пејачката, а таа носи сребрени сандали од Pifer и златен и сребрен накит од Schiaparelli, Shay и Tiffany & Co.
Жените се воодушевени од ова парче за вечерно излегување, а следеа низа комплименти за изгледот на пејачката.
Дуа Липа исто така воодушевува со своите модни избори во последните денови, особено во белата тоалета, а обожаваше и да позира во бикини со точки, јасно ставајќи до знаење дека навистина ги следи модните трендови.
Забава
(Видео) Најубавата статуа на Исус Христос е под вода: снимките се нереални

Меѓу приказните што ги поврзуваат морето, верата и уметноста, малкумина се попознати од онаа на Христос од Бездната.
Тоа е бронзена статуа што стои седум децении на дното на морето, во близина на Џенова, со раширени раце и лице свртено кон површината.
Статуата е поставена во 1954 година во заливот Сан Фрутуозо, помеѓу Џенова и Портофино, и е висока 2,5 метри.
Идејата ја дал нуркачот Дулио Марканте, во чест на неговиот пријател Дарио Гонзати, пионер во нуркањето кој починал, пренесува Индекс.
Проектот го реализираше скулпторот Џудо Галети, а уникатноста лежи во материјалот – бронзата е добиена со топење стари бродски ѕвона, делови од подморници и други донирани метали.
Исус Христос стои на пиедестал, со раширени раце и поглед кон површината, што симболизира помирување, надеж и врска помеѓу човекот и морето.
За нуркачите, тоа стана еден вид заштитник, а за аџиите потсетник дека дури и во тишината на морските длабочини има место за духовност.
Христос од бездната се наоѓа на длабочина од 17 метри, што го прави достапен за рекреативни нуркачи. Местото сега е едно од најпосетуваните места за нуркање во Италија, а со текот на времето стана симбол на целиот регион.
Забава
(Фото) Обожавателите и се потсмеваа на прекрасната бринета: „Изгледа како алуминиумска фолија“

Актерката Дакота Џонсон е позната како дама која обожава да се облекува секси, а да не зборуваме за ризични модни комбинации.
Сепак, таа неодамна го шокираше светот избирајќи фустан кој е многу сличен на еден предмет што често го користиме во нашите домови.
Имено, Дакота присуствуваше на премиерата на филмот Splitsville, а фустанот привлече внимание, секако. Познатата убавица одлучи да носи сребрена креација од модната марка „Гучи“.
Макси фустанот има отворени рамена и специфична металик нијанса. Фустанот предизвика поплава од коментари, а многу корисници дури го споредија и со алуминиумска фолија.
Коментари како: „Изгледа како тортиља завиткана во фолија“, „Каква е ова фолија од фустан?“, „Изгледа убаво дури и во фолија“, „Изгледа како алуминиумска фолија“, беа забележливи на социјалните мрежи.
Што се однесува до остатокот од нејзиниот стајлинг, таа се одлучи за природни нијанси на шминка, дискретни додатоци и брановидна фризура што ѝ паѓаше по грбот.
фото: принтскрин