Забава
По семејната трагедија, Мараја Кери отпатува во Кина, објави фотографија од своите деца
Пејачката Мараја Кери ги загуби мајка си и сестра си на ист ден минатиот месец. Пејачката потврди дека во ист ден починале нејзината мајка Патриша (87) и сестрата Алисон (63).
По семејната трагедија што ја снајде, Мараја се враќа на работа. Таа отпатува во Кина, каде што ја очекуваат настапи. Пејачката со себе ги донесе своите деца, 13-годишните близнаци Монро и Марокан.
Тие го посетија Кинескиот ѕид. Во исто време, таа се пошегува на сметка на нејзините несоодветни обувки бидејќи на патувањето носела високи потпетици.
View this post on Instagram
„Кај Кинескиот ѕид! Некој требаше да ме предупреди за високите потпетици“, рекла Мараја.
Пејачката имаше близнаци со својот поранешен партнер, актерот и комичар Ник Кенон, а последен пат во јавност со нив се појави минатата година на доделувањето на Билборд наградите.
Претходно таа објави дека изминативе неколку недели и биле тешки.
„Назад на работа. Последните неколку недели беа тешки, но ја ценам љубовта и поддршката од сите. Едвај чекам да ги видам моите обожаватели во Кина и Бразил“, напиша таа покрај видеото од пробата.
View this post on Instagram
Мараја претходно проговори по смртта на нејзината мајка и сестра.
„Срцето ми е скршено затоа што минатиот викенд ја изгубив мајка ми. За жал, во трагичен пресврт на настаните, мојата сестра го загуби животот истиот ден“, изјави Кери за магазинот „Пипл“.
„Ја ценам поддршката на сите, љубовта и почитувањето на приватноста во овој тежок период“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Софија Вергара фотографирана во деколтиран фустан за време на прошетка
Колумбиската актерка Софија Вергара е позната како една од најубавите жени на светот, а тоа го докажуваат и најновите папарацо-фотографии, на кои актерката е фатена опуштена.
Оваа 52-годишна актерка е фотографирана на улиците на Лос Анџелес во друштво на колешката Полин Давила.
Актерките беа добро расположени по ручекот во Беверли Хилс.
Софија го привлече вниманието во едноставен фустан со леопард-принт, во кој го истакна деколтето, а се комплетира со бела чанта, патики и природна шминка.
Забава
(Видео) Хајди Клум се појави во ризичен фустан на забавата по доделувањето на наградите „Еми“
По доделувањето на наградите „Еми“, се одржа традиционалната забава, на која се собраа многубројни ѕвезди од филмската и забавната индустрија.
View this post on Instagram
Германската манекенка Хајди Клум го привлече вниманието во тесен црн фустан, без ракави, со изрези и светки.
View this post on Instagram
Фустанот ги истакна нејзиното бујно деколте и совршената фигура, а 51-годишната манекенка спремно им позира на насобраните фотографи.
View this post on Instagram
Оваа германска убавица со децении е позната како една од најуспешните манекенки, а љубовта кон манекенството ѝ ја пренесе и на ќерката Лена.
Забава
Ќерката на Синди Крафорд е нејзина слика и прилика: блесна во речиси идентичен фустан
Каја Гербер на филмскиот фестивал во Торонто се појави во фустан сличен на оној што мајка ѝ, легендарната Синди Крафорд, го носеше на „Оскарите“ во 1993 година.
Станува збор за креација на Ерве Леже во бела боја. Изгледот Каја го комплетира со едноставна шминка, накит и високи потпетици.
На овој фестивал премиерно беше прикажан филмот „Школка“, во кој таа имаше улога.
Нејзината стилистка Моли Дикинсон во интервју за „Вог“ изјави дека Каја ѝ испратила неколку идеи за тоа што би сакала да облече на фестивалот, а една од нив е и овој фустан.
„Мислев дека е одлично да го почитувам иконскиот момент на Синди на овој начин“, додаде таа.
Во далечната 1993 година Синди се прошета на црвениот тепих со својот тогашен сопруг Ричард Гир, а Каја на филмскиот фестивал во Торонто се појави без придружба.