Забава
По 33 години откриена голема грешка во серијата „Подобар живот“

Култната серија „Подобар живот“ е една од најгледаните серии во поранешна Југославија. Секојдневните настани на семејството Попадиќ од 1987 до 1991 година беа следени од милиони гледачи низ Србија и околните земји.
Серијата „Подобар живот“ за многумина беше најдобра, меѓутоа неодамна на интернет се појави информација дека има една нелогичност од правен аспект.
Имено, како што се наведува на Фејсбук страницата „Дневна доза на просечен адвокат“, грешката се однесува на наследниците кои се појавиле во тестаментот на сестрата на Гиго.
Кога сестрата на Гиго оставила тестамент, во кој ги назначила неговите деца, Виолета, Гуза и Слободан за нејзини наследници, поставувајќи им тешки услови, кои прво мора да ги исполнат (Виолета да се омажи, Гуза да најде работа, Слободан да го заврши образованието со добрар резултат – што е суштински заплет серијата), не требало да се тргне по патот на остварување на тие поставени услови, туку наследниците на тестаментот едноставно можеле да не го прифатат наследството.
Тогаш сè можеше да биде поинаку. Гиго веднаш би го наследил целото наследство, како единствен законски наследник на својата сестра. Па семејството Попадиќ ќе ги земеа парите одма, ќе платеа за споменикот на Мацола и ќе немаше серија воопшто. Тогаш се поставува прашањето зошто адвокатот Радујковиќ не тргнал во таа насока, наместо да вели дека нема дупка во тестаментот, се наведува на оваа Фејсбук страница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Откриена причината за смртта на Халк Хоган

Page Six ексклузивно ја откри официјалната причина за смртта на Халк Хоган.
Легендарниот професионален борач починал од акутен миокарден инфаркт, познат и како срцев удар. Документите, исто така, открија дека Хоган тајно се борел со леукемија, состојба која досега не била јавно позната.
Според Канцеларијата на медицинскиот испитувач на округот Пинелас, срцевиот удар бил предизвикан од ненадејно блокирање на протокот на крв во срцевиот мускул, што предизвикало оштетување на ткивото. Во документот, објавен од Page Six, исто така се наведува дека Хоган имал историја на атријална фибрилација (AFib), состојба која се карактеризира со неправилно и брзо отчукување на срцето.
Најголемото изненадување во извештајот на медицинскиот испитувач беше информацијата дека поранешната суперѕвезда на WWE, роден како Тери Болеа, страдал од хронична лимфоцитна леукемија (CLL) – вид на рак кој ги зафаќа белите крвни зрнца. Неговата смрт беше прогласена за природна смрт.
Халк Хоган доживеа срцев удар во својот дом во Клирвотер, Флорида, на 24 јули. Тој беше итно префрлен во болницата Мортон Плант, каде што беше прогласен за мртов. Почина на 72-годишна возраст.
Забава
Мухамед е најпопуларното име за момчиња во Англија, втора година по ред

Објавени се најпопуларните имиња за бебиња родени во Англија и Велс во 2024 година, при што Мухамед е најпопуларното машко име втора година по ред, додека Ноа и Оливер го зазедоа второто и третото место, исто како и во 2023 година.
Според Би-Би-Си, Оливија и Амелија ги зазедоа првите две места за девојчиња трета година по ред, додека Исла падна од третото место и беше заменета со Лили.
Листата ја објави Канцеларијата за национална статистика (ONS), која ја составува листата врз основа на податоци од матичните книги на родени.
Новите имиња што влегоа во првите 100 за девојчиња се Елоиз, Нора, Мила, Роза, Атена, Сара и Зои. Новите имиња за момчиња се Остин, Натан, Вини и Јахја.
Мухамед го задржа првото место како најпопуларно машко име, со 5.721 бебиња што го добија ова име. Ова име е најпопуларно во пет од деветте региони на Англија.
Други варијации на името, исто така, се најдоа на листата: Мохамед се најде на 21-во место со 1.760 момчиња, а Мохамад на 53-то место со 986.
Забава
Ќерката на Мајкл Џексон откри дека ја раскинала свршувачката со познатиот актер: „Ова се солзи на раскин“

Парис Џексон, 27-годишната ќерка на легендарниот крал на поп-музиката, Мајкл Џексон, и американскиот актер Џастин Лонг ја раскинале свршувачката по три години врска.
Веста ја сподели самата Парис на социјалната мрежа „Икс“, каде што напиша: „Ова се солзи на раскин. Повторно сите се провлекувате“.
Инаку, пејачката во декември преку „Инстаграм“ ја објави свршувачката со Лонг, но објавата подоцна беше избришана. Во јуни, во интервју за „Аксес Холивуд“, изјави дека подготовките за свадбата се во полн ек.
„Фустанот е во изработка, местото е избрано, а датумот го одреди астролог – затоа што сум од Лос Анџелес“, рече таа.
Да потсетиме, Парис пред неколку дена беше снимена како расплакана шета сама на улиците на Малибу.
Исто така, минатиот месец беше критикувана бидејќи настапила на концерт закажан токму на денот на годишнината од смртта на татко ѝ. Во обраќање на социјалните мрежи објасни дека таа нема влијание врз распоредот на турнејата бидејќи не е главна изведувачка.
„Тоа што настапувам на тој ден не значи дека сум заборавила. Никој не треба да ми кажува како да тагувам“, порача таа тогаш.