Забава
Претпочитаат да уживаат во луксузот и сите слатки работи што ги нуди животот: хороскопски знаци кои не внимаваат со парите
За некои хороскопски знаци парите се едноставно алатка за уживање во животот и често не обрнуваат внимание на тоа колку трошат.
Кога станува збор за управување со пари, некои хороскопски знаци не се познати по тоа што внимателно го пресметуваат секој трошок – тие претпочитаат да уживаат во луксузот и сите слатки работи што ги нуди животот.
Иако инвестирањето во квалитетни производи не е нужно лоша работа, овие знаци понекогаш може да претераат.
Овен
Овните се познати по својата импулсивна природа, а тоа се одразува и во односот кон парите. Овој знак не сака да чека – кога сака нешто, мора веднаш да го има.
Овенот донесува брзи одлуки и го купува она што го сака без да размислува премногу за финансиските последици. Ако видите како Овен импулсивно троши на најновиот гаџет или луксузна облека, не е чудно – тие веруваат дека животот треба да се живее во моментот.
Бидејќи Овенот често делува под влијание на моментална возбуда, трошењето може да стане начин да се доживее адреналинот и да ужива во секој момент.
Лав
Лавовите се карактеризираат со силна желба за внимание и статус, а парите често служат како средство за постигнување на таа цел. Овој знак сака да живее со стил и често се одлучува за скапи набавки кои ќе му овозможат да блеснат во општеството.
Од луксузни автомобили до најнови модни парчиња, Лавовите не штедат кога се работи за работи кои им помагаат да бидат во центарот на вниманието.
За Лавот парите не се само средство за преживување, туку симбол на успех и моќ. Затоа, кога ќе почувствуваат дека им треба нешто ново и впечатливо, тешко им е да одолеат.
Стрелец
Стрелците ја обожаваат слободата и авантурата, а парите често служат како средство за остварување на овие желби.
Патувања, екскурзии, одмори на егзотични дестинации – Стрелците имаат тенденција да трошат на искуства кои им обезбедуваат возбуда и незаборавни спомени. Иако тоа не е нужно лошо, понекогаш забораваат на својот буџет кога ќе се занесат да ја планираат својата следна авантура.
Нивното трошење произлегува од желбата за нови искуства и често не се грижат за цената кога стаува збор за работи кои ќе ги одведат на ново, возбудливо место.
Риби
Рибите се длабоко емотивен и сонлив знак, што значи дека лесно им подлегнуваат на импулсите и желбата за луксузно уживање.
Тие често се препуштаат на трошење на убави работи што им носат чувство на удобност – од убава облека и производи од висока класа до луксузни искуства.
Рибите се склони кон трошење и кога се под емоционален стрес, па парите им стануваат начин да се опуштат и да се „наградат“.
Иако се многу сочувствителни и грижливи, кога се во прашање нивните лични желби, Рибите не се двоумат да се почестат и да трошат на работи кои им обезбедуваат емоционална удобност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Меланија Трамп ја украси Белата куќа за Ноќта на вештерките
Меѓу контроверзиите околу градежните работи во Белата куќа, Меланија Трамп ги покажа своите декорации за Ноќта на вештерките, подготвувајќи се за традиционалната прослава што ќе се одржи недалеку од срушеното Источно крило.
Нејзината канцеларија објави фотографии од подготовките со порака: „Белата куќа се подготвува за Ноќта на вештерките 🎃“.
The @whitehouse is getting ready for Halloween 🎃 pic.twitter.com/J7LAs6hqfl
— Office of the First Lady (@FirstLadyOffice) October 28, 2025
Есенска атмосфера и многу тикви
За разлика од претходните години, Меланија се чини дека се одлучила за поедноставна декорација за претстојната Ноќ на вештерките. Задниот влез и скалите се покриени со тикви, додека шарени лисја ги красат столбовите на тремот. Целокупниот впечаток повеќе потсетува на есенска тема отколку на Ноќта на вештерките, што можеби била намерна одлука за да не се исплашат најмладите гости кои доаѓаат на традиционалното собирање слатки.
Забава
Меган Фокс за мајчинството: Не сум спиела седум месеци
Американската актерка Меган Фокс (39) искрено проговори за предизвиците на мајчинството по раѓањето на ќерката Сага, која ја доби со свршеникот Колсон Бејкер.
На проекција на филмот Jennifer’s Body во Лос Анџелес, Фокс откри дека по породувањето, се соочува со силна исцрпеност.
„Само што родив бебе и страдам. Не сум спиела седум месеци“, изјавила таа објаснувајќи дека има тешкотии со концентрацијата и со меморијата.
Актерката додала дека по породувањето, се споредила со трансформацијата на својот лик во чудовиште од филмот, алудирајќи на психолошките промени што ги чувствува.
Иако постојат шпекулации за развод, таа и сопругот останале заедно и по тешкиот период, вклучувајќи го губењето на бременоста во 2023 година, што Меган го опиша како длабоко емотивно и болно искуство.
Забава
(Видео) Дакота Џонсон во спектакуларен фустан: актерката во креација на „Валентино“ по шест години
Популарната актерка Дакота Џонсон блесна на настанот Vogue World 2025: Hollywood кога се појави во спектакуларен фустан од модната куќа „Валентино“ и покажа зошто е една од најзаводливите холивудски ѕвезди.
Интересно е што таа не ги носела креациите на оваа престижна италијанска модна куќа на црвениот тепих веќе шест години, но соработката е обновена и сигурно ќе уживаме во нејзините спектакуларни изданија и во наредниот период.
@dakotajohnsonarg this cutieeeee!!! 💗🤏🏻🥹 #dakotajohnson #VogueWorld #vogue #voguemagazine #hollywood ♬ what is love haddaway – whitelinesprettybabyy
Дакота, во соработка со стилистката Кејт Јанг, избра многу впечатлива креација од колекцијата пролет 2026, фустан украсен со мониста во нежни, пастелни бои по целата должина.
Инспириран е од 20-тите, а е посебен поради везот на деколтето и делумно проѕирниот дел од тил во нежно розова боја. Друг интересен детаљ е високата јака, која исто така е изработена од тил, но во друга боја. Со овој фантастичен фустан Дакота избра нежно розови чевли од „Валентино“, како и дискретен накит.
@gbr.mag me encontro obcecada pelo look da dakota johnson no vogue world 🥹🤍 #tiktokfashion #dakotajohnson #vogueworld #fashion #moda ♬ original sound – lana del rey ୨୧
Провокативната и ефектна комбинација ја комплетира со црна чанта, а додека фотографите ја фотографираа, таа не можеше да ја тргне насмевката од лицето.
фото: принтскрин

