Забава
Принцезата Кејт користи посебна фраза за да ги дисциплинира децата на кралските настани
Децата на принцот Вилијам и принцезата Кејт Мидлтон се познати по нивното примерно однесување на кралските настани, но се вели дека нивната мајка има посебен начин да ги смирува кога ќе почувствува дека нивното однесување ја преминува границата. Според кралскиот експерт Том Квин, таа користи едноставна, но ефикасна фраза: „Ајде да одмориме“. Иако фразата звучи како повик за пауза, всушност носи многу поголема тежина, бидејќи на децата им е јасно дека е време да престанат со пакоста.
Кога станува збор за јавните ангажмани, како што е неодамнешната прослава „Trooping the Color“ , која е долгогодишна традиција во британската армија која датира од почетокот на 17 век, најмалите докажаа што значи да се биде добро образован. Церемонијата вклучува парада на различните полкови на британската армија, демонстрирајќи прецизност, дисциплина и воена традиција.
Принцот Џорџ, принцезата Шарлот и принцот Луис се покажаа како примери за примерно однесување. Сепак, Кејт има подготвен план за оние ретки моменти кога децата, како принцот Луис, покажуваат премногу ентузијазам. Во својата книга „Позлатена младост, интимна приказна за растењето во кралското семејство“, Квин открива дека смирената реакција на Кејт била пофалена од експертите за време на платинестиот јубилеј на кралицата, кога Луис и го испружил јазикот на мајка си. Имено, наместо критика, Кејт едноставно употребила фраза која е сигнал до децата да се повлечат и да се смират.
– Кејт не се грижи премногу за нивното однесување. Обожава да ги гледа како се однесуваат како деца – открил извор близок до семејството.
Однесувањето на младиот принц Луис предизвика насмевки ширум светот, а Кејт и Вилијам го гледаа како можност да ја покажат својата хумористична страна. По платинестиот јубилеј, двајцата им се заблагодарија на сите присутни, со хумористична нота на социјалните мрежи: „Сите си поминавме одлично, особено Луис“, додавајќи смајли на страна.
Познато е дека на кралското семејство од од Велс, приоритет им е комуникацијата и трпението во воспитувањето на децата. Правилата не вклучуваат викање, а Кејт се вели дека е нешто построга од Вилијам. Сепак, тие ја спроведуваат дисциплината заедно со нивната долгогодишна дадилка Марија Тереза Турион Борало, пренесуваат светските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Алана отиде во Турција да си ги среди забите и остана без нив: „Ми го уништија животот“
Алана Бун од Белгија остана целосно без заби, откако отиде во Турција да ги среди. Пријателката на нејзината мајка ја препорачала клиниката, каде што нарачала поставување на коронки во 2021 година, пишува британски Мирор.
Вкупните трошоци со летот и хотел биле 10.000 евра, додека самата операција чинела 6.700 евра. Преку социјалните мрежи договориле план за процедура, таа испратила фотографии од забите на стоматолози во Турција.
Кон крајот на јули започнаа подготовките за операцијата и брусењето на забите. Вели дека веќе следниот ден почнала да чувствува болки, но потоа и рекле дека мора да направат девитализација со која се отстранува дел од тешко оштетената забна пулпа, за што доплатила.
Два дена подоцна и беа поставени постојани коронки. Таа вели дека викала и врескала, бидејќи имала многу болки. Кога се вратила дома на почетокот на август, болката само се влошила. Почнала да чувствува дупки во устата и „лош“ вкус.
Таа посетила локална ординација во Белгија за да добие второ мислење, каде што потврдиле дека лекувањето е целосно неуспешно и дека мора да се вадат сите заби. Таа мораше да подлежи на интензивна корективна процедура, ѝ беа понудени три опции за третман кои чинат помеѓу 22.000 и 38.000 фунти.
Од април годинава немала ниту еден заб, но во меѓувреме и се вградени осум импланти. Таа се консултирала и со орални хирурзи, кои се согласиле дека единствената опција е да се извадат сите заби и да се започне од почеток. Сè уште не е целосно ослободена од секојдневните болки, но ѝ олесна што и се отстранети лошите резултати од Турција.
Таа се надева дека новите процедури ќе бидат завршени до јули следната година, но во меѓувреме сака да ја сподели својата приказна, па другите луѓе ќе бидат предупредени за можните последици, бидејќи таа не била.
– Добро размислете пред да изберете стоматолог во странство. Ако тргне наопаку, треба да го решите проблемот во вашата земја и често завршувате со плаќање три пати повеќе. Не само што ми исчезнаа забите, туку и квалитетот на мојот живот беше уништен. Не можам да јадам нормално и широко да се насмевнувам – раскажува Бун за Mirror.
Забава
Последната фотографија од Лиам Пејн пред неговата трагична смрт во Аргентина
Фотографија од пејачот Лиам Пејн е објавена непосредно пред тој трагично да падне од балконот на хотел во Аргентина.
Лиам Пејн почина откако падна од третиот кат од хотелот во Буенос Аирес, Аргентина.
Како што пренесуваат локалните медиуми, Пејн пред смртта бил под дејство на дрога и алкохол, а персоналот на хотелот во еден момент повикал помош.
Недолго потоа беше пронајдено телото на ѕвездата на поранешниот бој бенд „One Direction“.
На интернет сега кружи фотографија која е направена непосредно пред трагичниот пад.
„Имаме гостин кој е надвор од себе, поради дрога и алкохол. Кога е свесен, крши се во собата. Треба да испратите некого, ве молам“, рекол вработен во хотелот во кој престојувал Лиам.
„Сметаме дека неговиот живот е во опасност. Собата во која е таа има балкон, се плашиме да не направи нешто, да си го загрози животот“, се слуша на снимката од разговорот.
Лиам Пејн имаше само 31 година, а светската слава ја стекна како член на популарниот бенд за момчиња „One Direction“.
Забава
Камерон Дијаз откри зошто се повлече од актерството: „Не ме интересираше“
Американската актерка Камерон Дијаз откри зошто се повлече од актерството пред десет години.
Последните филмови во кои актерката се појави се Annie, The Sex Tape и The Other Woman
Актерката ќе се врати во филмскиот свет следната година, во акционата комедија на Нетфликс, Back in Action, заедно со Џејми Фокс.
Cameron Diaz and Jamie Foxx star in BACK IN ACTION — coming later this year to Netflix.
Years after giving up life in the CIA to start a family, these former spies are dragged back into the world of espionage when their cover is blown. Also starring Kyle Chandler, Glenn… pic.twitter.com/xedDfTjRJk
— Netflix (@netflix) February 1, 2024
Тоа ќе биде првиот филм во кој таа ќе се појави во 11 години. Како што објасни, се повлекла од Холивуд за да се посвети повеќе на семејството и да започне неколку претприемачки проекти.
„За мене тоа беше неопходна работа. Чувствував дека морам да го сторам тоа за да ја вратам контролата врз мојот живот. И, искрено, не ми беше грижа за ништо друго”, рече Дијаз пренесува Variety.
Таа исто така објасни дека ниту една од понудите што ги добила во тоа време не била доволно добра за да ја промени нејзината одлука.