Забава
Принцот Хари го слави роденденот: „Бев загрижен за 30, но возбуден сум за 40“
Принцот Хари изјави дека е возбуден што наполни 40 години, но неговата позитивност е во спротивност со негативното мислење кое за него преовладува во домот и заладените семејни врски. Помладиот син на кралот Чарлс Трети, кој сега живее во Калифорнија со сопругата, американската телевизиска актерка Меган Маркл и нивните две деца, денеска го слави својот 40-ти роденден.
Војводата и војвотката од Сасекс, петгодишниот принц Арчи и тригодишната принцеза Лилибет живеат во славната енклава Монтесито, во близина на Санта Барбара, на западниот брег на САД.
„Бев загрижен кога полнев 30 години, возбуден сум за 40“, изјави тој неодамна за Би-Би-Си, додавајќи дека тоа што станал татко му дал „свежа перспектива на животот“.
„Да се биде татко е една од најголемите радости во животот и само ме мотивираше да го направам овој свет подобро место“, додаде тој.
Сепак, Хари е сè уште изолиран од кралското семејство и се чини дека има мали шанси да се врати кај нив.
Односот на Хари со неговото семејство стана позатегнат откако тој и неговата сопруга го напуштија кралскиот живот и се преселија во Северна Америка на почетокот на 2020 година.
Се’ започна со едно експлозивно американско телевизиско интервју во кое парот тврдеше дека постарите членови на кралското семејство направиле расистички претпоставки за бојата на кожата на нивниот нероден син, а потоа следеше целосен раздор со објавувањето на биографијата на Хари насловена „Резерва“.
Книгата се сметаше за напад на вековната институција на кралското семејство, која сè уште игра централна улога во британскиот живот. Вклучува долги пасуси за заладените односи на Хари со неговиот брат, престолонаследникот Вилијам (42), кого исто така го опишува како негов непријател.
Експертите изјавија за АФП дека не гледаат никакво помирување на хоризонтот.
„Веројатно до сега ќе беше решено доколку беше можен некаков договор“, рече Марк Гарнет од Универзитетот Ланкастер во северозападна Англија.
Во февруари Хари го посети својот татко, кој претходно објави дека боледува од рак, а подоцна за американската ТВ мрежа „Еј-би-си“ изјави дека е сигурен оти дијагнозата може повторно да го спои семејството. Меѓутоа, за време на втората посета на принцот во Лондон во мај, таткото и синот присуствуваа на одделни настани во близина, но не се сретнаа.
Хари, наводно, ја одбил поканата да остане во Бакингемската палата за време на посетата и наместо тоа останал во хотел во Лондон.
Односите меѓу Вилијам и Хари, чија некогаш блиска врска беше создадена со смртта на нивната мајка принцезата Дијана во 1997 година, остануваат јавно замрзнати.
Тие беа видени заедно на погребот на покојната кралица во септември 2022 година, но очигледно се држеа на дистанца еден од друг. Така беше и на крунисувањето на татко им во мај минатата година. Двајцата браќа наводно не ни зборуваат.
Додека Хари и Меган имаат повеќе поддржувачи во Соединетите Држави, британската јавност исто така јасно зазеде страна во семејната расправија.
Хари и Меган паѓаат на дното на анкетите за кралската популарност, заедно со неговиот вујко принцот Ендру, чии врски со починатиот американски сексуален престапник Џефри Епштајн го направија непопуларна личност.
За разлика од нив, Вилијам и неговата сопруга Кетрин, која се опоравува од рак, се исклучително популарни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Пет бои за ѕидови кои веднаш го трансформираат и наједноставниот простор во скап дом
Изборот на вистинската нијанса при уредувањето на вашиот дом може да го направи да изгледа поелегантно, потопло и поскапо без да потрошите многу пари. Ако сакате луксуз и софистицираност, изберете бои што зрачат со длабочина, префинетост и безвременски шарм.
1. Длабоко смарагдно зелена
Оваа богата, темна нијанса на зелена веднаш потсетува на луксузни ентериери и хотели. Смарагдно зелената е моќна, но сепак смирувачка, и изгледа особено убаво кога се комбинира со златни акценти и темно дрво.
2. Темно сина (navy blue)
Темно сината додава сериозност и софистицираност на ѕидовите, правејќи го просторот елегантен. Идеална е за дневни соби или спални соби, бидејќи создава чувство на длабочина и луксуз без да биде премногу драматична.
3. Топла сива со беж нијанси (greige)
Ова е совршен избор за оние кои сакаат неутрални тонови, но сакаат поголема софистицираност. Оваа боја изгледа многу елегантно, лесно се комбинира со различни стилови и му дава на просторот исклучително софистициран изглед.
4. Темно чоколадно кафеава
Длабоко кафеавата нијанса внесува топлина и луксуз во секој простор, особено кога се комбинира со кадифени текстури и топли светилки. Иако е темна, не делува тешка, туку многу елегантна и отмена.
5. Пригушена бордо или вино боја
Бордо тоновите зрачат со елеганција и класика, а на ѕидовите им даваат драматичен, но софистициран карактер. Оваа боја совршено функционира во простори каде што сакате да создадете чувство на интимност, луксуз и уникатност.
Со правилен избор на боја, дури и наједноставниот простор може веднаш да добие луксузен и гламурозен допир, без поголеми интервенции и со максимален ефект.
Забава
(Фото) Најголемата слава ѝ донесе и најголеми проблеми: „Плачев без престан“
Поранешната членка на „Спајс Грлс“, Мел Си, денес воодушевува со изгледот, но малкумина се сеќаваат на проблемите со кои се бореше на почетокот на нејзината кариера и додека беше во популарниот бенд.
Во едно интервју, Мел Си детално зборуваше за нарушувањето во исхраната со кое се бореше, а откри и дека нејзините колешки од бендот во тоа време, вклучувајќи ја и Викторија Бекам, ѝ понудиле помош, која таа секогаш ја одбивала.
„Вежбав сè повеќе и повеќе, а јадев сè помалку и помалку. Станував сè помала и помала. Беше физички видливо, многу забележливо. Моите колешки се обидуваа да разговараат со мене, но не сакав да слушам“, изјави таа за The Times of London.
Нејзината состојба најмногу се влоши кога остана сама, а пресвртницата дојде кога забремени пред 16 години.
„Се враќав дома и бев сама. Не можев да станам од кревет, плачев цело време. Почнав да се прејадувам, но во тоа време не разбирав за што станува збор. Бременоста сè ми промени, тоа беше прв пат да бидам горда на моето тело“, беше искрена Мел.
Мел Си сега има 52 години и сите нејзини проблеми се зад неа. Таа живее сосема поинаков начин на живот и никогаш не сакала јавно да ја разоткрие својата ќерка бидејќи се плашела од последиците што славата може да ги има врз неа.
Забава
Најубавата манекенка повторно е соло: Раскина со каубојот по две години врска
Иако се чинеше дека нивната љубовна приказна ќе трае, моделот Бела Хадид е повторно сингл. Таа ја заврши врската со професионалниот јавач Адан Бануелос, со кого беше во врска две години, а извор за Entertainment Tonight изјави дека се обидува да остане позитивна и да не размислува постојано за раскинувањето.
Шпекулациите за нивната романса се појавија на есен 2023 година, со тврдења дека се во врска долго време, а откако ја потврдија својата љубов, повеќе не се разделија.
Во октомври 2023 година, тие беа фотографирани како разменуваат нежности во Тексас, што потврди дека нивната љубов станува се посериозна. И двајцата имаат љубов кон јавањето и коњите, и се појавија заедно на бројни настани.
Во декември минатата година, тие присуствуваа на настан во Далас како вљубен пар, кога Бела го промовираше својот парфем.
Минатиот октомври, тие ја прославија својата годишнина и роденденот на Бела, кога Адан објави неколку нивни заеднички фотографии со емотивна порака: „Октомври стана посебен месец. Те сакам, душо. Ќе продолжам да те потсетувам секој ден колку…“.
Како што еднаш манекенката изјави за британскиот Вог минатата година, тие се запознале откако таа се преселила во Тексас, каде што нејзината мајка Јоланда и очувот граделе куќа. Одлуката за преселба дошла по нејзината борба со хронична болест, а кога Адан влегол во нејзиниот живот, сè почнало да се подобрува.
„Бев со мојот очув на ранчот. Отидовме на јавање и почнав да се чувствувам малку подобро, но сè уште ме мачеа сите мои работи. А следниот ден го запознав моето момче“, рекла таа, откривајќи дека тој дури и не знаел кој е таа, што ја изненадило позитивно и изгледало освежувачки.
(Видео) Симнете ги розовите очила и погледнете ги работниците – порачаа синдикатите до функционерите на протестот за повисоки плати, се бара 600 евра минималец
Со транспарентот „Протестираме за плата“, голем број граѓани излегоа на улиците за да го поддржат протестот на Сојузот на синдикатити...
Ако не се реши проблемот со превозниците, ќе трпи цела Европа, порача Николоски од Загреб
Заменик-претседателот на Владата и министер за транспорт Александар Николоски порача дека доколку не се изнајде решение за проблемот со превозниците...
Бојан Маричиќ избран за нов претседател на Државната изборна комисија
Поранешниот вицепремиер за евроинтеграции и министер за правда во Владата на СДСМ, Бојан Маричиќ, е избран за нов претседател на...
Запленети 150 килограми марихуана, ја транспортирале со шлеп возило од Струга до Свети Николе
Јавен обвинител донесе наредба за спроведување на истражна постапка против три лица за кои постои основано сомнение дека сториле кривично...
По ревизорскиот извештај, Обвинителството отвори предмет за Општина Охрид
Јавното обвинителство отвори предмет по извештајот на Државниот завод за ревизија за Општина Охрид, во кој утврди дека се граделе...
(Видео) Филипче: Имам информација дека следи ново задолжување од 300 милиони евра
Претседателот на СДСМ, Венко Филипче, на одговор на новинарско прашање информираше дека следува ново задолжување од 300 милиони евра, a...
Левица: Премиерот со џемпери од по 2.000 евра барањата за минимална плата ги прогласи за „политичка агенда“
Левица го осуди настапот на премиерот Мицкоски, со кој легитимните синдикални барања за зголемување на минималната плата ги оцени како...
По срамниот настап во Собранието, Џихан Ахмед ја повлече кандидатурата за членка на комисијата за заштита од дискриминација
Џихан Ахмед ја повлече својата кандидатура за член на Комисијата за спречување и заштита од дискриминација, откако нејзиниот настап во...
Независниот полициски синдикат против мешање на политиката и партиите во работничкиот протест
Згрозени сме од мешањето на политиката и поддршката која опозициските партии преку повици и мобилизирање на членството оркестрирано ја даваат...
Затоа за граѓаните на Македонија нема покачување на платите, не работат „приватно“ како Мицкоски, велат од СДСМ
„ВМРО го вработилo, па така во „приватниот бизнис“ Христијан Мицкоски бил директор на ЕЛЕМ, па советник на Груевски, па еве...
„Обвинителството да не молчи, Заев и Филипче ги злоупотребиле државните институции за насилно преземање на болницата Жан Митрев“, велат од ВМРО-ДПМНЕ
„Сведоштвото на Жан Митрев јасно покажува дека Заев и Филипче брутално ги злоупотребиле институциите. Заев и Филипче смислиле план и...
Фицо шокиран од Трамп: „Тој е опасен и полудел“
Словачкиот премиер Роберт Фицо им рече на лидерите на Европската унија на самитот минатата недела дека неговата средба со Доналд...
(Видео) Трамп: Уште една прекрасна армада прекрасно плови кон Иран токму сега
Американскиот претседател Доналд Трамп изјави дека „уште една“ американска воена флота е на пат кон Иран. „Патем, уште една прекрасна...
(Видео) Санти мраз во Њујорк, има мртви, температурите под нулата: Бура ги опустошува САД
Санти мраз и делумно замрзнатите делови од реката Хадсон беа пријавени по силната зимска снежна бура во вторник, 27 јануари,...
(Видео) Американска конгресменка нападната со непозната течност во Минеаполис
Американската конгресменка, Илхан Омар, беше нападната со непозната течност за време на јавна трибина во Минеаполис во вторник. Полицијата соопшти...
Русија бара територијални отстапки од Украина, Зеленски сака средба со Путин
Украинскиот претседател Володимир Зеленски е подготвен директно да преговара со лидерот на Кремљ, Владимир Путин, за чувствителни прашања како дел...
Колку Руси и Украинци загинаа во војната? Анализа откри застрашувачки бројки
Бројот на руски и украински војници убиени, ранети и исчезнати во речиси четиригодишната војна би можел да достигне два милиони...
Намалена видливост поради магла на неколку патни правци
Поради протест блокирани се повеќе гранични премини за влез и излез од државата на товарни моторни возила. Како што известуваат...
(Фото) Ѓорѓиевски: Кејот на Вардар ќе добие нов лик
Градоначалникот на град Скопје, Орце Ѓорѓиевски, вчера вечер, преку социјалните мрежи порача дека кејот на Вардар ќе добие нов лик....
МНР со реакција до Бугарија: Македонија останува подготвена за дијалог што ќе се води во духот на европските вредности, Европа се гради со доверба и резултати, не со етикетирања и политички квалификации
Македонското Министерство за надворешни работи реагира на денешното соопштение објавено на веб-страницата на Министерството за надворешни работи на Република Бугарија....
