Забава
Ретко појавување со сопругот во јавност: Маргот Роби блесна во вамп-издание

Убавата Маргот Роби во последните месеци на сите јавни настани се појавуваше во розови креации во чест на филмот „Барби“, во кој таа ја имаше главната улога. Но, актерката сега направи промена и воодушеви со вамп-издание.
Имено, Маргот пристигна на традиционалната забава на Чарлс Финч и „Шанел“ пред БАФТА, која секоја година се одржува во Лондон пред доделувањето на наградите на Британската филмска академија, попозната како БАФТА.
Таа на црвениот тепих се појави во друштво на својот сопруг, филмскиот продуцент Том Акерли, со кој актерката не се појавува често во јавноста.
Актерката изгледаше прекрасно во светкав црн мини фустан без прерамки со машна на деколтето, кој го спои со чанта „шанел“ и чевли со отворени петици, а отворениот грб и рамениците ги прекри со трендовски црн капут за да даде дополнителен печат на оваа вамп-креација, а преку него паѓаше нејзината долга руса коса.
Таа сè зачини со пристојна шминка нагласувајќи ги само усните со црвен кармин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Андријана Јаневска ја изведе „Ако утре ме нема“ од ДНК: Еден од најтешките настапи во мојата кариера…

„Еден од најтешките настапи во мојата кариера… ‘Ако утре ме нема’ од ДНК ја изведов во придружба на Битолскиот камерен оркестар и Благојче Трајковски на кларинет“, напиша пејачката Андријана Јаневска на социјалните мрежи и објави снимка од настапот.
Забава
(Видео) Ед Ширан настапи на улица и ги воодушеви минувачите

Британскиот пејач и текстописец Ед Ширан ги воодушеви обожавателите, минувачите и патниците со уличен настап во Лондон.
Ширан (34) свиреше на акустична гитара пред железничката станица Кингс Крос во петокот, облечен во впечатлива розова маица. Тој ја изведе новата песна „Азизам“, како и хитовите Perfect, Bad Habits и Shivers.
View this post on Instagram
Пејачот, познат по хитовите Shape of You и Thinking Out Loud, по настапот напиша објава на „Инстаграм“, во која атмосферата ја опиша како неверојатна.
Една случајна минувачка, која чекала меѓу возовите, изјави дека имала неверојатна среќа што била сведок на таква ѕвездена изведба.
Забава
Принцот Хари не сака Меган да објавува фотографии од децата?

Принцот Хари наводно не е премногу среќен што неговата сопруга Меган Маркл ги користи децата за да го промовира својот нов бренд As Ever.
Кралскиот уредник на британски „Сан“, Мет Вилкинсон, тврди дека војводата и војвотката од Сасекс не се синхронизирани кога станува збор за објавување фотографии од нивните деца, принцот Арчи (5) и принцезата Лилибет (3) ,на социјалните мрежи.
„Колку што сум запознаен, Хари би сакал неговите деца да останат надвор од очите на јавноста до одредена возраст“, рече Вилкинсон во петокот во A Right Royal Podcast.
View this post on Instagram
Од друга страна, Вилкинсон тврди дека Меган има поинаков став: „Таа порасна во Калифорнија и претходно веќе кажа дека сака да има калифорниски начин на живеење – да ги однесе на плажа, да излезат, да бидат активни“. „Таа не сака да ги крие“, рече новинарот иако забележа дека Маркл сè уште не ги покажува јасно лицата на своите деца, туку ги користи за да го претстави својот имиџ како мајка и домаќинка. „Хари, веројатно, не е премногу среќен поради тоа“, додаде Вилкинсон.