Забава
Реџе-Жан Пејџ e најубав маж на светот, вели науката

Ѕвездата на „Бриџертон“, Реџе-Жан Пејџ, кој во 2021 година преку ноќ стана сензација кога беше објавена првата сезона од популарната серија на „Нетфликс“, е најубав маж на светот, според научното истражување „Златен сооднос“.
34-годишниот Британец го глумеше војводата од Хестингс и за многу кратко време доби милиони следачи на „Инстаграм“, а дел од популарноста секако може да ѝ се припише на сега веќе познатата секс-сцена во петтата епизода со колешката Фиби Диневор.
Тој еднаш призна дека жешките сцени во „Бриџертон“ му донеле и малку непријатност подоцна.
„Во групата ‘Вотс-ап’ го предупредив целото семејство за петтата епизода, но заборавив на една братучетка. Одеднаш почнав да добивам нејзини пораки: многу пати за време на гледањето морав тактички да одам да сварам чај, но кога се враќав, сцената сè уште траеше… Морав повторно да ја зовривам водата“, му откри тој на Џими Фалон што му напишала братучетката во една пригода.
Сцените дури завршија на сајтови за возрасни.
Набргу потоа почна да се споменува како фаворит за улогата на Џејмс Бонд. „Ако сте Британец и ви оди добро, тогаш луѓето почнуваат да го кажуваат зборот Б“, рече тој коментирајќи ги шпекулациите дека може да го замени Даниел Крег.
Денес, на „Инстаграм“ го следат 6,5 милиони луѓе, а во 2023 година гледачите ќе може да го гледаат во најавениот хит Dungeons & Dragons: Honor Among Thieves.
Според златниот пресек или совршен сооднос, Реџе-Жан Пејџ има најсовршено лице бидејќи постигнал највисока оценка за растојанието меѓу очите. Исто така, само поставувањето на очите му донесе висока оценка на скалата на совршенство. „Тој има класично згодно лице и прекрасни кафеави очи. Неговите совршено обликувани усни исто така постигнаа високи резултати, а единствениот помал резултат е ширината и должината на неговиот нос“, се заклучува.
Севкупно, тој има 93,6 проценти совршен сооднос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.