Забава
Ричард Гир го прослави 75. роденден: доби емотивна честитка од својата сопруга

Ричард Гир и неговата 34 години помлада сопруга Алехандра Силва моментно се во Венеција, каде што во тек е 81. Филмски фестивал во Венеција, а овој холивудски актер таму го прослави и својот 75-ти роденден.
View this post on Instagram
Во оваа пригода преку емотивна објава на „Инстаграм“ се огласи и неговата Алехандра.
„Среќен роденден на љубовта на мојот живот! По 11 неверојатни години заедно, сè уште се чувствувам како првиот ден кога се запознавме. Патувањето што го споделивме, прекрасното семејство што го изградивме и спомените што ги направивме се повеќе од што можев некогаш да сонувам“.
View this post on Instagram
„Со тебе животот ми е подобар во секој поглед и многу сум благодарна што те имам покрај мене. За уште многу години заедничка љубов, смеа и среќа. Со многу љубов, Але“, напиша неговата сопруга покрај нивната заедничка фотографија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Раскинувањето што не го очекувавме: беа како заљубени тинејџери

Италијанската актерка Моника Белучи и холивудскиот режисер Тим Бартон се разделија по две години врска, а изненадувачката вест ја потврдија за јавноста во заедничко соопштение.
„Со големо почитување и длабока загриженост еден за друг, Моника Белучи и Тим Бартон одлучија да се разделат“, гласеше кратко во нивното соопштение, според Дејли Меил.
Тие се запознаа пред 19 години на Канскиот филмски фестивал, но почнаа да се забавуваат дури во 2022 година, откако се сретнаа на меѓународниот филмски фестивал Лумиер во Лион, каде што Моника беше почесен гостин.
Една година подоцна, познатата актерка јавно проговори за својата нова врска за прв пат во интервју за француското списание „Ел“. „Драго ми е што го запознав. Тоа беше една од оние средби што ретко се случуваат. Го сакам Тим и навистина го почитувам“, рече таа тогаш.
Оттогаш, тие редовно се појавуваа заедно на бројни настани и секој пат изгледаа како двајца заљубени тинејџери чии погледи зборуваат погласно од зборовите. Затоа никој не очекуваше таков пресврт на настаните.
Нивното заедничко појавување беше во ноември минатата година на 21-от Меѓународен филмски фестивал во Маракеш, Мароко, кога Моника ја воодушеви јавноста и модните критичари со својот ефектен стајлинг.
Двајцата, сега веќе поранешни емотивни партнери, имаат по две деца, при што Моника беше мажена двапати, додека Тим беше оженет еднаш.
фото: принтскрин
Забава
(Фото) Секогаш подготвена за забава: прекрасната Германка повторно освојува

Октоберфест е во тек, место за добра забава и големи количини пиво. Хајди Клум не ја пропушти можноста да ги покаже своите атрибути во традиционалната баварска носија, а нејзините фотографии станаа вистинска сензација на мрежите.
Таа додаде венец од црвени рози во својот стајлинг, а за да го заокружи своето „црвено“ издание, се одлучи за ефективна шминка и, секако, црвен кармин.
Според медиумските извештаи, целото семејство на Хајди, како и блиските пријатели, се собраа за овој настан, а познатата манекенка од 90-тите повторно уживаше во добра забава и музика.
фото: принтскрин
Забава
Ова не се гледа често: Принцот Вилијам и Кејт Мидлтон разменија нежности

По гламурозната вечера во чест на американскиот претседател Доналд Трамп и неговата сопруга Меланија Трамп, омилениот пар на британското кралско семејство го искористи моментот за себе.
На официјалниот Инстаграм профил на Кејт и Вилијам беше објавена фотографија на која вљубените шетаат држејќи се за раце.
Сцената предизвика големо внимание, со оглед на тоа што вакви моменти не се гледаат често кај кралскиот пар.
За свечената вечера, Кејт избра фустан-капут изработен од златна чипка, кој го носи потписот на модната дизајнерка Филипа Лепли.
Таа ја носеше тиарата „”Lover’s Knot“, за која се верува дека првично припаѓала на династијата Романови. Исто така, забележливи беа едноставните обетки што ѝ припаѓале на кралицата Елизабета II.
Што се однесува до принцот Вилијам, тој носеше свечена униформа со воени одликувања.
фото: принтскрин