Забава
Роби Вилијамс: Jа напуштив Британија поради навредите на Лиам и Ноел Галагер, беше неподносливо

Роби Вилијамс тврди дека долгогодишната расправија со Лиам и Ноел Галагер од „Оазис“ го направила толку вознемирен што придонело за неговата одлука да ја напушти Велика Британија.
Пејачот (47) и sвездите на култниот бенд „Оазис“ до неодамна беа заглавени во војна на зборови која траеше повеќе од две децении, а кулминираше кога хитмејкерот на Angels го предизвика Лиам (48) на боксерски натпревар на „Британските награди“ (БРИТ-авордс) во 2000 година.
Говорејќи за нивното ривалство, кое главно се случуваше во 90-тите и 2000-тите години, Роби вели: „Беше неподносливо. Морав да ја напуштам земјата. Се сеќавам на секој слог од навредите на рокерите“.
Говорејќи за поткастот Talent Takes Practice, Роби рече: „Мојот бренд за забава не се сметаше за достоен поради начинот на кој се претставив“.
Постоеше тренд на „Роби Вилијамс не е кул“, рече пејачот. „Ова не се однесува на трите милиони луѓе кои ги купија моите албуми“.
„Секојпат кога гледав ТВ-програми, имаше луѓе што беа полни со омраза кон мене. Тоа беше погрешно и гротескно. Беше неподносливо. Решив да ја напуштам земјата“.
Роби ја напушти Велика Британија за нов живот во Лос Анџелес во 2004 година.
Тој е најпродаван британски соло-изведувач во Велика Британија и најпродаван нелатино изведувач во Латинска Америка. Шест од неговите албуми се наоѓаат меѓу првите 100 најпродавани албуми во Велика Британија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.