Забава
Селин Дион се расплака на премиерата на својот филм: „Вашето присуство на моето патување беше подарок“

Познатата пејачка Селин Дион боледува од невролошко пореметување – синдром на вкочанета личност.
Дијагнозата и беше поставена во 2022 година и затоа ја одложи турнејата и сите деловни обврски.
Пејачката го сними и документарниот филм „I Am: Celine Dion“, кој следи една година од нејзиниот живот и нејзината борба со невролошко нарушување.
Неодамна се одржа премиерата на овој филм, а Селин беше многу емотивна по прикажувањето на филмот.
„Не ми се верува колку сум богата што имам вакви обожаватели во мојот живот. Вашето присуство на моето патување беше подарок. Вашата љубов и поддршка ме туркаа напред низ сите проблеми“, низ солзи рече таа, пишува „Пипл“.
„Се разбира, никогаш немаше да застанам пред вас доколку ја немав поддршката и љубовта од моите деца. Ви благодарам на сите од се срце што бевте дел од моето патување. Овој филм е љубовно писмо до сите вас“, додаде Селин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Џенифер Лопез и нејзиното дете го привлекоа вниманието на фотографите на Бродвеј

Џенифер Лопез и нејзиното небинарно дете Еми Марибел Муниз (17) беа фотографирани заедно на Бродвеј, каде присуствуваа на премиерата на „Good Night, and Good Luck“ во која глуми Џорџ Клуни.
Џеј Ло и Еми се појавија во елегантни црни комбинации, Џенифер во долг црн фустан со длабоко деколте, а Еми во црн костум и бела кошула со вратоврска.
Неодамна Џенифер и Еми заедно ја посетија премиерата на претставата Отело, во која главните улоги ги толкуваат Џејк Гиленхал и Дензел Вашингтон. После тоа, Лопез на Инстаграм го нарече излегувањето со детето „најдобар состанок“. Наводно, тогаш еден од фотографите премногу се зближил до Еми, поради што Џенифер морала да реагира.
„Таа стана како мајка мечка, почна да вика“, изјави извор за „Пејџ Сикс“.
Пејачката и актерка повеќе пати јавно зборуваше за посебниот однос кој го има со своите деца. Во интервју за „Пипл“ во 2020 година, таа истакна: „Тоа е безусловна љубов. Знам дека сите така се чувствуваат за своите деца, но имам чувство дека тие се навистина посебни. Едвај чекам да видам што ќе постигнат во животот“.
Забава
Синот на Николас Кејџ избегна затвор, ќе се лекува на психијатрија

Вестон Кејџ Копола, син на актерите Николас Кејџ и Кристинa Фултон, избегна да оди во затвор, но ќе мора да учествува во двегодишна програма за психијатриски третман.
Вестон Кејџ е обвинет за насилен напад на мајка му и нејзин пријател пред неговиот стан минатата година.
„Господин Кејџ страда од ментално нарушување кое го квалификува за оваа програма“, рече судијата од Лос Анџелес, Енрике Монгија, на сослушувањето, пренесува „Ролингстоунс“.
Адвокатот на Вестон побара да му се определи поинаков третман, наведувајќи дека неговиот клиент бил подложен на интензивно болничко и амбулантно лекување по инцидентот на 28 април 2024 година. Тој исто така додаде дека Вестон оттогаш е целосно трезен.
„Тој не се чувствувал толку добро со години. Тој е ментално стабилен, наскоро ќе се ожени, се пресели од неговиот стар стан и навистина напредува“, рече адвокатот Мајкл А. Голдстајн.
Кристина Фултон, мајката на Вестон, присуствуваше на сослушувањето и рече дека го поддржува третманот како алтернатива на затворот.
Таа претходно го опиша нападот во стравично сведочење, велејќи дека за малку ќе го загубeла животот. „Ништо не ме подготви за 28 април 2024 година, ноќта кога мојот син за малку ќе ми го одземеше животот“, рече Фултон.
Забава
Два хороскопски знаци често претеруваат во сè: дали сте меѓу нив?

Кај нив нема средина – „се или ништо“, „црно или бело“, „најдоброто на светот“ или „невидена катастрофа“.
Без разлика дали се работи за емоции, трошење пари, реакции или желба да се биде во право, овие хороскопски знаци често претеруваат.
Нивниот ентузијазам знае да биде „заразен“, но понекогаш и исцрпувачки за околината…
Овен
Импулсивен, огнен и полн со енергија, Овенот прави сè – веднаш и сега. Кога ќе се заљубат, се заљубуваат од глава до пети. Кога ќе се налутат, експлодираат како вулкан.
Кога сакаат нешто, не размислуваат за последиците. Тие секогаш влегуваат со глава во ѕидот, често заборавајќи дека не секоја ситуација е трка.
Тие ги преувеличуваат своите реакции, зборови, желби – и сè мора да биде интензивно. Ако нема драма, Овенот сам ќе ја создаде.
Стрелец
Стрелците ја сакаат слободата, возбудата и авантурата – но честопати го сакаат сето тоа одеднаш. Нивната потреба за нови искуства, патувања и предизвици може да оди предалеку.
Претеруваат во плановите, ветувањата, оптимизмот и понекогаш во претпоставката дека сè треба да биде забавно.
За нив „доволно“ често не постои. Ако се обидете да ги забавите, ќе се чувствувате како да им го одземате здивот.