Забава
Се повлекува епизодата на „Симпсонови“ во која Мајкл Џексон го позајми гласот на еден лик
Епизодата на популарната анимирана серија „Симпсонови”, во која Мајкл Џексон го позајми својот глас на еден човек, ќе биде повлечена во екот на појавата на новите контроверзии околу пејачот, изјави извршниот продуцент на серијата во четвртокот.
Џејмс Л. Брукс рече дека таа одлука ја донел заедно со креаторите на серијата, Мет Гренинг и Ал Жан, откако го гледале документарниот филм Leaving Neverland, кој ја имаше својата премиера во САД во неделата, а во него двајца мажи тврдат дека со години биле сексуално злоупотребувани од страна на Џексон.
„Луѓето со кои работам – со кои го поминав животот расправајќи се за шеги – беа единствени околу тоа”, рече тој.
Оваа епизода беше недопрена и покрај тоа што низа години се зборуваше дека Џексон, кој почина во 2009 година, сексуално злоупотребувал деца, но Брукс вели дека документарецот е толку уверлив што ги принудил да го сменат мислењето.
Џексон му даде глас на ликот Леон Комповски во епизодата од 1991 година Stark Raving Dad. Тоа беше првата епизода од третата сезона во која Хомер Симпсон е во психијатриска болница и ја дели собата со Леон, кој тврди дека е Мајкл Џексон.
„Почна постапката за отстранување на оваа епизода“, изјави Брукс за „Вол стрит џорнал“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Со спектакуларен концерт на Џибони, Fashion Group прослави 20 години!
Со спектакуларен настап на една од најголемите музички ѕвезди Џибони и исклучителните Влатко Стефановски трио, Fashion Group го прослави 20 годишниот јубилеј.
Во неверојатниот амбиент на винаријата Камник, најпознатата македонска retail компанија прославуваше за изминатите години успех, посветеност, тимска работа и неверојатните клиенти без кои немаше да биде она што е денеска.
Настанот дополнително го збогатија перформансите на уметникот Бојан Ковски и девојките од Тринити Стрингс кои во совршена синергија изведоа заеднички настап вреден за паметење.
„Веројатно и не постои поголема гордост во било која работа од онаа кога до вашето име ќе се надоврзе зборот јубилеј, а кога бројката на истиот е заокружена на 20, тогаш знаете дека изминатите години правевте нешто навистина добро. Оваа година, Fashion Group прославува 20 години од почетоците на омилената стилска приказна на многумина, приказна која немаше да биде онаква каква што е денес, доколку не постоеја лојалните клиенти со кои беше и повеќе од чест да се гради истата“, велат од Fashion Group.
Во изминатите 20 години компанијата отвори повеќе од 30 продавници со над 30 брендови, а во 2017-тата дел од искуството го насочија кон отворање на првата онлајн продавница www.fashiongroup.com.mk.
Денеска, Fashion Group брои повеќе од 70.000 лојалти купувачи, за кои ќе кажат дека се повеќе од горди што успеале дополнително да го „украсат“ секој важен момент во нивниот живот.
„Да, и можеби целото наше патување би се опишало како една неверојaтна авантура која започна со отворањето на Битсиани, бренд кој денес е синоним за елеганција и за тоа како треба да изгледа стилскиот маж. Приказната ја продолживме со најслаткиот бренд Окаиди, за денеска Fashion Group да е еден совршен круг што се провлекува низ животите на многумина благодарение на исклучителниот квалитет и изборот што секогаш е резултат на нашите неповторливи тимови“, велат од компанијата.
На самиот настан беше прикажана и рекламата што Fashion Group ја сними по повод јубилејот, која наиде на воодушевување кај присутните поради исклучителната естетика и уметнички моменти преку кои се прикажани новите колекции и новиот бизнис центар на групацијата.
Тие им се заблагодарија на нивните клиенти и целиот тим на групацијата за нивната несебична поддршка сите изминати години и ветија уште многу успешни моменти заедно!
Во продолжение, погледнете дел од атмосферата од забавата на 20 годишниот јубилеј на компанијата, како и видеото кое е уметничко заокружување на двете децении исклучителна работа.
ПР
Забава
Меган Маркл и принцот Хари предупредени за две сценарија доколку војвотката продолжи да го засенува војводата
Војводата и војвотката од Сасекс се најдоа на насловните страници за време на нивната посета на Нигерија, а тоа предизвика шпекулации бидејќи некои набљудувачи забележаа дека Хари изгледа загрижен додека Меган навидум е во центарот на вниманието. Ова беше првото официјално меѓународно излегување на двојката по нивното драматично напуштање на кралските должности пред четири години.
Кралскиот коментатор Данкан Ларкомб, како што обајвуваат британските медиуми, за оваа посета вели: „На 39 години Хари изгледа како да му е удобно на игра втора виолина на неговата доминантна, 42-годишна сопруга. Меган е многу силен карактер, многу енергична и крајно амбициозна, а тоа се карактеристики што значат дека таа речиси секогаш ќе го засенува Хари и ќе го привлекува вниманието на себе. Хари е целосно во нејзина сенка, но тој никогаш не се чувствуваше пријатно кога беше во центарот на вниманието, никогаш вистински не уживаше во тоа“.
Следејќи ја динамиката на парот, д-р Сона Капур, клинички психолог, вели дека од ваквото однесување, кога едната личност ја засенува другата во врската, се можни две сценарија како исход.
„Ако Хари е задоволен што Меган го надминува, тоа значи силна самоувереност и заемна поддршка. Ако не се менаџира добро, тоа може да додаде притисок, кој има потенцијал да предизвика чувство на несоодветност или огорченост. За успех, потребни се отворена комуникација, меѓусебна поддршка и обезбедување сигурност дека двајцата партнери имаат можност да ги следат своите интереси и да блеснат“, објаснува Капур за британските медиуми.
Коментаторот Ларкомб посетата на Нигерија ја нарече „шоуто на Маган“, во кое Хари бил тргнат настрана, а Меган ја оцени како магнет за внимание.
Забава
Џејсон Момоа има нова девојка, тој е во врска со 12 години помлада актерка
Момоа, еден од најпосакуваните холивудски актери, повторно се бакнува.
44-годишниот актер ја потврди новата романса со објава на „Инстаграм“. Момоа ја посети Јапонија со пријателите, а меѓу фотографиите со друштвото беа и оние со новата партнерка, порториканската актерка Адрија Арјона.
„Многу сме им благодарни на сите што ги отворија своите домови правејќи спомени со нови и стари пријатели, споделувајќи уште една неверојатна авантура со мојата љубов“, напиша тој во објавата.
Актерката е 12 години помлада од Момоа, а за актерот ова не е прва голема разлика во години. Имено, неговата поранешна сопруга Лиза Бонет е 12 години постара од него. Момоа и Бонет имаат две деца, а се разведоа во јануари 2024 година. Поранешните сопружници имаат заедничко физичко и правно старателство над 16-годишната ќерка Лола и 15-годишниот син Накоа-Волф.
Арjона има и еден пропаднат брак зад себе. Во 2019 година актерката се омажи за својот партнер, со кого беше во долга врска, адвокатот Едгардо Каналес, но не е познато кога парот раскина.