Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси

Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Вештачката интелигенција како нов љубовен советник? Младата генерација и миленијалците поделени

Истражување покажа дека генерацијата „З“ (од 18 до 26 години) најмногу користи вештачка интелигенција во својот љубовен живот – 15 отсто од анкетираните користат вештачка интелигенција за планирање состаноци, а 12 отсто бараат совет за врска.
Малку помалку отворени за ова се миленијалците (од 29 до 44 години) – девет проценти од нив користат вештачка интелигенција за планирање состаноци, а 11 проценти за љубовни совети.
Сепак, повеќето млади луѓе сè уште не дозволуваат вештачката интелигенција да ја преземе улогата на Купидон. Дури 72 отсто од членовите на генерацијата „З“ и 76 отсто од миленијалците никогаш не користеле вештачка интелигенција за романтични цели. Главните причини, како што наведоа, се сомневањата за автентичноста и вистинската поврзаност.
Експертот за врски, Али Булок, која работи за апликацијата „Перд“, објаснува зошто младите се претпазливи:
„Апликациите за состаноци се исцрпувачки, а по пандемијата, луѓето се повеќе бараат личен контакт. ВИ делува како уште една алатка која ги оддалечува односите од вистинската човечка врска, а многумина се скептични во врска со тоа“.
Испитаниците откриле и какви проблеми имаат во односите кога е технологијата во прашање. Најчестиот проблем за генерацијата „З“ и миленијалците е користењето на нивните телефони во времето поминато со партнерот – 57 проценти од младите и 68 проценти од миленијалците го наведуваат ова како одвлекување на вниманието. Следува играње игри и одговарање на деловни пораки надвор од работното време.
Иако вештачката интелигенција сè уште не е широко прифатена во романтичните врски, интересот расте. Речиси една петтина од миленијалците (19 проценти) велат дека во иднина би размислувале да користат вештачка интелигенција за советување, партнерска терапија или вежби за парови.
Булок предупредува: „Преголемото потпирање на вештачката интелигенција може да доведе до намалена емоционална интелигенција и полошо решавање на конфликти во односите“.
„Треба да го подобриме начинот на кој се поврзуваме“ „Предизвиците во врската отсекогаш се решавале со помош на книги, пријатели или терапевти – вештачката интелигенција е само уште една алатка“, додава Булок.
„Тоа нема да ја замени реалната врска, но може да им помогне на паровите подобро да се движат во модерните врски“.
„Наместо да се плашиме од новата технологија, треба да се фокусираме на тоа како таа може да го подобри начинот на поврзување. Тој воз веќе се движи, сакале ние или не“, заклучи таа.
Забава
Ова е најубавото женско име во светот: звучи убаво на сите јазици

Корените на ова женско име датираат од античка Грција и значи мудрост.
Дали некогаш сте почувствувале нешто топло, удобно и речиси магично кога сте слушнале одредено име? Зошто некои имиња звучат како мелодија, а други изгледаат строги и остри?
Според една студија на Универзитетот во Бирмингем, едно име се истакнува по својата хармонија, историја и значење и ја носи титулата најубаво име во светот. Тоа е името Софија. Кога ќе го кажете, звучи како мелодија – нежна и моќна во исто време. Неговата убавина лежи во совршената рамнотежа на звукот и значењето, а она што го прави посебно е фактот дека звучи пријатно на речиси секој јазик.
Името Софија не е само старо – тоа е безвременско. Неговите корени датираат од античка Грција, каде што тоа значи мудрост. Во текот на вековите се проширило во целиот свет, се приспособило на разни култури, но отсекогаш ја задржало својата суштина. Значењето на името му дава дополнителна сила – тоа не е само звучно убаво име, туку и симбол на интелигенција, смиреност и внатрешна светлина.
Луѓето со ова име често зрачат мир, топлина и самодоверба. Софија не е гласна или наметлива, но нејзиното присуство се чувствува. Таа секогаш знае како да ги најде вистинските зборови, да биде рамо за плачење и да ги инспирира луѓето околу неа.
Таа е искрена и лојална во пријателствата, а во тешки моменти дава сила и надеж. Нејзиното присуство носи чувство на сигурност – како таа секогаш да знае како да ја пронајде светлината, дури и во најтемните ситуации.
Забава
Рене Зелвегер ѝ се придружува на Селена Гомез во хит-серијата на „Хулу“

Рене Зелвегер се приклучи на актерската екипа на хит-серијата на „Хулу“, Only Murders in the Building („Само убиства во зградата“). Веста беше потврдена на официјалните профили на серијата на „Инстаграм“ и на „Икс“.
„Добредојдовте во зградата, Рене Зелвегер!“, напишаа во објавата.
Тие вклучија и фотографија од актерското столче на сетот со нејзиното име. Нивната објава за само еден ден собра речиси 60 илјади допаѓања, а луѓето во коментарите напишаа дека се воодушевени.
View this post on Instagram
„Со секоја нова сезона станувате сѐ поиконични“, „Само икони во зградата“, „Престанете, оваа серија постојано се подобрува“, „Ја сакам Рене“, „Бриџит Џонс во зградата?“, „Веќе ја сакам оваа серија, а сега оваа легенда ќе глуми во неа? Едвај чекам“, „Кој ја донесе оваа одлука заслужува покачување“, напишаа тие.
Во моментот не се познати деталите за заплетот на петтата сезона, како и точно каква улога ќе има Зелвегер. Актерката се приклучува на листата што ги вклучува Селена Гомез, Мартин Шорт, Стив Мартин, Мерил Стрип, Кристоф Валц, Теа Леони и Киган-Мајкл Ки.