Забава
Скараните браќа од Oasis ќе имаат посебни гардероби за време на нивната заедничка турнеја

Членовите на Oasis, Ноел и Лиам Галагер, наводно ќе бидат разделени кога не се на сцената за време на нивната долгоочекувана турнеја во 2025 година, што значи дека ќе имаат посебни гардероби и ќе патуваат одделно, што не е невообичаено со оглед на нивните долгогодишни несогласувања и конфликти.
Лошиот однос меѓу раскараните браќа го достигна својот врв во 2009 година, откако Ноел (57) го напушти култниот бритпоп бенд по конфликтот зад сцената на концертот во Париз, а тој и Лиам (52) оттогаш се скарани, пишува Дејли Маил.
Но, иако успеаја да ги остават своите несогласувања настрана за да се вратат на сцената, браќата ќе имаат посебни соблекувални и превоз за турнејата во 2025 година за да избегнат потенцијален конфликт и последичен „ПР и финансиски кошмар“, објаснуваат нивните агенти.
„Тие ќе работат заедно за промотивниот дел од турнејата и на настапот, а освен тоа најчесто ќе бидат разделени. Секако дека ќе одржат заеднички проби, но атмосферата секако ќе биде наелектризирана“, изјави извор за Мирор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Метју Меконахи откри зошто престанал да снима романтични комедии

Американскиот актер Метју Меконахи (55) откри зошто по долго време престанал да снима романтични комедии, и покрај големиот успех во жанрот.
Во интервју за „Гардијан“, Меконахи признава дека иако филмовите како „Планер на венчавки“, „Како да изгубиш дечко за 10 дена“ и „Духовите на поранешните девојки“ му донеле популарност, не се чувствувал исполнето.
„Бев добар во нешто што не го сакав“, вели тој.
По последната романтична комедија во 2009 година, решил да направи пауза и да чека посериозни улоги. Поддржан од сопругата Камила Алвес, одбивал понуди, иако, како што вели, неговите браќа постојано го прашувале „што не е во ред со него“.
По речиси две години чекање, Меконахи доживеа препород на кариерата – улоги во Вистински детектив, Интерстелар и Клуб на купувачи во Далас (за кој ја доби и Оскаровската статуетка) го вратија на мапата на сериозна драма. Тоа новоразвиено поглавје во неговата кариера критичарите го нарекоа McConaissance.
„Сакав работата да ми биде важна исто како и животот. Тоа ми требаше,“ вели актерот, кој додава дека одлуката да се повлече од романтичните комедии била ризична, но клучна за да ја пронајде новата страст во глумата.
Иако никогаш целосно не ги напуштил шармантните улоги, Меконахи денес вели: „Сега навистина се забавувам.“
Забава
(Фото) Кралицата на деколтеата го носи хит костимот за капење за крајот на летото

Сè попопуларната млада актерка Сидни Свини неодамна го прослави својот 28. роденден, а сега на социјалните мрежи покажа како изгледало сето тоа.
Сидни, која често е цел на коментари за нејзините прекрасни облини, направи кратко патување со своите пријатели за да го прослави еден од најважните денови во годината.
Секако, кога станува збор за неа и нејзините фотографии од костими за капење, јасно е дека следуваат низа позитивни коментари на социјалните мрежи. Таа позира во виралниот TA3 Hi Cut Sleeveless Surfy едноделен костим за капење, кој совршено ги истакнува нејзините облини.
View this post on Instagram
Овој модел чини помалку од 200 долари и стана омилен најмногу поради кројот како корсет и затоа што има патент што ви овозможува да го приспособите деколтето на градите.
Сидни позира во неколку други модели, имаше бел едноделен, но и златен бикини, а не се знае кое ѝ стоеше подобро.
„Мало патување на Марс“, напиша таа на шега во описот на објавата.
фото: принтскрин
Забава
(Фото) Најпознатата лото-девојка од поранешна Југославија поттикна озборувања дека е во врска со Стивен Сигал

Најпознатата лото-девојка од поранешна Југославија, Сузана Манчиќ, објави фотографија на „Инстаграм“, на која позира со холивудскиот актер Стивен Сигал поттикнувајќи озборувања за можна врска.
„Добра вечер, може ли да се фотографирам со вас? Ви благодарам многу“, напиша таа покрај фотографијата, обожавателите прашаа во коментарите дали е на повидок нова љубов, а некои ја искористија можноста да се пошегуваат.
View this post on Instagram
„Нова љубов“, „Добар пар“, „Прекрасна“, „Честитки, Сузи, толку сум љубоморна“, „Поприродно е тој да побара да се фотографира“ и „Стивен е толку згоден“, се некои од коментарите под објавата.
Стивен Сигал присуствуваше на воената парада „Моќта на единството 2025“ во Белград во саботата. Актерот, најпознат по своите улоги во акциони филмови во 80-тите и 90-тите, стана редовен гостин во Србија.
Сигал доби српско државјанство во 2016 година. Тој е близок со претседателот Вучиќ и со српската влада, а за време на посетите на Белград често го изразува своето восхитување од српската култура и традиција.
фото: принтскрин