Забава
Славниот натпис „Hollywood“ стана „Hollyweed“

Жителите на најпознатиот кварт на Лос Анџелес се разбудија на новогодишното утро откривајќи дека славниот знак „Hollywood“ некој го променил во „Hollyweed“.
Од полицијата за телевизиската мрежа ABC изјавиле дека камерите за видео надзор регистрирале во новогодишната ноќ како непознато лице влегува во оградениот простор на ридот Маунт Ли, каде е што се наоѓа светски прославената атракција. Потоа тој користел црна ткаенина или боја и изменил неколку од 13,7-метарскит букви, претворајќи го натписот „Hollywood“ во „Hollyweed“, што може да се преведе како „света марихуана“ (англиски wеed).
Според локалните медиуми станува збор за очигледна алузија на марихуана, откако избирачите во американската сојузна држава Калифорнија на 8-ми ноември, заедно со претседателските избори, гласаа на референдум за легализација на марихуаната во рекреативни цели. Сличен инцидент се случил и во 1976 година, кога се ублажени калифорниските закони за употребата на марихуаната.
Весникот The Los Angeles Times потсетува дека ова не е првиот инцидент со славниот натпис откако тој е поставен во 1923 години, и неколку пати бил цел на вандали.
Од полицијата потврдиле дека станува збор за чин кој се води како прекршок. Отворена е истрага и се трага по сторителот. Тој може да се соочи со обвинување за нарушување на заштитено подрачје и оштетување на јавна сопственост./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Андријана Јаневска ја изведе „Ако утре ме нема“ од ДНК: Еден од најтешките настапи во мојата кариера…

„Еден од најтешките настапи во мојата кариера… ‘Ако утре ме нема’ од ДНК ја изведов во придружба на Битолскиот камерен оркестар и Благојче Трајковски на кларинет“, напиша пејачката Андријана Јаневска на социјалните мрежи и објави снимка од настапот.
Забава
(Видео) Ед Ширан настапи на улица и ги воодушеви минувачите

Британскиот пејач и текстописец Ед Ширан ги воодушеви обожавателите, минувачите и патниците со уличен настап во Лондон.
Ширан (34) свиреше на акустична гитара пред железничката станица Кингс Крос во петокот, облечен во впечатлива розова маица. Тој ја изведе новата песна „Азизам“, како и хитовите Perfect, Bad Habits и Shivers.
View this post on Instagram
Пејачот, познат по хитовите Shape of You и Thinking Out Loud, по настапот напиша објава на „Инстаграм“, во која атмосферата ја опиша како неверојатна.
Една случајна минувачка, која чекала меѓу возовите, изјави дека имала неверојатна среќа што била сведок на таква ѕвездена изведба.
Забава
Принцот Хари не сака Меган да објавува фотографии од децата?

Принцот Хари наводно не е премногу среќен што неговата сопруга Меган Маркл ги користи децата за да го промовира својот нов бренд As Ever.
Кралскиот уредник на британски „Сан“, Мет Вилкинсон, тврди дека војводата и војвотката од Сасекс не се синхронизирани кога станува збор за објавување фотографии од нивните деца, принцот Арчи (5) и принцезата Лилибет (3) ,на социјалните мрежи.
„Колку што сум запознаен, Хари би сакал неговите деца да останат надвор од очите на јавноста до одредена возраст“, рече Вилкинсон во петокот во A Right Royal Podcast.
View this post on Instagram
Од друга страна, Вилкинсон тврди дека Меган има поинаков став: „Таа порасна во Калифорнија и претходно веќе кажа дека сака да има калифорниски начин на живеење – да ги однесе на плажа, да излезат, да бидат активни“. „Таа не сака да ги крие“, рече новинарот иако забележа дека Маркл сè уште не ги покажува јасно лицата на своите деца, туку ги користи за да го претстави својот имиџ како мајка и домаќинка. „Хари, веројатно, не е премногу среќен поради тоа“, додаде Вилкинсон.