Забава
Соло патувањето на принцот Хари го оптоварува бракот среде шпекулациите за развод, вели експерт

Претстојното соло патување во Африка на принцот Хари може или да го оптовари неговиот петгодишен брак со Меган Маркл или да ги открие силните страни, тврди експерт за односи.
Хари се подготвува да отпатува сам во Африка за да сними документарен филм за „Нетфликс“. Објавено е дека Хари „сака да се пронајде“ на патувањето – без сопругата и мајка на неговите деца.
По пишувањата на медиумите дека нивниот договор со „Нетфликс“ може да виси на конец, Хари наводно сака да сними документарен филм. Докементарецот ќе биде за Африка, дознава „Мирор ју-ес“ додвајќи дека принцот ќе тргне по стапките на својата мајка, принцезата Дијана.
Но, сега кога Хари наводно се подготвува да полета со авион во Африка од Монтесито, Калифорнија, експерт проценува како неизбежноста војводата и војвотката да бидат физички разделени кога тој работи на проектот може да влијае на нивниот меѓусебен однос.
И додека парот се соочува со шпекулации за развод и раздор, професионалната терапевтка и експерт за односи, Сали Бејкер од Working On The Body, рече дека тоа може или да го оптовари нивниот брак или да ги открие скриените сили.
Говорејќи ексклузивно за The Mirror US, Сали рече: „Природно е дека големите животни настани и надворешните околности може длабоко да влијаат на бракот, на добро или на лошо. Соло патувањето, како принцот Хари во Африка, може потенцијално да ја оптовари врската, особено во период кога кружат шпекулации за развод“.
Таа додаде: „Меѓутоа, тешкотиите може да откријат и скриени силни страни и, на крајот, да ги зближат паровите. Со напор и посветеност, времето поминато раздвоени може да обезбеди перспектива и уважување“.
Сали потоа заклучи: „Се надевам дека имаат добро обмислен план за повторно поврзување и дека се во состојба да комуницираат и покрај сите предизвици што ќе се појават. Односите се сложени и важно е да реагираме со сочувствување“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.