Забава
Сопругата на Крис Нот е многу вознемирена по наводите за сексуален напад
Крис Нот може да го помине Божик одвоено од својата сопруга Тара Вилсон, која наводно е многу вознемирена од неодамнешните обвинувања за сексуален напад против нејзиниот сопруг. Актерката и деловна жена има две деца со ѕвездата на „Сексот и градот“, познат како мистер Биг.
Американски „Сан“ потсетува дека Нот веднаш ги негира обвинувањата.
Весникот цитира извор близок до парот, според кој 39-годишната Тара не се чувствува добро откога три жени го обвинија нејзиниот сопруг за сексуална злоупотреба. Една од трите жени што ги изнесоа ваквите наводи откри дека Крис ѝ рекол оти моногамијата е измама, дури и во бракот.
Но, пријател на парот застана во негова одбрана.
„Можеби не е моногамен, дознавме дека неговата сопруга не знаела. Таа е во Лос Анџелес и е многу вознемирена. Не ѝ е добро. Планираа да го поминат Божик заедно, но сега не се знае“, изјави пријател на Крис и Тара.
„Секоја приказна има две страни и луѓето треба да го знаат тоа пред да судат. Крис што го познавам не е Крис што го опишуваат овие жени. Сите негови пријатели се со него. Можеби сака да флертува, но не е лигавец. Не е Вајнштајн. Му верувам и знам дека не е таков како што е прикажан во наводите“, додава пријателот.
Истиот извор откри дека Нот (67) не ни помислил дека вакви обвинувања може да бидат јавно изнесени.
„Тој е целосно збунет и згрозен од овие обвинувања. Многу е збунет зашто се појавуваат токму сега кога почна новата сезона на ‘Сексот и градот’“.
Тара и Крис се запознале во 2001 година кога таа работела на шанк во клубот The Cutting Room. Тие се во брак од 2012 година и заедно имаат два сина, 13-годишниот Орион и 18-месечниот Китс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кузмановиќ, по победата, истрча до својата девојка и страсно ја бакна
По блескавата игра и победата над Франција, хрватскиот голман Доминик Кузмановиќ притрча до својата девојка и страсно ја бакна.
Двојката не можеше да ги сокрие емоциите откако Хрватска се пласираше во финалето на Светското првенство во ракомет.
И на претходните мечеви девојката од трибините му даваше поддршка на Кузмановиќ.
А тој по пласманот во четвртфиналето на Светското првенство истрча до својата девојка која беше на трибините.
И победата над Словенија ја прослави со бакнеж. Истото го направи откако ги победија Унгарците. Убавата бринета која го заведе Доминик по професија е економист, а Доминик нема фотографии со неа на својот Инстаграм профил, па не се знае многу за неа, пренесуваат хрватските медиуми.
Забава
Ричард Гир неодамна се пресели во Шпанија, сега таму ќе добие филмска награда
На американскиот актер Ричард Гир, кој неодамна се пресели во Шпанија, ќе му биде врачена меѓународната награда на најважната церемонија на доделување филмски награди во земјата, „Гоја“, следниот месец, објави Шпанската филмска академија.
Актерот ќе ја добие меѓународната награда на церемонијата во Гренада, што ќе се емитува на националната телевизија на 8 февруари, се вели во соопштението.
Академијата го пофали Гир за неговиот „извонреден придонес во кинематската уметност глумејќи во некои од најлегендарните филмови во историјата на кинематографијата“.
Таа исто така ја пофали „општествената посветеност што ја покажал и лично и професионално“ за разни цели, како што е помошта на бегалците и бездомниците. Академијата го истакна „интензивниот активизам на Гир во име на тибетската автономија и зачувувањето на тибетската култура“.
Ричард Гир (75) и неговата сопруга Алехандра Силва (41) минатата година се преселија во Мадрид со двата сина.
„Посреќни сме од кога било“, изјави актерот во интервју за шпанското издание на магазинот „Ел“ на прашањето за нивниот нов живот во Шпанија.
Забава
(Видео) Позната актерка: Сите ги коментираа моите гради кога имав 16 години
Актерката Џенифер Лав Хјуит гостуваше во поткаст во кој присети на времето кога била сексуализирана во медиумите како тинејџерка.
„Кога имав 16 години, возрасните зборуваа за моите гради на ток-шоуа и луѓето ми се смееја. Тоа беше целосно прифатена култура, но кога ќе седнете и ќе погледнете каде сме сега во споредба со местото каде што бевме тогаш, навистина е зачудувачки“, опиша Џенифер.
„Гледајќи наназад, мислам дека беше навистина чудно да се стане секс симбол пред да знам што значи тоа. Не знаев што значи да се биде секси“, истакна таа. Рекла и дека добила непријатни коментари за појавувањето на насловната страница на магазинот „Максим“ на 17 години, истакнувајќи дека тоа и било „малку одвратно“.
Оваа 45-годишна актерка е најпозната по улогите во серијалот филмови I Know What You Did Last Summer. Откако се појави во нив, таа вели дека добивала шеги како „Знам што правеа твоите гради минатото лето“.