Забава
„Спушти се доле“ – концерт на Слаткаристика и Тони Зен на 5 април во Скопје
Скопје се буди! Урбаната сцена повторно ќе пулсира со енергијата на двајца од највлијателните артисти на македонскиот хип-хоп, Тони Зен и Слаткаристика. Два гласа, две приказни, две икони – повторно заедно на иста сцена и заеднички концерт на 5 април во арена „Борис Трајковски“ за спектаклот „Спушти се доле“.
Тони Зен и Слаткаристика беа имињата кои го држеа македонскиот хип-хоп на пиедесталот, создавајќи култни хитови што го дефинираа идентитетот на една цела генерација. Тие беа гласот на генерацијата што живееше и дишеше урбано – стиховите од нивните песни беа наши мисли, нивниот ритам беше нашиот живот. По години на индивидуални успеси, креативни експерименти и личен раст, Тони Зен и Слаткаристика решија да се вратат таму каде што сè започна – заедно на сцена. Но овој пат, не само за да го оживеат минатото, туку за да создадат нешто сосема ново. „Спушти се доле“ е повеќе од обичен концерт, не е само музички настан, туку вистинска урбана револуција – гласен повик за враќање на времето кога зборовите беа оружје, а римите резонираа како животни лекции.
На 5 април очекувајте вечер исполнета со беспрекорна енергија, хип-хоп химни и изненадувања што ќе ги спојат старите со новите генерации. Ова е моментот кога сите урбани приказни, сите скопски легенди и сите „раперски“ мечти ќе се соберат на едно место. За фановите кои растеа со нив, ова е патување назад во времето, а за новата публика – шанса да го почувствува она што некогаш беше „златната ера“ на македонскиот хип-хоп.
По повеќе од 18 години од револуцијата што ја започнаа на македонската хип-хоп сцена, Тони Зен и Слаткаристика се подготвени повторно да ја запалат публиката. Но, овој пат, сцената нема да биде само нивна – на оваа историска вечер ќе им се придружат и бројни специјални гости, создавајќи вистински музички спектакл.
Тие не доаѓаат само да ја слават својата историја, туку да покажат дека и денес ја имаат истата енергија, страст и креативност што ги издигна на врвот. Ова е нивниот повик до сите што некогаш го слушале нивниот звук да се соберат и заедно да создадат нови спомени.
Скопје, време е да се спуштиш доле. Ова не е само концерт – ова е културен феномен што никако не треба да го пропуштите, истакнува организаторот.
Картите се веќе пуштени во продажба, а истите може да ги најдете преку продажната мрежа на www.kupikarta.com, Розе Веро 2 и ЈК травел во Бисер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кечап, мајонез или тартар: Кој сос е најмалку здрав?
Сосовите како кечап, мајонез и тартар често се неопходен додаток на многу јадења. Иако сите тие се вкусни и популарни, важно е да се земе предвид нивниот нутритивен состав и можното влијание врз здравјето.
Кечап
Иако доматите имаат многу здравствени предности, како што се витамин Ц и ликопен, кечапот што најчесто се продава во продавниците содржи големи количини на шеќер и сол.
Кечапот може да содржи до 20 до 30 проценти шеќер на 100 грама производ. Прекумерното внесување на шеќер е поврзано со зголемен ризик од дијабетес, дебелина, зголемување на лошиот холестерол и срцеви заболувања. Покрај тоа, високата содржина на сол може да го зголеми ризикот од висок крвен притисок.
Мајонез
Мајонезот е сос базиран на јајца, масло, оцет и сенф. Богат е со незаситени масти, но исто така е многу калоричен, поради што многу луѓе се внимателни за количината што ја консумираат. Мајонезот често содржи големи количини на рафинирани растителни масла, кои можат да содржат транс масти – видови на масти кои се поврзани со зголемен ризик од срцеви заболувања.
Овој популарен сос е многу калоричен со 600 до 700 калории на 100 грама, а неговата висока содржина на масти може да придонесе за зголемување на тежината и лошо кардиоваскуларно здравје. Иако незаситените масти можат да бидат корисни, рафинираните масла во комерцијалниот мајонез често содржат транс масти, кои негативно влијаат на здравјето, зголемувајќи го ризикот од срцеви и крвни заболувања.
Ако сакате мајонез, побарајте помалку калорични варијанти кои содржат здрави масла како маслиново масло. Исто така, можете да подготвите домашен мајонез со помалку масло и јајца, што ќе го намали бројот на калории и ќе ја подобри хранливата вредност.
Тартар сос
Тартар сосот обично се подготвува од мајонез, сенф, кисели краставички и зачини. Иако вкусот на тартарот е сличен на мајонезот, обично содржи помалку шеќер, но е побогат со масти и калории. Со оглед на тоа што се базира на мајонез, тартар сосот исто така ги носи сите предности и недостатоци поврзани со квалитетот на маслото и присуството на транс масти.
Овој сос често е богат со масти, особено заситени масти, и може да придонесе за проблеми со висок холестерол и зголемен ризик од срцеви заболувања. Не е толку богат со шеќер како кечапот, но е богат со калории и може негативно да влијае на дебелината ако се консумира во големи количини.
Кој сос е најмалку здрав?
Од трите сосови – кечап, мајонез и тартар, најнездрав сос е кечапот поради високата содржина на шеќер и сол.
Иако вкусен, кечапот е најнездрав поради високата содржина на шеќер и сол, што може да има негативно влијание врз здравјето ако се консумира во големи количини.
Треба да се земе предвид дека ова не значи дека мајонезот и тартарот се нужно здрави сосови, но тие се подобар избор од кечапот. Секој од овие сосови може да се јаде во умерени количини. Ако внимаваме за количината која ја консумираме, ниту еден од овие сосови не треба да предизвика здравствени проблеми.
Забава
(Видео) Адвокатите на Диди: На забавите сите се согласуваа на се
Адвокатскиот тим за Шон Комбс, попознат како Диди, тврди дека сите негови озлогласени сексуални забави се одвивале со заедничка согласност на сите инволвирани, а некои истакнати адвокати веруваат дека стратегијата може да има тежина на суд.
Во новиот клип од документарниот филм на ТМЗ, The Downfall of Diddy: His Defense, неколку адвокати ја коментираа правната тактика на неговата одбрана. Меѓу нив е Џо Такопина кој го поддржува тимот на Диди.
„Главната правна битка овде ќе биде прашањето за согласност“, вели Такопина на снимката. „Искрено, звучи како луѓето во тоа време да се согласиле на се. Не е трговија со луѓе ако сите сакаат да бидат таму. Кога помислувате на трговија со луѓе, замислувате луѓе кои се продаваат за секс… А тоа нема да го најдете овде“.
Такопина исто така истакна дека, според информациите што ги има, одбраната на Диди има бројни писмени комуникации кои, како што тврди, ја докажуваат согласноста на сите инволвирани и негираат каква било принуда.
„Ќе биде тешко да се каже некому: ‘Да, го напишав тоа, но едноставно се исплашив и реков дека ми е мило што доаѓам… но не ми беше баш мило’. Ова не е случај кој е толку цврсто одреден како што мислат многу луѓе“, заклучи тој.
Како што се наближува датумот на судење – 5 мај 2025 година – Диди се соочува со уште повеќе обвиненија. Последната тужба доаѓа од неименуван маж, кој тврди дека Шон Комбс сексуално го нападнал на снимањето на реклама во 2022 или 2023 година.
Диди моментално е во притвор, каде ќе остане до почетокот на неговото судење во мај.
Забава
Блејк Лајвли има нов филм: повторно кружат гласини за драма на снимањето
Блејк Лајвли сними нов филм – „Уште една едноставна услуга“. Тоа е продолжение на филмот „Едноставна услуга“ од 2018 година, повторно во режија на Пол Феиг.
Филмот беше премиерно прикажан на фестивалот South by Southwest на 7 март 2025 година и ќе пристигне на Amazon Prime Video на 1 мај 2025 година. Ана Кендрик се враќа како Стефани Смотерс и Блејк Лајвли како Емили Нелсон.
Заплетот ја следи Стефани, сега успешна блогерка и повремен приватен истражувач, која добива изненадувачки повик од Емили, нејзина поранешна пријателка позната по нејзиното манипулативно однесување.
Емили планира раскошна венчавка со италијанскиот бизнисмен (Микеле Мороне) на островот Капри, но настаните добиваат лош тек кога за време на прославата се случува убиство. Уште еднаш, Стефани се наоѓа себеси заплеткана во мрежа од тајни и измами додека се обидува да ја открие вистината зад злосторството.
Критичарите го пофалија хуморот, стилскиот пристап и харизматичните главни актерки, иако некои истакнаа дека филмот трае подолго отколку што е потребно и содржи неверојатни пресврти на заплетот. „Гардијан“ го опишува филмот како „исклучително глупаво продолжение што дава уште поапсурдни пресврти“, истакнувајќи ги харизматичните актерки.
„Ако вашиот омилен дел од „Едноставна услуга“ беше улогата на Блејк Лајвли како злобна девојка, ќе го цените овој божествено извртен трилер“, пишува Кристи Пучко за Mashable.
„Сосема е во ред. Тоа е тип на филм што треба да се емитува и да добие куп прегледи веднаш по објавувањето, а потоа да исчезне од алгоритмот“, изјави Шон Боелман за FandomWire.
Blake Lively and Anna Kendrick before they walk the red varpet at the sxsw Another Simple Favor premiere. I just reported on Blake being terrified to walk the carpet as Anna is pissed and never wants to work with her again 😂 pic.twitter.com/zbxSIWy3bB
— Melanie King (@realmelanieking) March 7, 2025
„Филмот опстојува благодарение на прекрасниот амбиент на Капри, раскошните костими и совршените шеги на главните актерки. Некои заплети е подобро да се заборават, но должината на филмот не може да го расипе задоволството од повторното гледање на непријателите во акција”, пишува Адријан Хортон за „Гардијан“.
По драмата со Џастин Балдони која ја следеше цел свет, Блејк Лајвли повторно се најде во центарот на гласините дека е во конфликт со нејзината колешка од „Уште една едноставна услуга“. Официјалната премиера на филмот се случи на почетокот на месец март, по што почнаа да кружат гласини за лошите односи на актерките.
Јутјуберката Мелани Кинг напиша на Икс дека верува дека „Блејк била преплашена да се појави на црвениот тепих бидејќи Ана е лута и не сака повеќе да работи со неа“.
Додека Кендрик даваше автограми и правеше селфи со обожавателите, новинарите ја прашаа за Лајвли за време на филмскиот фестивал South by Southwest. „Како е повторно да работиш со Блејк Лајвли?“, прашал новинар од Entertainment Tonight.
Сепак, Кендрик немаше многу да каже за тоа. „Па, знаеш“, рече таа кратко. Поради овој одговор, многумина помислија дека главните актерки не се во добри односи.
„Таа кажа сè со таа реченица“, „Кажа премногу, а всушност не кажа ништо“, „На Ана не и е грижа за драмата“, „Да, Ана, знаеме како е“, „На Ана и беше доста“, „Кутрата, мораше да ја трпи Блејк заради продолжението“, „Таа всушност мислеше: Мразам да работам со неа“, се дел од коментарите од фановите.
Кога Лајвли ја прашале како е повторно да работиш со Кендрик, таа одговорила: „Најдобро. Многу сум среќна“.
Поради гласините дека постои расправија меѓу актерите на „Едноставна услуга“, извор запознаен со ситуацијата ги отфрли сите шпекулации.
„Нема драма“, изјави извор за „Е! Вести“.
„Тие не се непријатели. Тие се колеги, пријатели и добро се сложуваат“, додава изворот. Се огласи и режисерот Пол Феиг, кој рече дека сите што велат дека Блејк и Ана се караат грешат.
„Кој му ги дал службените тајни на обезбедувачот на Мицкоски“, прашува СДСМ
„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се...
Нема знаци на живот под урнатиот облакодер во Бангкок: „Ќе копаме уште“
Гувернерот на Бангкок Чадчарт Ситипунт изјави дека не се откриени знаци на живот во урнатините на облакодер во главниот град...
Првото патување на Трамп ќе биде во Саудиска Арабија
Американскиот претседател Доналд Трамп вчера изјави дека планира да ја посети Саудиска Арабија уште во мај за да потпише инвестициски...
(Видео) Кина одржува воени вежби околу Тајван, објави анимација: „Паразитот го труе островот“
Кина го распореди својот носач на авиони Шандонг и други бродови околу Тајван, објави денеска тајванското Министерство за одбрана, додека...
(Видео) Додик се огласи по неколкудневен молк: Пристигнав во Москва
Лидерот на босанските Срби, Милорад Додик, по кој трагаат правосудните органи и полициските агенции во Босна и Херцеговина, вчера вечер...
ФФМ најави дисциплинска постапка за натреварот во Тетово: За вакви нелуѓе нема место во фудбалот
Фудбалската федерација на Македонија најави санкции за фудбалскиот клуб Шкендија, чии навивачи денеска предизвикаа скандал со недоличното однесување пред почетокот...
(Видео) Навивачи на Шкендија наместо молк за жртвите од Кочани, пееја и исвиркуваа
Натпреварот меѓу Шкендија и АП Брера од Струмица го одбележа недолична сцена на почетокот на мечот кога домашните навивачи решија...
Шест пациенти денеска се враќаат од странство, пет од Србија и еден од Италија
Шест пациенти денеска се враќаат од странство, пет од Србија (тројца од КБЦ Ниш и двајца од ВМА Белград) и...
Марин Ле Пен прогласена за виновна за проневера на средства од ЕУ фондови
Францускиот суд донесе пресуда против лидерката на екстремната десница Марин Ле Пен и нејзината партија Национален собир (РН), прогласувајќи ја...
Одземени 250 килограми грицки и оризови барови со поминат рок, казнет нелегалниот продавач
По добиено известување од полициски службеници дека при рутинска контрола на патничко моторно возило откриле значително количество кондиторски производи со...
ВМРО-ДПМНЕ: Триото Трендафилов, Деановски и Пешевски, заедно имаат месечни примања околу 5.000 евра
Триото Трендафилов, Деановски и Пешевски, заедно имаат месечни примања околу 5.000 евра, или над 3 милиони денари годишно, немаат претстава...
Неколку згради во Бангкок се евакуирани како мерка на претпазливост поради последиците од земјотресот
Неколку згради во Бангкок се евакуирани поради извештаи за вибрации и пукнатини кои се појавиле во зградите, објави Бангкок пост....
Охрид СОС алармира за изградба на хотел во Горица
Во извештајот на Реактивната мониторинг мисија (РММ) на УНЕСКО која престојуваше во Охрид минатиот март стои: „Додека мисијата се приближуваше...
Трамп: Зеленски сака да се повлече од договорот за минерали, ќе има проблеми ако го направи тоа
Американскиот претседател Доналд Трамп изјави дека украинскиот претседател Володимир Зеленски сака да се повлече од договорот за минерали, пренесоа американските...
Жена спасена по 60 часа под урнатините, најмалку 1.700 загинати во земјотресот во Мјанмар
Три дена по силниот земјотрес што го погоди Мјанмар, властите проценуваат дека загинале најмалку 1.700 луѓе. Спасувачките тимови се обидуваат...
Христијан Стојанов е уште едно младо момче што влезе во „Пулс“ за да спасува луѓе: „Обезбедувањето ни помогна многу“
Осумнаесетгодишниот Христијан Стојанов е уште еден херој од трагедијата во дискотеката „Пулс“ во Кочани, кој не размислувајќи за сопствениот живот...
Подобрена е состојбата кај двајца пациенти кои се лекуваат во Солун, од интензивна нега преместени се на пластика
Министерството за здравство информира дека нема промени во бројот на хоспитализирани пациенти од вчера, во Скопје вкупно се лекуваат 16...
Oсмани и Адеми во посета на семејството на Бектеши за Бајрам: „Неправедно е обвинет, ја имате нашата поддршка“
Поранешниот министер за здравство Бујар Османи и портпаролот на ДУИ, Арбер Адеми, за Рамазан Бајрам го посетија семејството на ексминистерот...
„Не пројдоа ни 40 дена од трагедијата“ – Мицкоски смета дека е рано да се размислува за градоначалник на Кочани
Премиерот Христијан Мицкоски смета дека рано е да се размислува за заеднички кандидат за градоначалник на Кочани, по информациите дека...
Планинарката Ивона која загина во пожарот е ќерка на единствената пожарникарка во Кочани, колегите тагуваат
Дваесет и едногодишната Ивона Антова – планинарка која загина во дискотеката „Пулс“ во Кочани, е ќерка на единствената жена пожарникар...
