Забава
Тага во Луксембург: Почина 22-годишниот принц Фредерик од Насау

Принцот Фредерик од Насау, млад член на кралското семејство на Луксембург, почина на 22-годишна возраст, по долга и тешка битка со ретко генетско нарушување, познато како синдром на осиромашување на митохондријалната ДНК. Оваа болест постепено ја нарушува клеточната енергија и може да доведе до дисфункција и откажување на органите.
Тажната вест за неговата смрт ја соопшти неговиот татко, принцот Роберт од Луксембург, кој изјави дека и покрај напорите на неговото семејство и лекарите, Фредерик на 1 март ја изгубил битката со болеста. На 28 февруари, во емотивен момент, кога се чувствувал дека животот му е на крај, принцот Фредерик го собрал семејството за да се збогува со нив на Денот на ретките болести.
Овој синдром се јавува како резултат на мутација на генот POLG, што доведува до намалување на бројот на митохондријална ДНК во клетките и ги оставa без потребната енергија, на сличен начин како батерија што никогаш не се полни. Симптомите на болеста се појавиле уште од рана возраст на принцот Фредерик, но биле препознаени дури подоцна.
Таткото на принцот, принцот Роберт, се присетил на почетните знаци на болеста: „Како бебе, тој спиеше додека другите деца играа. Потоа започнаа проблеми со рамнотежата и координацијата, често губеше сила и беше често болен“.
View this post on Instagram
Во писмото што го сподели принцот Роберт, тој го опишал последниот момент на неговиот син: „На 28 февруари, нашиот син нѐ покани во неговата соба за последен пат. Тој ни упати зборови од срце, како што направи со својата мајка, која беше до него во сите овие години. Во последните мигови, тој ни остави стар семеен виц, како и последни зборови полни со љубов и мудрост“.
Еден од најемотивните моменти бил кога принцот Фредерик го поставил прашањето на својот татко: „Тато, дали си горд на мене?“. Принцот Роберт не можел да биде по горд на својот син, чии живот и борба го инспирирале многумина низ светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Есента пристигна, време е да се зајакне имунитетот

Со доаѓањето на есента, деновите стануваат пократки, температурите се намалуваат, а времето сè почесто е променливо. Овие услови носат поголем ризик од настинки и вирусни инфекции, па затоа потребно е навремено да се зајакне имунитетот.
Лекарите потсетуваат дека здравиот имунолошки систем е клучен за справување со сезонските предизвици. Тие советуваат редовна и разновидна исхрана богата со свежо овошје и зеленчук, кои се извор на витамини и антиоксиданси. Особено се препорачуваат намирници богати со витамин Ц, како цитрусното овошје, кивито и пиперките.
Физичката активност, дури и во поладните денови, исто така е од големо значење. Брзото пешачење, лесното трчање или вежбањето дома можат да помогнат во одржување на енергијата и подобрување на општата состојба на организмот.
Стручњаците дополнително советуваат доволно сон и намалување на стресот, бидејќи тие се меѓу најчестите фактори кои го ослабуваат имунитетот.
Есента може да биде убава и пријатна, доколку се грижиме за нашето здравје и превентивно го зајакнеме организмот за студените денови кои следуваат.
-
Вклучете повеќе овошје и зеленчук – јаболка, круши, киви, цитрусно овошје, моркови и тиква. Овие намирници се богати со витамини Ц и А, кои го зајакнуваат организмот.
-
Консумирајте намирници богати со цинк – ореви, семки од тиква, интегрални житарки и мешунки, бидејќи цинкот игра важна улога во одбраната од инфекции.
-
Додајте пробиотска храна – јогурт, кефир и кисела зелка, кои ја поддржуваат здравата цревна флора и го јакнат имунитетот.
-
Не заборавајте на топли супи и чорби, особено оние со зеленчук и домашна пилешка супа, кои се вистинска „вакцина“ од природата во студените денови.
-
Вклучете мед и ѓумбир во секојдневната исхрана, познати по своите антибактериски и антиинфламаторни својства.
Топли чаеви за есенски денови
-
Чај од ѓумбир и лимон – ја подобрува циркулацијата и ја зајакнува одбранбената моќ на телото.
-
Чај од шипка – богат со витамин Ц, помага против замор и настинки.
-
Чај од камилица – го смирува телото, го намалува стресот и помага за подобар сон.
-
Чај од мајчина душица и нане – корисен за дишните патишта и во борба со кашлица.
-
Зелен чај – природен антиоксиданс, кој го зајакнува
Забава
(Фото) Сексапилната актерка повторно воодушеви во проѕирен фустан

Холивудската актерка Дакота Џонсон се појави на Филмскиот фестивал во Цирих и воодушеви со уште еден проѕирен фустан.
Секое појавување на оваа убавица привлекува внимание, а се чини дека наскоро ќе стане синоним за чипкани, проѕирни комбинации, со оглед на тоа што успеа да ги воодушеви сите со уште еден.
Таа прошета во Цирих во син фустан чиј горен дел е направен од чипка и е проѕирен, додека долниот дел е малку поширок, направен од тил и доста волуменозен.
Како и обично, фокусот беше на природната убавина, па Дакота ниту овој пат не претеруваше со вечерната шминка, а косата ја остави да паѓа во бранови.
На својот стајлинг додаде обетки и два импресивни прстени, а сите собрани ги разоружа со насмевка.
Во текот на вечерта, таа беше наградена и со наградата „Златно око“ за животно дело, па нејзината кариера е побогата за ова значајно признание.
фото: принтскрин
Забава
(Видео) Селена Гомез се мажи овој викенд: објави снимка на социјалните мрежи

Актерката, пејачка и претприемачка Селена Гомез наговести дека овој викенд се мажи за музичкиот продуцент Бени Бланко, пишува „Дејли меил“.
Имено, Селена Гомез објави видео од маса полна со производи за шминкање на официјалниот Инстаграм профил на нејзиниот бренд за убавина „Rare“.
Покрај производите за убавина, имаше и мобилен телефон, како и црни очила за сонце и сребрена чанта.
„Јас цел викенд“, кратко напиша пејачката.
Видео материјалот ја разбуди имагинацијата на многу нејзини обожаватели, а тие сега претпоставуваат дека Селена ќе го каже судбоносното „ДА“ во текот на викендот, бидејќи… Исто како и секоја невеста, таа ќе посвети доста време на разубавување и нанесување шминка за големиот ден.
Некои американски медиуми веќе објавија дека актерката ќе се мажи овој викенд.