Забава
ТВ-шоуто на Елен Деџенерис ќе направи промени по истрагата

Елен Деџенерис во четвртокот испрати емотивна порака до персоналот на нејзиното телевизиско ток-шоу велејќи дека презема чекори за подобрување на културата, по обвинувањата за непријателска работна атмосвера.
Имејлот следеше по внатрешната истрага на „Ворнер Брос телевизија“, која го продуцира „Шоуто на Елен Деџенерис“(The Ellen DeGeneres Show), во врска со поплаките на продукцискиот персонал за наводно малтретирање и расизам.
Телевизијата „Ворнер Брос“ во своето соопштение вели: „Иако не се потврдени сите обвинувања, ние сме разочарани што првичните откритија на истрагата укажаа на некои недостатоци поврзани со секојдневното менаџирање на шоуто“.
Во него се вели дека се спроведуваат некои кадровски промени како и други мерки, но не дава детали за какви промени станува збор.
Наводите, кои беа направени од страна на неколкумина поранешни вработени во статија на BuzzFeed претходно во јули, насликаа радикално поинаков поглед на животот зад камерите од позитивние вибрации презентирани од Деџенерис во емисијата.
Комичарката и нејзината емисија станаа предмет на официјална истрага поради многуте обвинувања на нејзините вработени за вознемирување на работното место од страна на извршните продуценти.
„На првиот ден од нашето шоу, им кажав на сите дека шоуто на Елен Деџенерис ќе биде место на среќа – никој нема да го крева својот глас и сите ќе бидат третирани со почит “, напиша Деџенерис во имејл до вработените, што им беше достапен на новинарите.
„Очигледно, нешто се сменило и јас сум разочарана што дознав дека тоа не било така“, додава таа во писмото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Кендал Џенер ги воодушеви обожавателите со фотографии во бикини од одмор во пустина

Кендал Џенер, 29, уживаше во одмор во пустина, облечена во црно бикини со тенки прерамки, шапка и опуштена атмосфера под сонцето. На фотографиите, таа позира покрај базенот и ужива во погледот.
На едната снимка, таа се наведнува низ прозорецот на автомобилот додека вози низ пустинскиот пејзаж, а на другата е во бикини. Таа едноставно напиша: „Месечина од јагода“ покрај објавата, која има речиси два милиони лајкови.
Нејзиното појавување предизвика возбуда на социјалните мрежи, а меѓу коментаторите се издвои нејзината сестра Клое Кардашијан, која напиша: „Секако дека си вака совршена и прекрасна“.
Забава
Единственото место каде што вашата орхидеја нема да венее

Орхидеите се меѓу најубавите растенија, но тие исто така бараат многу услови за одржување. Покрај соодветната грижа, важно е да се знае дека тие ќе напредуваат само на едно место во домот.
Сите се восхитуваме на божествените орхидеи кога ги гледаме во полн цут, бидејќи тие навистина го разубавуваат сечиј дом со своите интересни цветови и силни бои.
Но, на многу луѓе им е тешко да го пронајдат вистинското место во својот дом каде што орхидеите ќе напредуваат. Иако орхидеите се тропски цвеќиња, тие можат да напредуваат во различни услови. Тие се софистицирани и убави, а всушност, со вистинските чекори, тие се многу прилагодливи.
Како да го пронајдете вистинското место за орхидеи во вашиот дом?
На орхидеите им е потребна дневна светлина, но не и директна сончева светлина. Затоа, треба да ги чувате на прозорец или многу блиску до прозорец. Сепак, прозорците свртени кон југ и исток се најдобри за орхидеи. Оние на западната страна се на силно попладневно сонце, додека оние свртени кон север обично се премногу темни.
Проѕирната завеса ќе фрли лесна сенка, па затоа е добро да ја имате како штит од директна сончева светлина. Сонцето може да ги изгори листовите и цветовите на орхидејата, па затоа најдобро решение е да имате нешто како завеса за да го спречите ова. Листовите не треба да го допираат стаклото.
Бојата на листовите покажува дали е на вистинското место
Ако орхидејата има темнозелени листови, тогаш треба да ја поместите малку подалеку од прозорецот и да ја промените нејзината локација.
Ако листовите се малку посветли, тоа значи дека успева да апсорбира доволно светлина, па затоа најверојатно ќе цвета побрзо, како што советува „Aos.org“.
Забава
(Видео) Една снимка откри сè: Дали убавата Георгина е повторно бремена?

Свршеницата на еден од најдобрите фудбалери во светот, Кристијано Роналдо, Георгина Родригез, го гледаше финалето на Лигата на нации во тесен фустан кој ги истакнуваше сите нејзини облини, но и ги наведе многумина да се запрашаат дали е бремена…
Георгина е позната по тоа што сака да ја покажува својата прекрасна фигура и да привлекува внимание со своите модни избори, како на пример на црвениот тепих за прославата на 10-годишнината од Netflix Spain во Мадрид.
Фан-страница посветена на Георгина објави видео од натпреварот на кое се гледа како партнерката на Роналдо го гледа натпреварот од трибините, држејќи ја раката преку стомакот.
Не им требаше долго време на луѓето во коментарите да почнат да шпекулираат дали Георгина е бремена.
Ова доаѓа веднаш по објавата на која Роналдо позира со Георгина и трофејот што Португалија го освои по победата над Шпанија. Оние кои подетално ја погледнале велат дека нејзиниот стомак изгледа „сомнително“ дури и на таа фотографија.