Забава
„Тик-ток“ најпопуларна мрежа на интернет
„Тик-ток“ е најпреземаната (даунлодирана) и најчесто користената апликација досега, по неа следуваат „Инстаграм“, „Фејсбук“ и „Ватсап“.
„Тик-ток“ има над 1,6 милијарда корисници во над 160 земји, а преземен е над 220 милиони пати само во САД, покажува новата статистика ажурирана во август.
Бројот на корисници на глобално ниво, од кои 1,1 милијарда се месечни активни корисници од 2023 година, ја покажува популарноста на оваа платформа за споделување видео.
„Тик-ток“ го доби својот милијардити корисник во 2021 година, четири години по глобалното лансирање, половина од времето што им требаше на „Фејсбук“, „Јутјуб“ или „Истаграм“ и три години побргу од „Ватсап“.
Минатата година аналитичарите на data.ai ја ревидираа прогнозата дека „Тик-ток“ ќе достигне 1,5 милијарда месечни активни корисници откога нивната анализа откри дека оваа апликација ја надминала таа пресвртница за 100 милиони корисници во првите три месеци.
Платформата за споделување видео веќе ги надмина поголемите социјални мрежи, како „Инстаграм“ и „Фејсбук“, благодарение на својата забавна, креативна природа и сегментацијата кон помладата публика.
Според познавачите, доволно е некое време активно да ја користите оваа платформа и да размислите како се чувствувате по побарувањето низ неа.
Социјалните мрежи го менуваат начинот на кој размислуваат луѓето речиси две децении. Поради нив, светот на новинарството се промени засекогаш – медиумите веќе не може да одлучуваат што ќе мислат луѓето, иако тие сè уште, барем засега, имаат моќ да наметнат агенда, односно за што ќе размислуваат луѓето.
Луѓето повеќе не им веруваат на медиумите како пред да настанувањето на интернетот. За да креираат мислење или став за некоја тема, доволно е да ја инсталираат социјалната мрежа што најмногу им одговара и да најдат истомисленици или коментатори со кои може да се споредат.
Доколку се направи споредба меѓу „Фејсбук“, „Твитер“ или новата, најбргурастечка платформа во историјата – „Тредс“, овие се текстуални апликации, кои имаат премногу политика, а од политика боли желудникот.
Новите истражувања прават компарација меѓу двете најпопуларни мрежи: „Инстаграм“ и „Тик-ток“.
„Тик-ток“ почна во 2016 година. Платформата веднаш стана популарна во светот импресионирајќи ја т.н. генерација Z (активни креатори на содржини на социјалните медиуми). Оваа апликација, всушност, стана победник штом понуди куси видеосодржини, кои предизвикуваат зависност.
Она на што најмногу се гордее „Тик-ток“ – секој може да стане вирален за само неколку минути, а тоа најмногу го сака просечниот корисник на социјалните мрежи. Глобалната популарност може да се припише на природата на платформата – предизвикува зависност.
Алгоритмот препорачува персонализирана содржина врз основа на преференциите на корисниците создавајќи бесконечен прилив на интересни видеа за истражување. Разновидната содржина – комични скечеви, предизвици за танцување, рецепти за готвење, филмови – привлекува широка публика.
Алгоритмот и кусите видеа се причините поради кои корисниците остануваат подолго.
Анализата на американскиот истражувачки центар „Пју“ (Pew Research Center) покажа дека процентот на тинејџери кои рекле дека се на „Тик-ток“ речиси постојано е 50 % поголем од оние што го кажале истото тоа за „Инстаграм“.
За секого има по нешто и секој има можност преку ноќ да стане ѕвезда и да стекне голем број следачи. За разлика од „Инстаграм“, на корисниците на „Тик-ток“, за да станат популарни, не им треба добро тело, убаво лице, совршена гардероба, луксузни патувања или заднина во бојата на годишните времиња.
За популарност, веќе не е неопходно да се биде докажан „инфлуенсер“, доволно е само да се има смисла за хумор или заеднички интереси со други луѓе.
„Инстаграм“ за некои луѓе стана смислата на животот. Совршените фотографии на кои изгледаат совршено и се чини дека имаат совршен живот создадоа илузии и нереални очекувања. Вредноста се мереше со бројот на „лајкови“ и следачи. Во лето заднините се сини… сите одат на плажа и имаат добри тела во костими за капење. Во зима заднините се бели… сите знаат да скијаат и одат на зимски одмор. А во реалноста – речиси никој не изгледа како на „Инстаграм“.
Она што освои многумина кај „Тик-ток“ е поддршката што корисниците ја искажуваат едни кон други. Убавите „инфлуенсери“ покажуваат акни на лицето без филтри и ја опишуваат нивната борба со килограмите. Моделите откриваат како изгледаат кога не се нашминкани за модна писта.
Луѓето ги ценат хуморот, креативноста, автентичноста и поддршката. Луѓето ги ценат луѓето, а не некои совршени личности со совршен живот. Никој нема совршен живот, а „Тик-ток“ тоа секојдневно го покажува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскоп за викенд: Овнот планира патувања, Бикот ужива во малите нешта
Аастролошка прогноза за сабота и недела, 18 и 19 јануари 2025 година.
Овен
Бизнис: Викендот носи инспирација за нови бизнис идеи. Искористете го времето за дизајнирање проекти кои ќе донесат резултати во иднина.
Љубов: Излет со партнерот ќе ја збогати вашата врска, додека слободните Овен може да запознаат некого на некој социјален настан.
Здравје: Планинарењето или подолгата прошетка ќе ве освежи и ќе ви ја зголеми енергијата.
Бик
Работа: Иако викендот нуди релаксација, можно е да добиете интересни вести поврзани со работата. Размислете за вашите приоритети.
Љубов: Пријатните моменти дома ќе го зацврстат вашиот однос со партнерот. Слободните Бикови би можеле да започнат разговор со некој кој ги воодушевува со нивната едноставност.
Здравје: Готвењето или градинарството ќе ви помогнат да се опуштите и да уживате во сегашниот момент.
Близнаци
Работа: Непланирани разговори со познаници би можеле да ви отворат нови врати во кариерата. Останете отворени за можности.
Љубов: Партнерот ќе го цени вашето внимание и хумор, додека слободните Близнаци може да запознаат некој кој ги забавува со своите шеги.
Здравје: Активностите како танцување или јога ќе ви донесат внатрешна рамнотежа.
Рак
Работа: Размислувањето за сопствените достигнувања ќе ви помогне да поставите нови цели. Не плашете се да побарате совет.
Љубов: Романтична вечера дома може да ја зајакне вашата врска со партнерот, додека слободните Ракови можат да привлечат некој кој ја цени искреноста.
Здравје: Поминете дел од викендот на место кое ве опушта, како на плажа или шума.
Лав
Работа: Краткото повлекување од метежот и вревата ќе ви овозможи да ги видите работите од нова перспектива. Подгответе стратегија за следната недела.
Љубов: Оваа сабота и недела вашиот партнер ќе биде воодушевен од вашата внимателност, додека слободните Лавови може да запознаат некој кој ја споделува нивната страст за животот.
Здравје: Масажа или спа третман ќе бидат идеални за релаксација.
Девица
Работа: Деталното планирање на викенд обврските ќе ви донесе чувство на задоволство и контрола. Оставете малку простор за одмор.
Љубов: Викендот ќе донесе искрени разговори со партнерот. Слободните Девици може да привлечат некој што им се допаѓа со нивната организација.
Здравје: Внимавајте на држењето и изберете вежби за рбетот.
Вага
Работа: Соработката со близок пријател за време на викендот може да донесе нови сознанија за деловните можности. Бидете отворени за идеи.
Љубов: Партнерот ќе го цени вашиот шарм и дружељубивост, додека слободните Ваги може да запознаат некого на неформален собир.
Здравје: Креативните активности како цртање или пишување ќе ви донесат чувство на задоволство.
Шкорпија
Работа: Викендот носи можност за развој на стратегии. Вашата решителност ќе ви помогне да се фокусирате на она што е важно.
Љубов: Интензивните моменти со партнерот ќе ви го одбележат викендот, додека слободните Шкорпии може да привлечат некој кој ќе им понуди нова перспектива.
Здравје: Медитацијата со свеќи ќе ви помогне да го смирите умот.
Стрелец
Работа: Разговорите со пријателите овој викенд би можеле да инспирираат нови проекти. Размислете како да ги реализирате вашите идеи.
Љубов: Авантуристичкиот дух ќе внесе свежина во вашиот љубовен живот, додека слободните Стрелци може да сретнат некого на неочекувано место.
Здравје: Посетата на некоја дестинација во природа ќе ви ја освежи енергијата.
Јарец
Работа: Планирањето на финансиите за наредната недела ќе ви донесе чувство на контрола и смиреност. Фокусирајте се на долгорочни цели.
Љубов: Партнерот ќе ужива во вашата лојалност и внимание, додека слободните Јарци може да запознаат некој кој ја цени нивната стабилност.
Здравје: Лесната прошетка или јогата ќе ви помогнат да ја одржите рамнотежата.
Водолија
Работа: Вашиот иновативен пристап може да ве поттикне да размислите за нови насоки во кариерата. Размислете за запишување на вашите идеи.
Љубов: Вашиот партнер ќе биде воодушевен од вашиот уникатен пристап кон љубовта, додека слободните Водолии може да запознаат некој кој ќе ги заинтригира со својата фантазија.
Здравје: Работилница или курс може да биде совршен за личен развој.
Риба
Работа: Овој викенд ви носи можност за тивко размислување и организирање приоритети. Вашата интуиција ќе биде вашиот водич.
Љубов: Интимните моменти со партнерот ќе го направат викендот посебен, додека слободните Риби може да привлечат некој кој го цени нивното сочувство.
Здравје: Поминете време со релаксирачка музика или во топла купка.
Забава
Барак Обама ѝ го честита роденденот на својата сопруга со емотивна порака среде гласините за развод
По гласините дека Барак и Мишел Обама се разведуваат, поранешниот американски претседател сега тоа го демантираше со роденденска честитка до сопругата.
„Среќен роденден моја животна љубов. Ја исполнуваш секоја соба со топлина, мудрост, хумор и благодат – и изгледаш одлично кога го правиш тоа. Многу сум среќен што можам да ги споделам животните авантури со тебе. Те сакам“, напиша на „Икс“ покрај заедничката фотографија.
Гласините за нивниот развод се појавија неодамна, откако Мишел се појави во шоуто на нејзината пријателка, актерка и пејачка Џенифер Хадсон, каде сподели неколку детали за својот сопруг. Иако разговорот беше срдечен, гледачите забележаа дека Мишел на прашањата за Барак одговараше прилично кратко: „Добар е, добро е. Тој сè уште работи премногу, но мислам дека тоа секогаш ќе биде дел од него“.
Таа исто така откри дека Барак моментално е посветен на проектот за претседателскиот центар на Обама – музеј и библиотека во Чикаго – и дека е тешко да се најдат соодветни божиќни подароци за него.
Исто така, отсуството на Мишел од неколку државни настани дополнително ги подгреа приказните кои траат со недели. Имено, таа не се врати од одморот за да присуствува на државниот погреб на поранешниот претседател Џими Картер, а исто така потврдено е дека нема да биде на инаугурацијата на Доналд Трамп, која ќе се одржи на 20 јануари.
Познатиот пар неодамна ја одбележа 32-годишнината од бракот со објави на социјалните мрежи. Барак напиша: „Не можев да замислам подобар животен партнер“, додека Мишел додала: „32 години акција со мојата љубов! Ти благодарам што секогаш ме чуваш и смееш“.
Мишел и Барак се запознале во 1989 година и имаат две ќерки – Малија Ен (27) и Саша (24).
Забава
(Видео) „Колдплеј“ имаат нов член на екипата: објавија симптично видео со маче на турнејата
На турнејата „Колдплеј“ ги придружува нов четириножен член на бендот – нивната мачка.
Бендот објави на „Инстаграм“ како изгледа еден концертен ден за нивниот миленик, раскажувајќи од нејзина перспектива.
„Го започнувам денот со поздравување на екипата. Имаме четири концерти во градот и сакам да се уверам дека сè е совршено. Гитарите на Џони се подготвени. Ја проверувам сцената и се уверувам дека се е подготвено за бендот. Понекогаш сите сакаат да ме галат, „но јас имам работа и не губам време“, се вели во видеото.
View this post on Instagram
Муртезани во Киев потпиша Меморандум за соработка со Украина
Министерот за европски прашања, Орхан Муртезани, денеска во Киев оствари средба со заменик претседателката на Владата на Украина, задолжена за...
Во животно загрозувачка состојба е пешакот кој беше удрен од автобус на ЈСП
Во животно загрозувачка состојба е пешакот кој вчера беше удрен од автобус на ЈСП во Скопје кај Транспортниот центар. Од...
Мицкоски патува на инаугурацијата на Трамп, Владата објави кој ќе го придружува
Претседателот на Владата Христијан Мицкоски од утре па во наредните неколку дена ќе присуствува во САД. Премиерот коj ќе биде...
Америка подигa бодликава жица на границата со Мексико пред инаугурацијата на Трамп
Агентите на американската гранична патрола вчера подигнаа бодликава жица меѓу градот Ел Пасо во Тексас и неговиот мексикански сосед Сиудад...
„Тик-ток“: Утре се гаснеме во Америка
„Тик-ток“ синоќа предупреди дека ќе биде принуден да престане со работа во САД утре, освен ако не добие јасна изјава...
Израел ќе ослободи 737 палестинци во замена за заложниците
Израел ќе ослободи 737 палестински затвореници во замена за првите израелски заложници, што е првата фаза од договорот за прекин...
Мелони ќе присуствува на инаугурацијата на Трамп, Орбан не доаѓа
Италијанската премиерка Џорџа Мелони во понеделник ќе присуствува на инаугурацијата на новоизбраниот американски претседател Доналд Трамп, соопштија синоќа претставници од...
Ракометарите загубија од Холандија – Холанѓаните се пласираа во втората фаза
Фото/ facebook.com/rfmofficial Македонските ракометари загубија од Холандија 32:37 (15:18), во второто коло на 29.Светско првенство во ракомет. Избраниците на Кирил...
Големи гужви попладнево на повеќе скопски улици – сообраќајот закочен
Огромни гужви има попладнево во повеќе делови од главниот град, а граѓаните се жалат дека се заглавени во своите автомобили...
Николоски: Ја пуштаме за сообраќај новата пруга Куманово-Бељаковце, за две-три недели ќе имаме и нова железничка линија
Само со посветенот и одговорност, за две недели можат да се пуштат во употреба три крупни капитални проекти. Денеска ја ...
Штрајк и тужби за државата се можни доколку Владата не го продолжи дијалогот со административците, кои бараат 30 отсто поголема плата
Вработените во неколку министерства и државни институции, кои и денес, четврти ден по ред, излегоа на протест за 30 отсто...
Починаа две новороденчиња близначиња: трагедија во Прилепско
Две новороденчиња, близначиња, на околу 20 дена старост починале вчера околу пладне, а јавен обвинител од основното јавно обвинителство од...
Обвинение против 10 лица, членови на организираната криминална група, за посредување при проституција, перење пари и трговија со дрога
По завршувањето на истражната постапка која ја водеше Основното јавно обвинителство за гонење на организиран криминал и корупција, а во...
(Видео) Институтот за проучување на војната: Борбите се брутални, сите Севернокорејци во Курск би можеле да бидат уништени за 3 месеци
Целиот севернокорејски контингент од околу 12.000 војници во моментов во рускиот регион Курск би можел да биде убиен или ранет...
Груби крадеше додека на чело на МВР беше Оливер Спасовски, а обвинители и судии се избираа во Зајас и Струмица, вели ВМРО-ДПМНЕ
„СДС и Филипче месец дена се препелкаат во лавиринтот на сопствените лаги за криминалот на Груби. Артан Груби направи милионски...
Најстудено во Берово, најмногу снег на Попова Шапка
Утрово најстудено било во Берово каде што се измерени -9 степени, -8 било на Попова Шапка, -6 во Дебар, -5...
Потрагата по тригодишното дете во Сава во Загреб продолжува: уапсена мајката, сослушан е и сопругот
Потрагата по детето кое исчезна во Сава во Загреб продолжува и денеска. Во четвртокот, спасувачките служби го напуштија местото на...
Зеленски до Фицо: Пукаа во тебе зошто не прости?
„Словачката влада игра многу опасна игра критикувајќи ја воената поддршка на Западот за Украина и приближувајќи се кон Русија“, изјави...
(Видео) Илјадници студенти протестираа во Подгорица
Неколку илјади демонстранти се собраа вчера во Подгорица барајќи оставка од лидерите на црногорската влада кои раководат со безбедносниот сектор,...
Канцеларијата на Нетанјаху го потврди договорот за ослободување на заложниците
Кабинетот на израелскиот премиер Бенјамин Нетанјаху објави дека „постигнал договор за ослободување на заложниците“ кои се држат во Појасот Газа,...
