Забава
„Ти должам околу 30 милиони долари Дејвид“: Метју Пери во својата книга откри што направил Рос од „Пријатели“ за целиот тим – за што бил вечно благодарен
Актерот Метју Пери, најпознат по улогата на Чендлер Бинг во серијата „Пријатели“, почина на 28 октомври на 55-годишна возраст.
Тој беше погребан пет дена подоцна во кругот на неговото најблиско семејство и пријатели, а на церемонијата присуствуваа неговите колеги од култната серија Џенифер Анистон, Кортни Кокс, Лиза Кудроу, Дејвид Швимер и Мет Лебланк.
Како што е познато, Пери минатата година ги објави своите мемоари „Friends, Lovers and the Big Bad Thing“ во кои откри бројни детали за неговиот личен живот, кариера и серијата што го прослави.
Сите актери од „Пријатели“ истакнаа дека за време на снимањето кое траело 10 години станале вистинско семејство и дека се гледале како браќа и сестри. Сепак, Метју во својата книга откри каков гест направил Дејвид Швимер и за кој сите биле благодарни.
Имено, како што напиша, сите шест главни актери заработиле по 22.000 долари по епизода во текот на првата сезона на „Пријатели“. Во втората сезона, Дејвид Швимер и Џенифер Анистон, кои ги глумеа Рос и Рејчел, добиле повисоки хонорари бидејќи нивната романса била во центарот на приказната. Кога започнала третата сезона, „Ворнер Брос“ сакал дополнително да ги зголеми хонорарите за Дејвид и Џенифер, но Швимер не се согласил, дури и по цена тој и Анистон да добијат помала плата од што имале.
„Дејвид сигурно беше во позиција да добие најмногу пари, но не го стори тоа. Би сакал да мислам дека би го направил истиот потег, но како алчен 25-годишник, не сум сигурен дека ќе го направев тоа“, напиша Пери, пренесе „Гардијан“.
„Но, неговата одлука не натера да се грижиме еден за друг преку безброј стресни мрежни преговори, а тоа ни даде огромна моќ… Ја имавме љубезноста на Дејвид и неговото мудро чувство за деловно значење, благодарност за она што го направи. Ти должам околу 30 милиони долари Дејвид“, додал познатиот Чендлер.
До осмата сезона на серијата, сите актери заработуваа по 1 милион долари по епизода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Ричард Гир покажа среден прст во емисија во живо и ги налути гледачите
Ричард Гир се појави во емисијата Today во средата за да ја промовира својата нова ТВ серија The Agency. Водителката Савана Гатри на гледачите им најави клип од серијата, а кога камерата се врати на нив, познатиот актер беше снимен со средниот прст во воздух.
„Само што направивте непристоен гест во оваа семејна утринска емисија!“, му рече водителката, а 75-годишниот актер се бранеше: „Не го покажавте, но јас така направив во клипот. Тоа беше во клипот!“.
Водителката му рече дека тие намерно го исекле тој дел, но Гир тврдел дека клипот „нема смисла“ без гестот и се пошегувал: „Мојата рака го направи тоа, јас сум надвор од контрола“.
Неговиот потег налути дел од гледачите, кои сметаат дека е несоодветен за утринска емисија, додека на некои целата приказна им е урнебесна.
„Кој друг мисли дека и покажа среден прст на водителката?“, „Добро се снајде“, „Зошто го направи тоа? Не знам“, се дел од коментарите.
Забава
Ева Лонгорија објасни зошто со семејството се иселила од САД
Ева Лонгорија, ѕвездата на серијата „Очајни домаќинки“ објасни зошто решила да ги напушти САД со семејството.
Актерката и режисерка неодамна откри дека таа, нејзиниот сопруг Хозе Бастон и нивниот шестгодишен син Сантијаго живеат меѓу Шпанија и Мексико. Сепак, Лонгорија сака фановите да знаат дека тоа не е поради резултатите од претседателските избори во САД.
„Можете ли да им кажете на сите дека не ги напуштив САД поради Трамп?“, рече Лонгорија на подкастот. „Во Европа сум веќе скоро три години. Не заминав поради политичкиот амбиент, заминав затоа што работата ме однесе таму“.
Лонгорија призна дека живеењето надвор од САД и овозможува да се извлече од „постојаниот 24-часовен циклус на вести“ и додаде дека шпекулациите за тоа дали се преселила поради американската политика „ги делат луѓето“.
Во интервјуто за Marie Claire објавено оваа недела, актерката објасни дека забавната индустрија во Холивуд почнала да се менува долго пред изборите во 2024 година, што влијаело на одлуката на нејзиното семејство да се пресели.
„Го поминав целиот мој возрасен живот во Калифорнија, но дури и пред пандемијата нештата се менуваа. Енергијата беше поинаква. Потоа се случи Ковид и сè турна на работ. Без разлика дали се работи за бездомништво или даноци – не сакам да ја критикувам Калифорнија – но чувствувам дека ова поглавје од мојот живот сега е завршено“.
Таа призна дека е привилегирана бидејќи има можност да се пресели во друга земја, пренесува Индипендент.
„Можам да побегнам и да одам некаде. Повеќето Американци немаат толку среќа. Тие ќе останат заглавени во оваа дистописка земја, а јас сум вознемирена и тажна за нив“, рече Лонгорија.
Забава
(Видео) Роналдо го угости најпопуларниот jутјубер во светот: „Се плашиш да не те надминам?“
„Изненадувањето што ќе го сруши интернетот“ кај Кристијано Роналдо беше јутјуберот MrBeast (Џими Доналдсон).
„Се сретнав со MrBeast за да го срушиме интернетот“, е името на видеото кое заедно го снимија најпопуларниот фудбалер на денешницата и најпопуларниот јутјубер на денешницата. Многумина предвидуваа дека јутјуберот ќе биде мистериозниот гостин на Роналдо.
Пред камерите разговараа на повеќе теми, а MrBeast му даде совет на Роналдо како да го подобри својот канал на Јутјуб, иако можеби навистина нема потреба од таков совет со оглед на тоа што веќе има речиси 70 милиони претплатници.
„Дали се плашиш дека ќе те надминам?“, го праша Роналдо.
И токму така почна муабетот. Роналдо го праша јутјуберот што мисли за тоа што успеал да собере 60 милиони претплатници за еден месец, додека на MrBeast му биле потребни 13 години за тоа.
„Искрено, мислев дека ќе добиеш 20-30 милиони во првиот месец“, рече MrBeast. „Кога дојдовте до 60, реков: О, Боже. Најмногу претплатници, пред тебе, за еден месец беа 20 милиони, а тоа бевме ние“, додаде тој.
Нивниот разговор досега е прегледан над 15 милиони пати.
Ким Џонг-Ун ги нападна САД: Никогаш не сме биле толку блиску до термонуклеарна војна со Јужна Кореја
Севернокорејскиот лидер Ким Џонг-Ун ги обвини САД за провокации и ескалација на тензиите, велејќи дека Корејскиот Полуостров никогаш не се...
Зеленски: Путин ве тестира, мора силно да одговорите
Претседателот Володимир Зеленски рече дека рускиот напад врз Украина со нов тип балистичка ракета е „јасна и сериозна ескалација“ во...
Деветнаесетгодишна девојка го управувала автомобилот со којшто беше усмртена жената во Чаир
Деветнаесетгодишна девојка (А.Џ.) управувала со автомобилот „сеат алтеа“, со којшто попладнево беше прегазена жената во скопската населба Чаир којашто почина...
Студентите на протест поради јавниот превоз, бараат и набавка на нови автобуси и велосипедска инфраструктура
Универзитетското студентско сообрание (УСС-УКИМ) за утре, 22 ноември, најавува протест поради проблемите со јавниот превоз што ќе се случува од...
Трагедија вечерва во Чаир: Загина жена, ја прегази автомобил
Жена загина во скопската неселба Чаир, кога во неа удрил автомобил со скопски регистерски ознаки. Според информациите од СВР Скопје...
Владата ќе му позајми на градот Скопје дел од нафтените резерви на државата за ЈСП
Владата вонредно расправаше поради недостигот на енергенси за обавување на јавниот сообраќај на територијата на Град Скопје, при што беше...
(Видео) Избегната тепачка во Собранието, Гаши го повика обезбедувањето
Во македонскиот парламент денеска избегната тепачка меѓу некои од пратениците. Инцидентот се случи меѓу лидерот на Левицата, Димитар Апасиев, и...
Црната листа на САД е многу динамична и отворена за додавање нови имиња, порача Агелер
Американската амбасадорка Анџела Агелер, денеска, одговарајќи на новинарско прашање во врска со црната листа на САД, рече дека таа е...
(Видео) СДСМ со решенија за кризата во Скопје: закон за финансиска поддршка на Градот и на ЈСП, субвенциии за гориво, вели Јанчева
„Како што најавивме, денес сме тука за да ги презентираме нашите конкретни предлози за надминување на кризата во која се...
ЈСП избрало неприфатлива понуда во набавката на „евродизелот“, утврдени неправилности во постапката, соопшти Бирото за јавни набавки
Постапката за јавна набавка на „евродизелот“ објавена од страна на договорниот орган ЈСП беше предмет на управна контрола во Бирото...
Славески свика итна вонредна седница на Советот на Скопје поради колапсот на јавниот превоз
Претседателот на Совет на Скопје Трајко Славески за денеска во 18 часот закажа итна вонредна седница на која треба да...
Колапс на јавниот превоз, скопјани се солидаризираат: „Застанете ако сте со автомобил, превезете некого“
Од синоќа, со оглед дека нема автобуси, на социјалните мрежи се споделуваат повици за оние што одат на работа со...
Ексминистер и двајца поранешни директори меѓу уапсените за уривањето на натстрешникот на Железничката станица во Нови Сад
Поради уривањето на натстрешникот на Железничката станица во Нови Сад, уапсени се 11 лица, соопшти Вишото јавно обвинителство во Нови...
(Видео) Русите ја нападнаа Украина со шест бомбардери „ту-95“ и „миг“, Днепар во пламен
Во денешниот руски ракетен напад е оштетена индустриска компанија во Днепар, а во градот избувнале пожари, изјави началникот на воената...
Ажурираната нуклеарна доктрина на Русија е лукав потег на Путин против Бајден и му оди во прилог на Доналд Трамп
Нуклеарните закани на Москва се прилично суптилна игра која директно не ѝ штети на Русија, туку му штети на актуелниот...
Северна Кореја и Русија потпишаа протокол за соработка
Северна Кореја и Русија потпишаа протокол за соработка по состаноците за трговија, економија, наука и технологија во Пјонгјанг, објави севернокорејскиот...
(Видео) Еруптира вулкан на Исланд
Вулкан во близина на главниот град на Исланд доцна синоќа еруптираше по десетти пат во последните три години, исфрлајќи големи...
(Видео) Заглавен сообраќајот во Скопје, автобуси нема, Брзата помош не можеше да се пробие на Бит Пазар
Скопје е парализирано попладнево. Автобусите не сообраќаат, а граѓани се жалат дека не успеваат да најдат ниту слободно такси поради...
Осудени велешаните кои силуваа 14-годишно девојче, највисоката казна е 5 години и 6 месеци затвор
Во Основниот кривичен суд денес беше објавена пресудата против тринаесетте лица од Велес кои беа обвинети за сексуално злоставување на...
Мицкоски за Шекеринска: Ѝ честитав за изборот за заменик-генерална секретарка на НАТО, за нас – националното единство е пред партиските интереси
„Не е тајна дека во минатото сме имале многу концептуални разлики кога станува збор за справувањето со актуелните проблеми, политиките,...
