Забава
Том Круз на црвениот тепих на премиерата на „Невозможна мисија 7“ во Лондон

Том Круз го промовираше седмиот дел од серијалот Mission: Impossible на премиерата на филмот во Лондон во четвртокот.
Актерот го опиша Dead Reckoning – Part One („Одмазда – Прв дел“) како најголем момент од филмската сага досега.
На црвениот тепих му се придружија колегите Сајмон Пег, Хејли Атвел, Ребека Фергусон и Ванеса Кирби, и режисерот Кристофер Меквери.
Рецензиите на критичарите за филмот ќе бидат објавени на 5 јули, а филмот ќе почне да се прикажува во кината ширум светот на 14 јули.
„Филмот од два дела ја означува кулминацијата на сите мои вештини,“ рече Круз и вети дека дури и оние кои не се запознаени со серијалот ќе имаат епска авантура.
Круз ја репризира својата улога како Итан Хант во исклучително успешната франшиза.
Во најновиот филм со оригинален наслов Mission: Impossible Dead Reckoning Part One, Итан заедно со тимот за невозможни мисии (ИМФ) е во потрага по застрашувачко ново оружје што му се заканува на човештвото.
Филмот, кој се снимаше делумно во Обединетото Кралство, а и во Италија, ги прикажува вообичаените акробации кои ѝ пркосат на смртта, вклучувајќи ја и таа кога Круз скока од карпа на мотор.
Говорејќи на премиерата на филмот во Лондон, тој рече дека уште како дете отсекогаш сакал да снима филмови и се посветил на преземање нови предизвици и учење нови вештини.
„Од малечок, тоа го правев“, изјави 60-годишникот за новинската агенција PA Media.
„Кога имав три или четири години скокав од покривот и се качував на дрвја – сакав да снимам филмови, сакав авантура, сакав да патувам низ светот.“
Процесот на снимање на филмот беше попречен од бројните прекини во екот на пандемијата, при што во декември 2020 година протече аудио снимка на која Круз е бесен на продукцискиот персонал за очигледно непочитување на правилата за спречување на ширење на Ковид -19.
Секој филм во сагата Mission: Impossible досега има заработено најмалку 100 милиони долари на светските киноблагајни.
Најуспешниот досега е шестиот дел, Mission: Impossible – Fallout, кој инкасираше 220 милиони долари, иако претходните филмови беа објавени на крајот на милениумот и нивната заработка не се прилагодена на инфлацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Најлошите свекрви се родени во три хороскопски знаци

Односите меѓу снаите и свекрвите многу често се далеку од она што би се нарекло идеално. Секако, постојат исклучоци, но за напнатите врски, љубомората, непочитувањето, па дури и омразата меѓу двете најважни жени во животот на еден маж се зборува многу почесто.
Секоја мајка го сака најдоброто за своето дете, но некои од нив сакаат секогаш да им бидат на прво место, дури и кога нивниот син ќе се ожени. Подолу се наведени трите типа најлоши свекрви според нивните хороскопски знаци.
Според астролошките верувања, постојат три хороскопски знаци во кои се раѓаат свекрвите кои сакаат да се мешаат во сè, поради што се сметаат за најлоши свекрви.
Рак
Свекрвата Рак честопати изгледа весела, љубезна и насмеана, но кога подобро ќе ја запознаете, ќе сфатите дека сака да го пика носот таму каде што не треба и да предизвикува конфликти во семејството.
Понекогаш се чувствува навредена од ситници и е во состојба да направи претстава ако има публика. И покрај ова, доколку и кога е потребно, таа е подготвена да им помогне на својот син и снаа.
Лав
Ако имате свекрва Лав која ве гледа со неодобрување од време на време, веројатно сте заборавиле да ѝ дадете комплимент.
Лавовите сакаат да бидат во центарот на вниманието, а комплиментите им се важни бидејќи се чувствуваат ценети. Од друга страна, свекрвите Лавови обично ги обожаваат своите внуци и едвај чекаат да ги поканите на гости.
Овен
Разговорот со вашата свекрва Овен може да биде пријатен. Тие често нудат совети, помош или ги чуваат своите внуци без вие дури и да ги прашате. Но, можат да одат предалеку и да почнат да се мешаат во сè што се однесува на вашиот брак.
Сепак, тие не се штетни на долг рок, а нивното присуство може да донесе многу насмевки.
Забава
(Видео) Најзгодната фудбалерка објави снимка во бикини: „Мислам дека ќе почнам да следам женски фудбал после ова“

Хрватската фудбалерка Ана Марија Марковиќ, која е прогласена за најубава фудбалерка на светот, објави ново видео од плажа, кое особено ги воодушеви нејзините фанови.
Имено, Ана Марија ги покажува своите завидни вештини со топката во бикини на плажа.
„Не ми треба ништо друго“, напиша таа кратко во описот на објавата.
„Топ“, „Треба да најдам девојка како тебе“, „Мислам дека ќе почнам да следам женски фудбал после ова“, „Прекрасни сте“, „Прекрасен пар“, беа само дел од коментарите под нејзината објава.
Забава
(Фото) Иванка Трамп за крајот на бајката во Венеција – прошета во најубавиот летен фустан

Раскошната свадба на Џеф Безос и Лорен Санчез, која се одржа во Венеција и траеше три дена, конечно заврши.
Гостите почнаа да заминуваат од Италија, а ние имавме можност да уживаме во бројни инспиративни модни изданија.
Кога ќе се појави Иванка Трамп, гарантирано е дека гламурот и елеганцијата ќе бидат единственото нешто што ќе го видите околу неа, но овој пат таа покажа дека може да блесне и кога станува збор за секојдневни, полежерни комбинации.
Иванка за заминувањето од Венеција избра вистински летен фустан со цветни мотиви во комбинација од светло и темно сина боја. Фустанот благо ја следеше линијата на телото, но исто така беше и лежерен, па удобноста очигледно беше врвен приоритет.
Таа го комплетираше своето модно издание со природен изглед, без шминка, додека косата ѝ беше врзана ниско.
Иако титулата најдобро облечена жена честопати ѝ припаѓала на кралицата Летиција, особено кога станува збор за летни избори, се чини дека Иванка Трамп овој пат можеби успеала да ја надмине.