Забава
Том Холанд најави една година пауза од актерството

Том Холанд зеде една година одмор.
27-годишниот актер е и продуцент и глуми во мини серијата „Преполна соба“ (The Crowded Room), психолошки трилер, но призна дека проектот бил толку интензивен што сега мора да направи подолга пауза надвор од светлото на рефлекторите.
Во американската ТВ-емисија „Екстра“ тој рече : „Сакам да учам нешто ново, на пример, како да станам продуцент. Не ми е непозната напорната работа. Отсекогаш сум живеел според идејата дека напорната работа е добра работа. Навистина уживав, но сега сум како скршен“.
Том Холанд на премиерата на „Преполна соба“
„Дојде момент кога си реков: итно ми треба пауза. Исчезнав. Отидов во Мексико една недела и уживав на плажа. Сега зедов една година одмор, а тоа е резултат на тоа колку тешка беше оваа серија“.
Ѕвездата на последниот филм за Спајдермен, „Човек пајак: Далеку од дома“, кој ја почна својата кариера како дете актер кога ја презеде главната улога во „Били Елиот“, мјузиклот во лондонскиот Вест Енд, објасни дека кога е далеку од светот на филмот, тој ужива во своето слободно време со семејството и во активности како што е голфот.
„Патував малку и одлично си поминав. Се гледав со моето семејство. Се гледав со моите пријатели. Играв голф. Одев во градинарскиот центар, купував растенија и ги садев“.
„Се обидов да бидам обично момче од Кингстон и, едноставно, да се опуштам“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ова се трите најблагородни хороскопски знаци: светот е поубав благодарение на нив

Во свет во кој сите бркаат лични цели, постојат ретки луѓе што никогаш не забораваат да се огледаат околу себе. Оние што застануваат да помогнат подаваат рака кога е потребно и се насмевнуваат без скриени намери.
Во астрологијата некои хороскопски знаци се издвојуваат по својата благородност; тие се оние што го прават светот поубаво, потопло и подобро место.
Лав
Иако често имаат репутација дека сакаат да бидат во центарот на вниманието, Лавовите се, всушност, неверојатно благородни. Нивното срце е големо како сонцето што ги симболизира и кога сакаат некого, ќе направат сè за да го заштитат и да го направат среќен.
Лавот сака да ги гледа другите среќни, особено ако тможе да им помогнат да блеснат. Неговата благородност произлегува од искрената потреба да шири топлина и поддршка на сите околу него.
Стрелец
Стрелецот верува во подобро утре и активно работи кон тоа. Неговата благородност не е само емотивна, туку и филозофска. Стрелецот искрено верува во правдата, слободата и помагањето на оние на кои им е потребна помош.
Нивната великодушност доаѓа од желбата да го направат светот пофер место. Тоа не само што ќе ви го даде она што го имате туку ќе ве научи и како да ја пронајдете сопствената сила и храброст.
Риби
Ако постои знак што носи безусловна љубов во себе, тоа се Рибите. Нивната емпатија е толку силна што речиси физички ја чувствуваат болката на некој друг и затоа ретко може да ја свртат главата од некој во неволја.
Рибите се подготвени да го дадат последното нешто што го имаат за да помогнат. Нивната благородност не е избор, тоа, едноставно, е начинот на кој живеат и дишат. Со нив светот никогаш не е сосема ладно место.
Забава
(Видео) Сите се воодушевени од изданието на Меган Маркл од 5.000 евра: „Совршено е, а таа е прекрасна“

Меган Маркл уште еднаш нè убеди во својата љубов кон едноставен, но софистициран стил, што го покажа и за време на едно појавување во Њујорк, на кое присуствуваше со својот сопруг, принцот Хари.
Таа носеше трендовски беж костим; широки панталони и соодветна јакна изработена од свиленикав материјал, дизајнирана од модната куќа „Ралф Лорен“. Интересно е да се напомене дека овој убав и модерн костим чини дури 5.000 евра, а софистицираните парчиња се продаваат одделно.
Уште еден хит со кој никогаш не можете да погрешите е белата кошула, што Меган вешто ја избра за својата модна магија. Сето тоа го заокружи со модерни кожени чевли, како и впечатлив скап накит.
@ellegermany♬ Originalton – ELLE Germany
И како што сме навикнати, Меган и овој пат носеше блага, природна шминка, како и пуштена, малку брановидна коса.
Нејзиниот сопруг, принцот Хари, исто така беше во својот препознатлив стил; во елегантен темносин костум, па изгледаа многу координирано заедно, а Меган доби многубројни комплименти на социјалните мрежи.
@accesshollywood #MeghanMarkle ♬ original sound – Access Hollywood
„Изгледа навистина убаво“, „Облеката е одлична“, „Го обожавам овој стил, секогаш изгледа елегантно“, „Облеката е совршена, а таа е прекрасна жена“, се само неколку од нив.
Забава
(Фото) Трендовски детаљ што ќе привлече внимание оваа сезона, а не чини многу

Впечатливите обетки, белезици и ѓердани беспрекорно се вклопија во актуелните трендови добивајќи мноштво разни форми, така што има по нешто за секого во овој сегмент. Дури и ако сте страстен љубител на суптилните детали, веруваме дека ќе ви биде тешко да им одолеете на некои од шарените парчиња накит од новите колекции.
View this post on Instagram
Минатата година бевме сведоци на подемот на т.н. тренд фудкор и сè беше преполно со шарен накит со овошни мотиви – помислете само на хит обетките – цреши.
Оваа година романтиката е во преден план, а безвременскиот мотив на цвеќето блескаше во посмели силуети и бои од кога било досега. Опсесијата со тропските цвеќиња продолжува, а преголемите обетки украсени со шарени егзотични ливчиња се детаљ што повеќе не е резервиран исклучиво за плажа и за забавите по неа.
Обетките во облик на големи тридимензионални цвеќиња се помногубројни од кога било на главната улица и станаа омилен избор на трендсетерките за малку поубави пригоди во топлите денови.
Заедно со обетките од смола во светли бои, вниманието го привлекуваат и моделите со неправилни форми и неочекувани текстури – бисерен сјај, варијанти од мрежест метал и материјали што имитираат злато или сребро се многу добредојдени.
Не се сомневаме дека овој вид впечатлив детаљ е навистина одлична инвестиција – не чини многу, а навистина прави разлика, додавајќи им опир на актуелност и карактер на малку поедноставни комбинации.