Забава
Тој е луд, мамо!, напишала поранешната сопруга на Џони Деп пред да стапат во брак
Амбер Херд го споредува Џони Деп со д-р Џeкил и г. Хајд во низа текстуални пораки до мајка си во 2013 година, во кои таа вели дека срцето ѝ се скршило кога открила дека нејзиниот тогашен партнер станувал насилен под дејство на дрога и алкохол.
Пораките беа читани на глас во четвртокот во Високиот суд во Лондон, каде што Херд сведочи во име на издавачите на британскиот весник, „Сан“, кој Деп го тужи за клевета за напис од 2018 година, во кој е опишан како тепач на сопругата.
„Тој е луд, мамо. Насилен и луд. Моето срце е скршено дека ова е човекот што го сакам“, вели Херд во една од текстуалните пораки што ѝ ги испратила на мајка си во март 2013 година кога, според неа, Деп бил во бес предизвикан од дрога и алкохол.
„Се чувствувам како да сум во брз воз, кој набргу ќе експлодира, но не сакам да скокнам и да ја оставам мојата љубов зад себе. Јас останувам во возот и покрај тоа што знам дека ќе експлодира“, вели таа во друга порака што гласно ја читаше во судницата.
Нејзината помлада сестра Витни Хенрикез се појави во судот подоцна во четвртокот за да ја потврди својата писмена изјава до судот како сведок.
Хенрикез живеела веднаш до двојката еден период и понекогаш била повикувана да интервенира во нивните расправии. Таа рече дека некогаш била блиска со Деп, кој ја нарекувал „сис“ (сестра).
Во писмена изјава, објавена за медиумите кога почна со усното сведочење, Хенрикез рече дека врската помеѓу Деп и Херд била бурна од самиот почеток.
„Амбер и Џони се две многу моќни сили и не можете да натерате ниту еден од нив да прави нешто што не сака“, рече таа.
Хенрикез тврди дека го видела физичкиот напад на Деп врз Херд за време на расправија во станот на двојката во Лос Анџелес во март 2015 година. Таа е единствениот сведок во случајот, освен Херд, со сведоштво од прва рака.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кисела Вода организираше бесплатна заедничка полуматурска забава
Синоќа во спортската сала на ООУ „Невена Георгиева Дуња“ се одржа првата бесплатна, заедничка полуматурска прослава за сите ученици од деветто одделение во Општина Кисела Вода. Настанот беше дел од проектот „Мисија Полуматура“, по иницијатива и организација на градоначалникот Орце Ѓорѓиевски и општината, што претставува нов пристап во одбележувањето на еден од најзначајните моменти за секој деветоодделенец.
На забавата настапуваа DJ Napster, дуото Два Бона и бендот Хепи Енд. На сцената настапија и самите полуматуранти, кои добија простор да го покажат својот талент.
Пред салата беше поставена и фото кабина и “дрво за пораки”, каде беа овековечени стотици насмевки и среќни спомени кои ќе ги следат полуматурантите во нивниот понатамошен живот.
„Јас, и како градоначалник и како човек, верувам дека секое дете, без разлика од која средина доаѓа, заслужува еднаква можност за радост, за убави спомени, за достоинствено одбележување на важните животни моменти. И токму затоа, вечерва – сите деветтоодделенци се еднакви. Без разлики, без поделеност. Оваа иницијатива не произлезе од некаков формален план или стратегија – произлезе од срце. Од вистинска потреба да покажеме дека можеме поинаку. Дека можеме да изградиме општина која навистина ги слуша младите – но уште поважно – општина која реагира и реализира. Ни беше важно не само да организираме прослава, туку да создадеме простор во кој вие, младите, ќе бидете активни креатори. И вие тоа го направивте“, рече градоначалникот Орце Ѓорѓиевски во своето кусо обраќање пред полуматурантите.
Забава
Месецот на раѓање ги открива вашите скриени особини
Според вашиот хороскоп, месецот во кој сте родени може да влијае на вашиот карактер и еве ги посебните особини што ви ги носи.
Во астрологијата постои толкување дека секој месец носи посебна особина што можеби не е забележлива на почетокот, но подоцна станува поизразена. Погледнете какви скриени особини ви носи месецот на раѓање.
Јануари: елоквенција и независност
Луѓето родени во јануари на почетокот може да изгледаат многу интровертни. Ова е делумно точно: тие сакаат да прават одредени работи сами, бидејќи се многу независни, но сепак се среќни кога се во друштво на вистинските луѓе. Тие се бистри, разговорливи и секогаш им помагаат на оние околу нив.
Февруари: слободен дух и емпатија
Луѓето родени во февруари не можат да го замислат животот без слобода. Тие се многу интелигентни и креативни, но од друга страна, тие се исто така сочувствителни и грижливи. Понекогаш оставаат впечаток дека не сакаат длабоки врски, но всушност се многу љубезни и приврзани кон оние што им се блиски.
Март: харизма и воздржаност
Луѓето родени во март на прв поглед може да изгледаат малку резервирани, но ако ги запознаете подобро, ќе видите дека тие всушност се исклучително отворени и љубезни. Тие се полни со страст, харизма и интелигенција. Можеби се држат за себе, но сакаат да бидат во центарот на вниманието меѓу оние што им се блиски.
Април: импулсивност и интелигенција
Луѓето родени во април се сметаат за доста храбри и опуштени луѓе. Тие можат да бидат склони кон импулсивност: брзо прават нешто за кое подоцна би се каеле, поради што другите ги перцепираат како неодговорни, но всушност се исклучително светли и интелигентни.
Мај: авантуристички дух и лојалност
Луѓето родени во мај се сметаат за многу авантуристички и слободоумни луѓе. Понекогаш им е тешко да се посветат, што може да им создаде проблеми во врските (особено во партнерствата). Сепак, кога некој ќе им го стопли срцето, тие се неверојатно лојални и сигурни.
Јуни: Перфекционизам и чувствителност
Луѓето родени во јуни се сметаат за перфекционисти. Бидејќи постојано се стремат кон совршенство, понекогаш оставаат впечаток дека се „нечовечки“ или „ладни“. Меѓутоа, во реалноста, тие се исклучително емотивни, дури и чувствителни. Тие се одлични емпати кои се силно поврзани со своите луѓе.
Јули: Храброст и амбиција
Се вели дека луѓето родени во јули се водени од своите срца во животот. Тие се исклучително емотивни и често ги покажуваат своите чувства без двоумење. Поради ова, тие можат да изгледаат слаби, но всушност се исклучително амбициозни, силни, храбри и успешни во остварувањето на своите цели.
Август: креативност и внимателност
Луѓето родени во август се полни со енергија и идеи. Тие имаат опуштен став кон животот и често се во центарот на вниманието. Тие инспирираат со својата креативност, но од друга страна, можат да бидат и рационални, внимателни и стратешки. Се вели дека луѓето родени во август се добри лидери.
Септември: организираност и чувствителност
Оние родени во септември се сметаат за многу рационални, внимателни и организирани. Тие донесуваат одлуки со свои глави и се одлични планери, но на прв поглед може да изгледаат малку ладни. Всушност, тие се исклучително емотивни и приврзани кон оние блиски до нив.
Октомври: страст и принципиелност
Луѓето родени во октомври се полни со страст: сè што прават, го прават со цел и интензитет. Поради нивната страст, понекогаш се чини дека донесуваат избрзани одлуки, но всушност цврсто се придржуваат до своите морални принципи и никогаш нема да направат ништо што не е во согласност со нивните верувања.
Ноември: напорна работа и интуиција
Се вели дека ноемвриските луѓе се многу вредни, независни и силни. Тие не се плашат од напорна работа и упорно го трасираат патот кон своите соништа. Од друга страна, тие се длабоко интуитивни и се следат себеси кога донесуваат одлуки. Ако почувствуваат дека нешто не ги исполнува, ќе се повлечат, дури и ако градат врз тоа со години.
Декември: убавина и великодушност
Луѓето родени во декември се сметаат за неодоливо привлечни. Тие брзо привлекуваат внимание и ги шармираат оние околу нив. Сепак, тие не ги користат своите предности за лоши цели или експлоатација: тие се многу дарежливи, добродушни и секогаш подготвени да помогнат, пишува Sensa.metropolitan.si.
Забава
Ќерката на Том Хенкс напиша мемоари за злоупотреба и насилство; Хенкс: Не сум изненаден
Том Хенкс проговори за прв пат по објавувањето на мемоарите на неговата ќерка Е. А. Хенкс, „10-те: Мемоари за семејството и отворениот пат“, во кои таа тврди дека нејзината мајка, актерката Саманта Луис, емоционално и физички ја злоупотребувала.
„Не сум изненаден што мојата ќерка имаше храброст и љубопитност да ја истражи оваа тема, за која беше неверојатно искрена“, рече Хенкс. „Сите доаѓаме од животи полни со пукнатини, сите ние. Таа секогаш беше одлична“, продолжи тој.
Во мемоарите, Е. А., чие вистинско име е Елизабет Ан, опишува како доживеала „емоционална злоупотреба“ и „физичко насилство“ од рацете на нејзината мајка, чие вистинско име е Сузан Дилингам, откако нејзините родители се развеле.
Хенкс и Дилингам се венчале во јануари 1978 година и се развеле во 1987 година. На Дилингам ѝ било доделено примарно старателство, а децата го посетувале Хенкс за време на викендите и во лето.
„Ги посетував татко ми и маќеата (а наскоро и моите помлади полубраќа и сестри) за време на викендите и во текот на летото, но годините од пет до четиринаесет години беа исполнети со конфузија, насилство и лишување“, напишала 43-годишната Е. А.
„Како што минуваа годините, дворот беше толку полн со кучешки измет што беше невозможно да се оди, куќата мирисаше на чад. Фрижидерот често беше празен или полн со расипана храна, а мајка ми поминуваше сè повеќе време во својот голем кревет со четири столба, читајќи ја Библијата“, пишува во книгата.
Е.А. вели дека се преселила во Лос Анџелес откако злоупотребата на нејзината мајка се влошила.
„Една ноќ нејзиното емоционално злоставување стана физичко, и потоа се преселив во Лос Анџелес, во средината на седмо одделение. Моето старателство практично се промени – сега живеев во Лос Анџелес и го посетував Сакраменто за време на викендите и во лето.“
За време на нејзината последна година од средно училиште, нејзината мајка ѝ се јавила и ѝ кажала дека умира. Иако на нејзината мајка никогаш не ѝ била дијагностицирана болеста, Е. А. верува дека Дилингам имала биполарно растројство со епизоди на екстремна параноја и заблуди.
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
Николоски: Позицијата на Македонија станува афирмирана во Европа
Дали Извештајот за Македонија ќе се усвои оваа недела и следната во Европскиот Парламент не менува ништо. Ова се историски...
Трамп назначи 22-годишен градинар за шеф на канцеларијата за спречување на тероризам
Американскиот претседател, Доналд Трамп, назначи 22-годишник за раководител на главниот центар за спречување на тероризам на Министерството за внатрешна безбедност....
Русија го нападна Киев со ракети и дронови, погодени воз и станбени згради
Русија изврши интензивен ракетен и беспилотен напад врз украинскиот главен град Киев, во текот на ноќта, при што загинаа четири лица,...
Незапаметена кавга меѓу двајца најмоќни луѓе во светот: Трамп и Маск „војуваа“ на социјалните мрежи
Само десет минути по почетокот на средбата со германскиот канцелар Фридрих Мерц, американскиот претседател Доналд Трамп беше прашан за сè...
Гужва на граничните премини Богородица и Дојран
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од...
Започнува 59. МТФ „Војдан Чернодрински“ во Прилеп
Со претставата „12“, во режија на Синиша Евтимов, на Македонскиот народен театар, вечерва во 20 часот во големата сала на...
Арсовска до Елмази: Ќе ти објаснам уште еднаш ама читање до 4 одделение се учи
Градоначалничката на Град Скопје, Данела Арсовска, му одговори на Мухамед Елмази од Влен, дека Градот нема надлежност во Сарај. „Мухамед...
Мисајловски на состанок на НАТО во Брисел: Единството на Алијансата е на највисоко ниво
Mинистерот Владо Мисајловски заедно со министрите за одбрана на сојузничките земји денеска во седиштето на НАТО во Брисел учествуваше на...
За патувањето во Јапонија се потрошени 3.485.080 денари за билети, сместување и дневници, велат од ВМРО-ДПМНЕ
Во интерес на јавноста најостро реагираме на целосно шпекулативните информации и невистинити тврдења дека министерот за култура Зоран Љутков потрошил...
12 повредени од пожарот во Кочани се на лекување во болница, еден е во тешка состојба, рече Клековски
Сашо Клековски од ФЗО на денешната панел-дискусија, „Кочани е нашиот приоритет“, се осврна на ситуацијата во моментот во однос на...
(Видео) Кузеска: Власта организирано ги штити виновниците за трагедијата во Кочани
Христијан Мицкоски, Панче Тошковски и Коцевски и натаму ги штитат полициските службеници кои имаат директна вина за најголемата трагедија во...
„Шоферот го унапредил во службеник, вработена во кабинетот ја поставил за претседател на Управен во Опера и Балет, зошто на Љутков му се дозволува аздисување“, прашува СДСМ
„СДСМ денеска алармира за сериозни злоупотреби и скандалозно однесување во Министерството за култура и туризам, под раководство на Зоран Љутков....
Арсовска: Наредбите за девалвации и напади од штабот на ВМРО се спроведуваат
Наредбите за девалвации и напади од штабот на ВМРО се спроведуваат, објави на социјалните мрежи градоначалничката на Скопје, Данела Арсовска....
СВР Скопје го расчисти убиството во обид од 1 јуни, поднесени кривични пријави против три лица
СВР Скопје – Единица за насилен криминал поднесе кривична пријава против Г.А.(33) од Скопје поради постоење основи на сомнение за...
Тројца осомничени за обид за убиство пред фитнес-клуб во Чаир
Јавен обвинител од Основното јавно обвинителство Скопје донесе Наредба за спроведување истражна постапка против три лица за кои постои сомнение...
(Видео) Нови сателитски снимки го откриваат обемот на историската украинска операција
Новите сателитски снимки и снимките од нападот со дронови покажуваат сериозни оштетувања на руските авиони во неколку воздухопловни бази за...
Севернокорејскиот лидер вети безусловна поддршка за Русија на средбата со Шојгу
Севернокорејскиот лидер Ким Џонг Ун се сретна со секретарот на рускиот Совет за безбедност Сергеј Шојгу во вторникот, објави државната...
Трамп им забрани на странските студенти да се запишуваат на „Харвард“
Американскиот претседател Доналд Трамп објави дека го суспендира приемот на странски студенти на Харвард за шест месеци, наведувајќи ги загриженоста...
