Некои луѓе имаат посебна харизма и неодолива енергија која ги привлекува другите, без разлика каде се наоѓаат.

Нивната душа зрачи со добрина, мудрост и моќно присуство кое инспирира. Додека некои освојуваат со својата насмевка и шарм, други привлекуваат со својата длабока интуиција и бестрашен дух.

Според астрологијата, овие хороскопски знаци се издвојуваат по својата внатрешна убавина, магнетизам и единствена енергија која никого не остава рамнодушен.

Нивното присуство ја менува атмосферата, ги поттикнува луѓето да бидат подобри и внесува светлина во животите на оние околу нив.

Вага
Вагите имаат душа која сјае како ѕвезда, освојувајќи ги луѓето со нивната топла насмевка, елеганција и внатрешен мир. Нивното присуство носи чувство на рамнотежа и хармонија, па затоа се популарни во општеството и често се оние на кои другите се обраќаат за совет или утеха.

Нивната љубезност и нежност ги прават природни миротворци, способни да ја смират напнатата атмосфера и да најдат решение дури и во најпредизвикувачките ситуации.

Автентичното сочувство што го покажуваат кон другите ги инспирира луѓето самите да бидат подобри, додека нивната благодат и шарм никогаш не престануваат да пленат.

Шкорпија
Шкорпиите често се погрешно разбрани поради нивната интензивна и продорна енергија, но оние кои вистински ги познаваат знаат дека зад нивниот мистериозен изглед се крие исклучително убава и силна душа. Нивната внатрешна сила и способност да се поврзат со потемните и посветли аспекти на животот ги прават неодоливи.

Шкорпиите живеат без страв и ги поттикнуваат другите да ја најдат својата внатрешна моќ. Нивната аура носи магнетизам кој ги привлекува луѓето, додека нивната исклучителна интуиција им овозможува да ги читаат чувствата на другите и да им пружат поддршка дури и пред тие да ја побараат.

Тие се бестрашни борци за вистината, а нивната способност да ја препознаат и разберат суштината на човековата природа ги прави исклучително привлечни и инспиративни луѓе.

Стрелец
Стрелците се родени истражувачи и мотиватори, чии души се непредвидливи, моќни и убави по својата автентичност. Тие носат светлина и ги мотивираат луѓето да ги следат своите соништа, без оглед на пречките. Нивниот неодолив ентузијазам, харизма и спонтаност ги прават омилени во општеството.

Луѓето често се опседнати со нивната слободоумна природа, бидејќи Стрелците зрачат со самодоверба и храброст да живеат според сопствените правила.

Тие не дозволуваат ограничувањата да ги задржат, а нивната внатрешна сила ги инспирира другите да бидат похрабри и поискрени кон себе.

Нивната енергија не може да се дофати, но токму тоа ги прави толку неодоливи – тие се луѓе кои не се плашат да блеснат и не ја намалуваат својата брилијантност за доброто на другите.

Актерот Џорџ Клуни некогаш беше една од најбараните ѕвезди на романтичните комедии, но во последните години се оддалечи. Сега Клуни ја откри причината за неговото повлекување од романтичните комедии и влегувањето во нова фаза од кариерата, пренесува „Дејли мејл“.

„Видете, јас имам 63 години, не се обидувам да се натпреварувам со 25-годишни мажи. Тоа не е моја работа, повеќе не снимам романтични филмови”, рекол актерот кој од најпосакуваниот ерген во Холивуд стана сопруг и татко. Откако се ожени со меѓународната адвокатка за човекови права Амал во 2014 година и ги доби близнаците Александар и Ела во 2017 година, неговиот живот се промени, а исто така и неговата кариера.

Иако не беа секогаш романтични комедии во прашање, Клуни со својот шарм и на акционен филм ќе да му даде романтично чувство.

На пример, филмовите „Оушн 11“ и „Оушн 12“ не се романтични комедии, но поради тензијата и хуморот што им ги донесе со својата колешка Џулија Робертс, тие направија секоја заедничка сцена да изгледа како ром-ком. Ако зборуваме за романтични драми, тогаш тие содржат доволно хумор за да изгледа како романтична комедија.

Последниот ром-ком на Клуни беше „Билет за рајот“ од 2022 година, кој заработи скоро 169 милиони долари наспроти буџет од 60 милиони долари. Тој и Џулија Робертс повторно се обединија за да глумат разведени родители кои се здружуваат за да ја спречат свадбата на нивната ќерка на Бали.

Друг фактор, кој Клуни не го спомна, е тоа што романтичните комедии ја немаат истата привлечност како порано, а студијата произведуваат сè помалку од нив, додека останатите честопати се објавуваат директно на стриминг услугите, каде што брзо се забораваат. Причината за ова можеби е што некои ги гледаат кината како искуство достојно за филмови со голем буџет, додека некои го потценуваат квалитетот на романтичните комедии и ги сметаат за помалку важен жанр.

Клуни не ја крие возбудата за неговиот ангажман на Бродвеј со претставата „Добра ноќ и со среќа“ во која ќе го игра легендарниот новинар Едвард Р. Мароу. Клуни веќе е запознаен со овој материјал бидејќи работеше на истиот, само за филмската верзија која беше хит на бокс офисот. Филмот заработи 54,6 милиони долари наспроти буџет од 7 милиони долари и шест номинации за Оскар.

Клуни треба да се појави и во претстојниот филм на Нетфликс, долгометражната драма „Џеј Кели“, во режија на Ноа Баумбах, која исто така го напиша сценариото со Емили Мортимер, а во главните улоги се Клуни, Адам Сендлер, Лора Дерн, Били Крудап, Рајли Киу, Џим Бродбент и други.

Неделна астролошка прогноза за периодот од 31 март до 6 април 2025 година

Овен

Работа: Во вторник имате сериозен разговор со шефот – бидете подготвени да ги браните своите ставови.
Љубов: Партнерот би можел да искаже поплака која долго време ја држел внатре. Слободниот Овен ќе добие порака од поранешна љубов.
Здравје: Главоболката кон средината на неделата е сигнал дека ви треба повеќе одмор и помалку стрес.

Бик

Работа: Неделата носи неочекуван предлог за деловна соработка – прифатете само ако се е црно-бело.
Љубов: Можни се тензии со партнерот околу планирањето на заедничката иднина. Слободните запознаваат некој кој е интригантен преку работата.
Здравје: Дигестивни проблеми околу четврток – избегнувајте брза и тешка храна.

Близнаци

Работа: Ќе добиете пофалби од претпоставените, но и задача која бара целосна концентрација до петок.
Љубов: Некој ќе ви се отвори и ќе ги признае чувствата – нема да останете рамнодушни.
Здравје: На почетокот на неделата ќе се чувствувате исцрпени – квалитетниот сон нека ви биде приоритет.

Рак

Работа: Во среда ќе добиете важна е-пошта што може да го промени вашиот работен тек во април.
Љубов: Партнерот ќе биде расположен да зборува за минатото – бидете искрени.
Здравје: Ментален пад околу викендот – ви треба мир и изолација од негативни влијанија.

Лав

Работа: Голем проект влегува во завршна фаза – не дозволувајте ситниците да ви ја уништат репутацијата.
Љубов: Зафатените Лавови ќе доживеат љубоморен испад од партнерот, а слободните во четврток ќе влезат во интересен флерт.
Здравје: Ќе почувствувате напнатост во грбот – време е за повеќе движење или масажа.

Девица

Работа: Можна грешка во документацијата ќе предизвика нервоза во четврток – бидете прецизни.
Љубов: Партнерот ќе предложи заеднички проект или план кој дополнително може да ве поврзе.
Здравје: Чувствителниот стомак и недостатокот на апетит можат да ви го нарушат ритамот – јадете редовно.

Вага

Работа: Некој од тимот ќе се обиде да ја преземе вашата идеја – задолжително документирајте се’.
Љубов: Излегувањето во петок би можело да ви донесе ново познанство кое ќе ве заинтригира.
Здравје: Можни се блага вртоглавица – внимавајте на внесот на течности.

Скорпија

Работа: Ќе бидете под притисок поради роковите – обидете се да делегирате задачи.
Љубов: Партнерот ќе бара јасност во вашите чувства, а слободните Скорпии би можеле да се заљубат на прв поглед.
Здравје: Ќе доживеете несоница на почетокот на неделата – намалете го кофеинот и избегнувајте екрани пред спиење.

Стрелец

Работа: Ненадејно може да се појави патување поврзано со работата – одлуката ќе зависи од вас.
Љубов: Врската влегува во помирна фаза, но под површината демнат неискажани сомнежи – зборувајте.
Здравје: Заморот и исцрпеноста ќе бидат присутни цела недела – телото бара одмор.

Јарец

Работа: Вашиот претпоставен ќе ви даде задача која може да биде пресвртница во вашата кариера – не ја пропуштајте можноста.
Љубов: Партнерот може да ја отвори темата за заеднички живот или селење.
Здравје: Можни се болки во рамото и вратот поради премногу седење.

Водолија

Работа: Кон средината на неделата ќе добиете вести кои ќе ве мотивираат да започнете сопствен проект.
Љубов: Некој од кругот на пријатели ќе ви покаже романтичен интерес – вашата реакција ќе биде пресудна.
Здравје: Ќе почувствувате пад на енергијата – повеќе сон и свеж воздух ќе бидат доволни за закрепнување.

Риби

Работа: Ви претстои деловен предизвик – решавањето на конфликтот во тимот ќе зависи од вашата дипломатија.
Љубов: Партнерот ќе ве изненади со искрен гест. Слободните би можеле да ги обноват контактите со поранешниот партнер.
Здравје: Можни промени во расположението – воведувањето рутина ќе помогне да се стабилизирате.