Забава
Три хороскопски знаци што најдобро ги балансираат работата и приватниот живот
Овие три знаци знаат да се задоволат себеси и да се исклучат кога треба, а сепак да бидат добри лидери
Правењето нешто по напорниот ден на работа стана вистински предизвик. Малкумина се оние што поради брзиот живот може да го спојат приватниот и деловниот живот во еден ден.
Готвење оброк, сала за вежбање, хоби – на крајот сè се сведува на избор на една активност.
Сепак, некои знаци од Зодијакот ги прават и двете многу добро.
Јарец
Управувани од планетата на искушенија и неволји, Сатурн, Јарците се вешти во уметноста да создадат хармоничен баланс помеѓу времето за себе и работата. Тие лесно ги разјаснуваат приоритетите и не оставаат простор за одолжување. Тие го посветуваат своето неподелено внимание на својот ангажман додека се на работа и не поттикнуваат носење канцелариски товари дома. Покрај тоа, тие имаат исклучителна способност да се фокусираат на моментот и затоа нивното внимание останува непречено додека извршуваат каква било задача.
Како земјен знак, тие поставуваат практични, остварливи, временски ограничени цели и остануваат приземјени, дури и кога ќе ги постигнат. Иако вложиле многу труд за да ги исполнат своите високи очекувања, не дозволуваат нивната работа и личен живот да се испреплетат; го поставуваат распоредот и ретко преговараат со него, што им помага да не трпат стрес.
Вага
На Вагата ѝ одговара дипломатијата. Енергијата на Вагата се однесува на секого на практичен и разумен начин. Знакот со кој владее Венера гледа убавина и во најмалите нешта.
Вагите се одлични лидери на работа бидејќи не дозволуваат никој да биде изоставен, а го земаат предвид и мислењето на блиските и драги познајници кога се во прашање важни одлуки на нивното семејство. Зборот исклучување го нема во вокабуларот на Вагите бидејќи тие веруваат дека секој поединец или нешто има причина за постоење, што не треба да се игнорира. Ним им треба време да ги средат работите, да подготват анализа на околностите и потоа соодветно да реагираат.
Имаат голема емпатија, што ги тера да ги гледаат двете страни на ситуацијата од неутрална гледна точка и најдобро да проценат.
Сето ова заедно им носи внатрешен мир, што води до добро планирање на сите животни планови.
Бик
Со Бикот владее исто така Венера, планетата на љубовта и задоволството. Тие одлучно пристапуваат кон целите ориентирани кон работата и кариерата, а на семејниот живот со одговорност. Тие се жестоко заштитнички настроени кон своите колеги од канцеларија и членовите на семејството. Тие ја разбираат важноста на родителите во тешките моменти на работа и исто така со почит ја признаваат важноста да работат за да обезбедат подобар живот за блиските и за драгите луѓе.
Тие се лојални и доверливи, а нивната трпелива природа им помага да направат чекор по чекор за да дојдат до решение. Кога станува збор за нивната работа, тие ја одржуваат својата етика силна и на тој начин се позиционираат како големи лидери на работното место. Всушност, тие се исклучително добри во исполнувањето на роковите. Покрај тоа, тие се многу кооперативни со луѓето околу нив, па имаат тенденција да станат главна личност во канцеларијата и во нивните семејства.
Кога ќе дојдат дома, важно им е само едно – да се одморат и да се исклучат од сè, а за тоа го избираат хединистичкиот начин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.
Забава
По 20 години, Аврил Лавињ проговори за теоријата на заговор дека ангажирала двојничка: „Тоа ми е многу глупаво“
Аврил Лавињ неодамна зборуваше за митот што ја следи со години, а се работи за тоа дека на врвот на кариерата решила да ангажира двојничка по име Мелиса.
Во средината на 2003 година се појавија шпекулации дека панкерката решила да ја ангажира Мелиса по албумот Let Go и од оваа гледна точка ѝ е смешно.
„Мислам, едноставно, смешно ми е. Од една страна, некои велат: „О, боже, изгледаш потполно исто. Не си остарела ни ден“, а потоа други луѓе велат дека постои теорија на заговор дека тоа не сум јас“, рече Аврил додавајќи дека тоа е глупост.
View this post on Instagram
Сепак, таа не сакаше да прави драма за ова, а на сѐ гледаше од попозитивна страна.
„Искрено, не е толку лошо. Можеше да биде и полошо, нели? Мислам дека добив добра реклама. Не го гледам како нешто негативно. Не е ништо страшно“, рече таа во поткастот Call Her Daddy.
Оваа бизарна теорија се појавила на почетокот на овој век, а причината била наведена дека Аврил била исцрпена поради славата и популарноста. Некои отидоа и чекор подалеку и мислат дека пејачката починала меѓу албумите Let Go од 2002 година и Under My Skin од 2004 година, а потоа ја замениле со Мелиса.
Теоретичарите на заговор повторно ја почнаа оваа тема пред неколку години на „Твитер“ во тоа време (сега X) и сакаа да ја поддржат оваа тема со докази засновани на промената во нејзиниот изглед со текот на годините, како и тетоважата, која изгледаше како да пишува Мелиса.
Забава
(Видео) Трите најпопуларни туристички дестинации во 2024 година – Грција втора
Според „Травел локал“, Костарика, Грција и Виетнам ќе бидат најпопуларните туристички дестинации во 2024 година.
Туристичката компанија ги анализирала податоците за резервации за да ги открие најпопуларните дестинации, како и најдобриот месец за нивна посета.
Грција
Грција е прогласена за втора најпопуларна дестинација за посета, а интересно е што најдобро време за одмор во таа земја е октомври.
„Октомври е совршено време за посета на Грција бидејќи е надвор од шпицот на сезоната, така што има многу малку метеж и исто така е многу подостапно. Времето е сè уште топло и идеално за истражување и запознавање на автентичниот грчки живот“, според „Травел локал“.
Додека повеќето туристи во Грција се упатуваат кон места како Миконос, Санторини и Крит, има многу други помалку познати дестинации за посета, вклучувајќи го и полуостровот Пелион, каде што локалното население е познато дека летува.
Сместен помеѓу Атина и Солун, полуостровот Пелион излегува на Егејското Море и е дом на над 70 шармантни села и многу песочни плажи, според „Сан“.
Костарика
Сан Хозе е едно од најпопуларните туристички места во Костарика, каде што се среќаваат посетители од целиот свет. Тој е и нејзин главен град, а преплавен е со места од историско, уметничко и културно значење.
Доколку планирате патување во Костарика, задолжително посетете ги: Мануел Антонио, Ла Фортун во Сан Карлос, каде што се наоѓа познатиот вулкан Тамариндо, кој се карактеризира со прекрасни плажи и многу опции за спортови на вода.
Виетнам
Дестинација што не се пропушта во Виетнам е дефинитивно Ханој, кој е еден од најстарите градови во Југоисточна Азија, основан уште во далечната 1010 година под името Танг Лонг – змејот што расте.
Сепак, убедливо најпопуларната дестинација во Виетнам е заливот Халонг. Се наоѓа на североистокот на Виетнам во Јужното Кинеско Море, а исто така е на списокот на светското наследство на УНЕСКО.
Се карактеризира со повеќе од 3.000 нереални острови и магичен подводен свет.