Забава
Три хороскопски знаци на кои се’ ќе им оди од рака до крајот на годината

Како што се приближува крајот на годината, ѕвездите се усогласуваат на начин што им носи посебна доза на среќа и успех на некои хороскопски знаци. Додека некои можеби минуваат низ предизвици, одредени знаци може да очекуваат наплив на позитивна енергија, успех и исполнетост во различни аспекти од нивниот живот. Во оваа статија дознаваме на кои знаци остатокот од годината ќе им биде особено поволен и што им подготвуваат ѕвездите.
Бик
За Биковите, остатокот од годината го носи долгоочекуваниот финансиски просперитет. Оние кои работеа вредно, конечно ќе ги соберат плодовите на својот труд. Ѕвездите им се особено поволни кога се во прашање финансиите, инвестициите и деловните можности. Очекувајте не само стабилност, туку и ненадејни можности кои дополнително ќе ја подобрат вашата финансиска состојба.
Финансиската сигурност и просперитетот ќе бидат во преден план. Без разлика дали се работи за промоција, поволна инвестиција или дури и неочекувано наследство, Бикот ќе ужива чувство на сигурност и задоволство. Исто така, нивната способност да управуваат со пари и да планираат за иднината ќе им донесе чувство на стабилност што долго време ја посакуваат. Во љубовта, Биковите ќе чувствуваат зголемена поврзаност со партнерот, додека слободните припадници на овој знак ќе ги привлекуваат луѓе кои ги споделуваат нивните вредности и цели.
Девица
Во останатиот дел од годината, Девиците ќе почувствуваат неверојатен излив на енергија и мотивација кога станува збор за професионалниот живот. Ѕвездите се особено поволни за нив на полето на кариерата, што значи дека можат да очекуваат можности за напредување, преземање нови проекти или дури и промена на работнoто место која ќе донесе поголемо задоволство и успех.
Професионалното напредување ќе биде главниот фокус на Девиците. Ќе се препознае нивната посветеност, аналитичките вештини и трудољубивоста, а ќе има и награди. Очекувајте промоција, признание за достигнувања или дури можност да работите на проект кој ќе ви овозможи да блеснете во полн сјај. Покрај тоа, Девиците ќе се посветат на личниот развој, што ќе им донесе чувство на исполнетост и задоволство. Во љубовниот живот Девиците ќе чувствуваат хармонија и стабилност, особено во долгите врски.
Стрелец
Стрелците се познати по љубовта кон авантурите, а остатокот од годината го носи токму тоа – нови авантури, патувања и возбудливи искуства. Ѕвездите се особено поволни за нив кога станува збор за љубовта и новите познанства, па слободните Стрелци ги очекуваат возбудливи романтични средби, додека оние во врска ќе доживеат освежување и продлабочување на врската.
Очекувајте низа можности за патување, нови искуства и личен развој. Стрелците ќе бидат во нивниот елемент, ќе истражуваат нови хоризонти и ќе запознаваат интересни луѓе. Во љубовниот живот, овој знак ќе доживее обновена страст и романса, а некои Стрелци ќе ја најдат дури и својата сродна душа. Професионално, Стрелците ќе ја искористат својата енергија и оптимизам за да постигнат успех во нови проекти и деловни потфати. Нивната спонтаност и храброст ќе бидат клучни за постигнување на нивните цели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Николина Пишек покажа како ја уредила својата вила во Загреб вредна 1,7 милиони евра

Николина Пишек на Инстаграм покажа како изгледа внатрешноста на нејзината куќа во Загреб.
Дневната соба е уредена во неутрални тонови. Посебно се истакнуваат сивиот кауч украсен со шарени перници и големото растение во керамичка саксија.
Николина ја сними и златната масичка. Внимание привлече и кујната со минималистички дизајн и уметничките дела на ѕидовите.
Куќата има 420 метри квадратни и градина од 1460 метри квадратни, која е изградена во 2012 година. Има голема дневна соба, кујна, пристап до базен, 3 спални соби и простор за персонал.
Николина ја купила вилата во Загреб со нејзиниот покоен сопруг Видоје Ристовиќ. Таа почна да ја уредува минатата година.
Забава
Мелинда Гејтс: Разводот од Бил беше мојот одговор на предавствата во бракот

Мелинда Френч Гејтс, поранешна сопруга на милијардерот Бил Гејтс, отворено проговори за разводот во својата книга „The Next Day“. Вели дека се почнало да се одвива во тајност, една година пред да стигне официјалната потврда за разводот.
За ова, таа даде интервју и за магазинот „Пипл“, каде што рече дека веќе во 2019 година почнала да има кошмари „за убава куќа која се урива околу неа“. Таа пишува дека подоцна ги сфатила како потсвесни сигнали дека има проблеми во нејзиниот брак.
Во февруари следната година, парот беше на одмор во Ново Мексико. Последната ноќ од патувањето, Мелинда му рекла на Бил дека сака да живее одвоено и дека ќе живее со нивната најмлада ќерка Фиби. „Тоа беше еден од најстрашните разговори што некогаш сум ги имала“, истакнува Мелинда, додавајќи дека Бил имал разбирање и покрај се. Поради се почнала терапија која ја опишала како нејзин одговор „на предавствата во бракот и обидот да не се изневери самата себе“.
Да потсетиме, Бил еднаш го опиша разводот како една од најголемите грешки во неговиот живот. „Има повеќе, но ништо не е важно. Разводот беше болен за Мелинда и мене најмалку две години“, истакна тој. Мелинда потоа рече дека знаела дека „ќе биде добро сама“ откако ќе се разведе.
Бил Гејтс и Мелинда Френч Гејтс се венчаа во 1994 година, а заедно ги имаат ќерките Џенифер (28) и Фиби (22) и синот Рори (25). Тие ја потврдија веста за нивниот развод во мај 2021 година по 27 години брак. Тие наводно биле разделени една година пред потврдата.
Забава
(Фото) Џорџ Клуни изгледа непрепознатливо со новата боја на коса

Џорџ Клуни се појави со Џулија Робертс пред театарот Winter Garden на њујоршкиот Бродвеј, каде што се фотографираа со обожавателите и даваа автограми.
Клуни повторно го привлече вниманието со својот нов имиџ, а луѓето не можат а да не се изненадат колку поинаку изгледа со новата боја на коса. Шеесет и четиригодишниот актер ја обои препознатливата седа коса во кафена боја за шоу на Бродвеј.
Покрај новата боја на коса, Клуни го промени и стилот и сега го носи таканаречениот „имиџ на италијанската мафија“, со залижана коса и очила за сонце со сино-виолетови стакла.
Клуни глуми во претставата Good Night, and Good Luck, адаптација на истоимениот филм од 2005 година, за кој тој го напиша сценариото, го режираше и глумеше. Претставата имаше претпремиера на 12 март, а официјалната премиера е закажана за 3 април.