Забава
Фејсбук воведува опција за спречување самоубиства

Социјалната мрежа Фејсбук ќе воведе нови опции кои на корисниците ќе им овозможат да пријават лице за кое се сомневаат дека би можело да изврши самоубиство за време на пренос на видео содржина во живо преку оваа социјална мрежа.
Фејсбук соопшти во среда дека како мрежа е во „единствена позиција“ да ги поврзе корисниците кои имаат психички проблеми со луѓето кои можат да им пружат поддршка.
За да може компанијата да ја оствари таа цел, луѓето кои гледаат пренос во живо на некоја содржина ќе можат да го пријават тој видео клип за Фејсбук моментално да ги контактира итните служби ако лицето е во голема опасност. На лицето што емитува таква содржина во тој случај на дисплејот на телефонот ќе му се појават повеќе опции, за да може да повика некој близок или телефонската служба за помош и поддршка.
Компанијата ќе ја подобри и пријавата на постови на Фејсбук во кои корисникот навестува можност за самоубиство или самоповредување, а лицето што се чувствува депресивно ќе може полесно да контактира поддршка преку фејзбук апликацијата за пораки.
Четиринаесетгодишно девојче од Флорида во живо го пренесуваше своето самоубиство на Фејсбук минатиот месец, неколку часа откако на таа мрежа напиша дека повеќе не сака да живее и додаде три тажни смајли икончиња.
Најмалку три лица минатиот месец во живо го емитувале своето самоубиство на Фејсбук. /крај/бл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Есенската магија на најубавата кралица: повторно мами воздишки

Доколку сè уште се сомневавте која е најдобро облечената жена во Европа, таа сега ги реши сите наши дилеми.
Кралицата Летиција од Шпанија ја докажува својата моќ одново и одново преку модни изданија. Оваа жена е инспирација во секоја сезона, од летни фустани до совршени есенски комбинации.
Таа беше во посета на палатата Навара со своето семејство и за таа пригода избра бордо одело, со совршен крој и совршени есенски нијанси.
Комплетот на кралицата Летиција се состоеше од елегантни панталони со малку пошироки ногавици и долго, малку струкирано сако. Одоздола носеше едноставна црна маица, а сè го заокружи со модерни чевли.
Кралицата ја поздрави толпата и уживаше во времето поминато со своите најблиски, а целиот свет имаше можност повторно да види која е најдобро облечената жена во Европа.
Бордо бојата е секогаш хит, особено кога доаѓа есента, а Летиција е неоспорен владетел кога станува збор за избор на комбинации.
Всушност, дали постои област од модата каде што таа не е кралица во вистинската смисла на зборот?
фото: принтскрин
Забава
Методот 6-6-6 го освојува светот: доведете го вашето тело до совршенство без напор

Ако мислевте дека одењето е здодевно, можеби ќе сакате повторно да размислите и сами да се уверите дека не е.
Нов фитнес тренд што го зафаќа Тик-ток докажува дека понекогаш наједноставните работи можат да функционираат најдобро. Тоа е методот „6-6-6“ – лесен, забавен и неверојатно ефикасен и за телото и за умот.
Целиот трик е едноставен: 6 минути лесно одење за загревање, потоа 6 минути енергично одење за да ја забрзате циркулацијата на крвта и метаболизмот, и конечно 6 минути опуштање за да му помогнете на вашето тело да премине во мирна состојба на релаксација.
Флексибилно е, може да се вклучи во кое било време од денот и е совршено за сите возрасти – од почетници до искусни вежбачи.
Личен тренер од Лос Анџелес објасни за Фокс Њуз: „Одењето е мојот начин да го ресетирам мојот ум, да ја смирам мојата анксиозност и да го одржувам моето тело во движење дури и кога не вежбам интензивно.“
И затоа сè повеќе луѓе низ целиот свет избираат да го вклучат овој тренд во нивната дневна рутина.
Зошто „6-6-6“ е толку добар за вас?
Прво, се фокусира на конзистентност, а не на напор. Нема исцрпувачки тренинзи, но телото сепак губи маснотии и станува посилно – идеално за оние кои сакаат резултати без драстични напори. Студиите од Националните институти за здравје покажуваат дека редовното одење:
- го подобрува кардиоваскуларното здравје
- го намалува крвниот притисок
- помага во регулирањето на холестеролот
Иако не гради мускули како теретана, ги зајакнува мускулните влакна со бавно грчење, кои помагаат во издржливоста и спречуваат губење на мускулите со возраста. Плус, ја подобрува целокупната кондиција, согорува маснотии и го одржува телото активно.
Совети за совршен чекор
- Држете го ‘рбетот исправен, стомачните мускули навнатре, градите напред и рамената назад
- Не ги прекрстувајте нозете додека одите
- Започнете со 20 минути ако сте почетник, а искусните одачи можат да го зголемат интензитетот и времетраењето
- Најважно од сè – слушајте го вашето тело и прилагодете го темпото
Ако сакате да видите како вашето тело и расположение се менуваат практично преку ноќ, ова е вистинскиот начин да воведете движење во вашата дневна рутина. И да, одењето никогаш не било толку популарно на Тик-ток!
фото: принтскрин
Забава
(Фото) Селена Гомез се омажи: венчаница од најубавата бајка, а таа блеска од среќа

Пејачката и глумица Селена Гомез и музичкиот продуцент Бени Бланко го кажаа своето судбоносно „да“.
Раскошната церемонија беше организирана во Калифорнија, гостите беа сместени во луксузен спа-центар, од каде што автобус ги однесе до самата свадба.
Сè беше подредено на нивните желби, а како што се наведува, 300.000 долари беа издвоени само за безбедноста и приватноста на сите.
Селена блескаше во прекрасна венчаница од Ралф Лорен, а објави и неколку фотографии од свадбата на социјалните мрежи.
Елегантниот фустан имаше струкиран корсет украсен со цветни мотиви, а интересно е што оделото на младоженецот беше дело на истиот дизајнер.
Меѓу гостите беа Тејлор Свифт и Парис Хилтон.
Селена Гомез и Бени Бланко се познаваат многу години, но јавно ја потврдија својата врска во 2023 година, а Бени ја побара за жена следната година.
Како што претходно наведоа во своите изјави, тие ќе ги задржат сите детали од свадбата за себе, па затоа останаа доследни на тоа, и нема дополнителни детали во врска со нивната церемонија.