Забава
Финансиските тешкотии се нивно второ име: хороскопски знаци кои немаат среќа со парите

Според астрологијата, некои луѓе имаат поголема веројатност да западнат во финансиски тешкотии, не затоа што не заработуваат доволно, туку затоа што трошат импулсивно, преземаат ризици без план или едноставно не размислуваат за долгорочните последици.
Некои имаат тенденција да ги игнорираат предупредувањата, други премногу се потпираат на среќа, а трети пак имаат тешкотии да разликуваат желби од потреби. Таквите луѓе често се раѓаат во следните хороскопски знаци.
Стрелец
Луѓето родени во знакот на Стрелец ја сакаат слободата и авантурата, а тоа често се гледа во нивниот став кон парите. Наместо да штедат, тие би сакале да трошат на патувања, искуства или подароци – честопати без да размислуваат за последиците.
Нивниот оптимизам ги тера да веруваат дека ситуацијата секогаш ќе се реши некако. Но, овој став може да доведе до долгови или зависност од други кога работите ќе тргнат наопаку. На Стрелецот му треба малку повеќе планирање и помалку импулсивно трошење.
Риби
Рибите се емотивни и често трошат пари за да го подигнат расположението или да им помогнат на другите, дури и кога не можат да си го дозволат тоа. Тие не сакаат да се замараат со бројки и честопати избегнуваат да размислуваат за фактичкото салдо на нивната сметка.
Поради нивната чувствителност, тие се способни да преземат финансиска одговорност за другите, што може да ги доведе во незавидни ситуации. Иако имаат добра интуиција, ретко ја користат кога станува збор за финансии. Дисциплиниран пристап кон парите би можел многу да им го олесни животот.
Близнаци
Близнаците се љубопитни и склони кон чести промени, што често се одразува на нивните пари. Тие се привлечени од нови идеи, трендови и импулсивни купувања, поради што лесно ја губат контролата врз својот буџет. Тешко им е да останат доследни на долгорочните финансиски цели бидејќи нивните приоритети брзо се менуваат.
Тие можат да заработат многу пари, но исто така можат брзо да потрошат сè што имаат. Кога ќе научат како да се справат со сопствената неодлучност и ќе создадат рутина, можат да избегнат многу финансиски тешкотии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Скопјанката Лара Станчева победи на Top Model International 2025 во Монако

Минатата недела во престижната сала Sporting Monte Carlo во Монако се одржа финалето на 21. избор за Top Model International 2025, на кој победи нашата претставничка, 15-годишната Лара Станчева ученичка во средното училиште „Георги Димитров“ од Скопје.
Таа овој успех го направи во конкуренција на 59 девојки учеснички од целиот свет.
Лара е член на Модното студио Црнокрак, од кое добивме информации во врска со овој интернационален избор за модели, на кој Македонија за прв пат имаше свои претставници.
Првично од преку 10.000 кандидати, пријавени онлајн од целиот свет се избраа 5.000 од 35 националности, кои беа на кастинг во повеке градови во Европа. На кастингот во Париз, Лара беше избрана за полуфинале во Брисел заедно со 450 кандидати. И таму Лара одлично се претстави и влезе во финалето, меѓу најдобрите 111 девојки, од кои 52 беа во конкуренција на модели и 59 во конкуренција на фотомодели.
Финалето се одржа во престижната сала Sporting Monte Carlo, а Лара Станчева победи во конкуренција на фотомодели.
Кај машките победник е Matteo Mergny од Белгија, а Македонија ја претставуваше Димитар Димоски кој имаше најголем број гласови од public voting и во Брисел ја освои наградата фотосесија во Saint Tropez.
Во конкуренција на модели победи Emma Demay од Франција, а кај машките претставникот на Италија Federico Rossini.
За победата Лара доби учество во два големи проекти, две големи кампањи за светски познати модни брендови, за кои снимањата во наредниов период ќе бидат во Маракеш, Мароко и на Малдивите.
Забава
(Видео) Започна снимањето на новата сезона од серијата што ја гледаа 100 милиони луѓе

Криминолошката серија „Лупин“, која ја гледаат стотици милиони луѓе на „Нетфликс“, ги воодушеви гледачите ширум светот.
Многумина велат дека „се заљубиле во серијата по првите пет минути од првата епизода“.
Францускиот трилер првпат се емитуваше во 2021 година, а главните улоги ги играат Омар Си, Лудивин Сање и Клотилд Хесме. Во центарот на заплетот е Асан Диоп (Си), кој е инспириран од приказните за познатиот измислен крадец Арсен Лупин и самиот станува вешт криминалец. Синопсисот вели дека Асан „се одмаздил на богато семејство кое му згрешило на неговиот татко“.
Серијата е создадена од Џорџ Кеј и Франсоа Узан, а од премиерата досега има собрано импресивни 99,5 милиони прегледи на „Нетфликс“.
На социјалните мрежи гледачите пишуваат: „Лупин на Нетфликс – совршена десетка. Погледнете го“, „Тукушто го гледав Лупин. Одлична серија, ве држи заинтересирани до крај“ и „Мора да го гледате Лупин на Нетфликс. Едноставно е серија за мој вкус“.
Но, не сите го делат истото мислење.
Еден корисник напиша на страницата со рецензии: „Омар Си како Лупин е шармантен, но заплетите се сосема нереални… понекогаш едноставно глупави. Се чинеше дека има потенцијал бидејќи продукцијата е врвна, но приказните се навистина претерани.“
Забава
(Фото) 10 најинтересни модни креации од доделувањето на наградите AMA

По двегодишна пауза, доделувањето на Американските музички награди се одржа синоќа во Лас Вегас. Иако Били Ајлиш (23) триумфира во сите седум категории за кои беше номинирана, ниту таа ниту многубројни други ѕвезди – вклучувајќи ги Тејлор Свифт, Сабрина Карпентер и Аријана Гранде – не се појавија на доделувањето на наградите.
Церемонијата ја водеше Џенифер Лопез, а на сцената настапија и сер Род Стјуарт, Рене Рап, Гвен Стефани и Џенет Џексон. Сепак, публиката не беше импресионирана – многумина на социјалните мрежи го нарекоа настанот „најлошата церемонија на доделување награди досега“ најмногу поради отсуството на главните категории од емитувањето и недостигот на познати лица во публиката.
Но, и покрај сè, некои успеаја да привлечат внимание – барем со своите модни избори.