Забава
(Фото) Ирина Шајк има достојна наследничка: манекенка со специфична убавина засени многумина

Австралискиот модел Шанина Шаик неодамна присуствуваше на The Fashion Trust Awards во Лос Анџелес, а за таа прилика носеше бела креација на брендот Cult Gaia.
Сатенскиот фустан е украсен со едноставен крој, а интересни се и цветните мотиви кои се протегаат преку рамениците и грбот. Дизајнерите размислувале за секој детал при креирањето на овој фустан, и намерно направиле „отворен грб“ кој додаде доза на сексипилност и заводливост.
Шанина го комплетираше изгледот со златни обетки и наједноставната фризура – ниска пунџа.
Што се однесува до шминката, нејзините шминкери се определиле за таканаречениот „природен изглед“ кој само ја подобрувал постоечката природна убавина. Со тоа полните усни на Шанина дојдоа до полн израз.
Инаку, Шанина Шаик често ја поврзуваат со Русинката Ирина Шајк и поради нејзиното презиме и поради нејзината специфична убавина.
Работела за престижни брендови како Шанел, Вивиен Вествуд, Дизел, Стела Макартни, Том Форд… и ги красела насловните страници и едиторијалите на престижните модни списанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото/Видео) Фустанот што го воодушеви целиот Кан

Дакота Џонсон имаше неколку незаборавни настапи на овогодинешниот Кански филмски фестивал. Сепак, со едно издание, го потврди доаѓањето на два нови тренда.
На премиерата на филмот „Highest 2 Lowest“, таа се појави во впечатлива розова тоалета. За црвениот тепих, таа избра долг фустан без прерамки од Гучи.
@voguemagazine #DakotaJohnson’s candy pink #Gucci gown for the 2025 #Cannes Film Festival comes with a story… well kind of. Tap the link in bio watch her get ready for the “Spitsville” premiere in this installment of Vogue’s #LastLooks ♬ original sound – Vogue
Креацијата се карактеризираше и со дебели ресни кои се движеа со секој чекор и му даваа дополнителна динамика на неговиот изглед.
Таа ја надополни комбинацијата со предимензионирани сребрени обетки, шминка во природни тонови и брановидна фризура.
„Фустанот е совршен за неа“, „Таа е совршена, а фустанот гори“, „Најубавата розова боја“, „Без зборови сум. Фустанот, шминката… ова е едноставно совршенство“, се само дел од коментарите на социјалните мрежи.
Со ова издание, Дакота ја потврди доминацијата на два главни тренда на сезоната – нежно розовата, која е исклучително популарна оваа година, и враќањето на т.н. фустан во облик на цевка.
Ова се фустани без прерамки, чиј горен дел ја следи линијата на телото, додека остатокот од фустанот може да биде подеднакво тесен или малку лелеав, во зависност од кројот.
Овој тип на дизајн – едноставен, женствен и елегантен – повторно е во фокусот на модните куќи и е идеален за потоплите денови.
Забава
Навики кои согоруваат повеќе калории од вежбањето – никогаш не би погодиле

Ако теретаната звучи како казна, а трчањето како кошмар, имаме добри вести: не мора да поминувате часови вежбајќи за да согорувате калории.
Постојат секојдневни активности и трикови кои можат да бидат поефикасни од еден час тренинг, бидејќи го активираат метаболизмот во позадина – без напор, без пот, без грижа на совест.
1. Стоење наместо седење
Заменете барем еден или два часа седење дневно со стоење – додека зборувате на телефон, работите на лаптоп или гледате серија. Оваа мала промена може да согори до 80 калории повеќе на час, во зависност од вашата тежина.
2. Прошетајте по оброк
Лесна прошетка од само 10 до 15 минути по јадење го стабилизира шеќерот во крвта, го поттикнува варењето на храната и согорува калории поефикасно отколку што можеби мислите. И, најдобро од сè, спречува вишокот енергија да се претвори во масти.
3. Играње со деца, домашни миленици или чистење на куќата
Активностите што не ги перцепираме како „тренинг“ честопати се токму она што ни треба. Усисување, миење прозорци, играње со кучето, трчање по дете во паркот – сето ова заедно може да „согори“ до 200-300 калории дневно, без да се направи ниту еден чекор во теретана.
4. Ладна вода и постуден туш
Пиењето ладна вода го забрзува метаболизмот за кратко време, но изложеноста на студ (на пример, пократок туш со ладна вода) го принудува телото да троши енергија за одржување на температурата. Овој термоген ефект може да ви помогне пасивно да согорувате повеќе калории.
5. Длабоко дишење и правилно држење на телото
Можеби звучи банално, но седењето исправено, активирањето на мускулите на јадрото и правилното дишење (длабоко, дијафрагматично) можат нежно да ги активираат вашите мускули и да резултираат со дополнително согорување на масти во текот на денот. Исто така, помага во варењето на храната.
6. Спиење во постудена соба
Студиите покажаа дека спиењето на температура од околу 18 степени ја зголемува активноста на кафеаво масно ткиво, кое согорува калории дури и додека спиете. Идеално, нели?
7. Смеа
Смеењето од срце може да согори 40-50 калории за 10-15 минути. Освен што го подобрува расположението, го поддржува здравјето и троши енергија, со минимален напор.
Забава
Ништо не можете да им сокриете: најинтуитивните хороскопски знаци

Постојат луѓе кои едноставно чувствуваат работи – дури и пред да ги изговорите. Може да се обидете да глумите дека сè е во ред, но тие ќе знаат дека не е. Интуицијата кај нив е како внатрешен радар што ги бележи и најмалите промени во тонот, погледот или однесувањето. Астрологијата вели дека припадниците на овие хороскопски знаци се родени „читачи меѓу редови“, и речиси е невозможно нешто да им се сокрие.
Риби
Рибите се неверојатно чувствителни на туѓите емоции и расположенија. Речиси како да имаат шесто сетило кога станува збор за намерите, скриените мисли и она што луѓето не сакаат да го кажат на глас. Нивната емпатија гранични со психичка перцепција – толку се поврзани со туѓите енергии што често ни самите не знаат дали чувството што го имаат е нивно или туѓо. Ако сте тажни, лути, заљубени или нешто криете – Рибите ќе го знаат тоа. И пред вие самите да сфатите.
Шкорпија
Шкорпиите имаат вродена способност да навлезат во суштината на нештата. Нивната интуиција не е нежна како кај Рибите – таа е длабока, остра и аналитична. Ако нешто не им штима, нема веднаш да ве соочат, но ќе почнат да ве набљудуваат, да испитуваат и да ги поврзуваат точките. Шкорпиите не веруваат лесно, но кога ќе почувствуваат дека нешто им криете, се претвораат во детективи. И не се откажуваат додека не ја откријат вистината. Нивното внатрешно непријателство често се покажува како оправдано – затоа што ретко грешат.