Забава
(Фото) И модната класика на неа е спектакл

Амал и Џорџ Клуни ја напуштија Венеција по неколку дена на Филмскиот фестивал, каде што уште еднаш нè убедија дека се еден од најхармоничните познати парови.
Амал Клуни и Џорџ Клуни присуствуваа на овогодинешниот Венециски филмски фестивал, кој трае до 6 септември, а во таа прилика можевме да ја видиме познатата адвокатка во разни модни изданија во кои ја воодушеви светската јавност. За крај остави уште еден непогрешлив моден избор, но овој пат малку покласичен.
Славниот пар престојуваше на езерото Комо, а фотографите не ги испуштија од вид. Ја видовме Амал во прекрасни жолти комбинации, а потоа нè освои во розов мини фустан кој ја истакнуваше нејзината женственост и неверојатна фигура, и нè потсети зошто го заклучи срцето на познатиот шармер Џорџ Клуни.
При заминувањето од фестивалот, тие повторно беа фотографирани држејќи се за раце, а Амал воодушеви со сосема поинаков избор од оној што го видовме на црвениот тепих во последните денови.
Станува збор за моден класик во црна боја, едноставен, тесен миди фустан со едноставен крој кој ја следи линијата на телото и кој го комбинираше со бели чевли и сламена шапка со голем обод.
Тука се и големи црни очила за сонце, лежерна коса со свиткани прамени, но и нејзиниот сакан – Џорџ Клуни, кого овој пат го држеше под рака.
Таа повторно нè убеди во своите беспрекорни модни избори, но и дека некои парчиња навистина вреди да ги имате во вашиот гардеробер, бидејќи се за секоја пригода.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Вистинска дама изгледа како Скарлет Јохансон

Скарлет Јохансон неодамна се појави во The Late Show со Стивен Колбер. Љубопитните фотографи ја фотографираа на улиците на Њујорк, пред студиото, а за таа пригода таа одлучи да облече дамска креација.
Дамската облека се карактеризира со отсуство на кич детали, минималистички крој, црн фустан и високи потпетици. Стилот на познатата русокоса ги содржеше сите горенаведени карактеристики и се квалификува за терминот дамско издание.
Скарлет носеше црн макси фустан со рамен крој, што ја истакнуваше нејзината завидна фигура, а впечатлив беше и преголемиот ремен што ја нагласуваше нејзината половина.
Стилот го надополни со златни додатоци, шминка во земјени тонови и впечатлив црвен кармин, како и рамна коса.
фото: принтскрин
Забава
(Фото) Леонардо ди Каприо, конечно, го покажа лицето и сите се прашуваат – што му се случува?

Леонардо ди Каприо во последните неколку дена работи на промовирање на својот филм One Battle After Another, а неговото неодамнешно појавување во Њујорк го привлече вниманието на јавноста.
Познатиот холивудски шармер одлучи да облече класичен сив двореден костум за таа пригода.
Сепак, најголемо внимание на јавноста привлече неговата фигура бидејќи, според странските медиуми, актерот изгубил многу килограми, како и стомакот, кој му беше заштитен знак со години.
Покрај тоа, неговото лице не остана незабележано. Изгледа многу помладо, веројатно и новата фризура придонесува за тој впечаток, а можеби и врската со 23 години помладата италијанска убавица.
Во секој случај, никој не може да го негира фактот дека нешто се случува во животот на овој згоден маж…
фото: принтскрин
Забава
Џулија Робертс ги потврди преговорите за продолжение на култната романтична комедија

Обожавателите на култната романтична комедија My Best Friend’s Wedding имаат причина за славење. Џулија Робертс потврди дека е во преговори да ја повтори својата улога како Џулс Потер во долгоочекуваното продолжение. Актерката, добитничка на „Оскар“, ја откри веста во интервју за „Варајети“.
Додека дискутира за својот нов филм„After the Hunt, 57-годишната актерка беше прашана дали ќе се појави во продолжението на хитот од 1997 година. „Ми се јавија“, одговори кратко Робертс потврдувајќи дека разговорите се во тек. „Варајети“ објавува дека актерката се насмеала кога режисерот Лука Гвадањино, кој исто така се појави во интервјуто, на шега рекол дека ќе го режира продолжението во секунда.
Веста за продолжението првпат се појави кон крајот на јули кога беше објавено дека режисерката Селин Сонг потпишала договор за сценариото.
Иако 37-годишната Сонг е потпишана за сценариото, режисерот и остатокот од екипата сè уште не се официјално потврдени. Оригиналниот филм е режиран од австралискиот режисер П. Џ. Хоган.
фото: принтскрин