Забава
(Фото) Освен што штити од сончевите зраци, модниот додаток може да го подигне целото издание на друго ниво

Освен што ве штити од УВ-зраци, тоа е и врвен моден трик што прави разлика помеѓу „секојдневно“ и „вау, која е оваа девојка?“ Еве ги четирите најдоминантни трендови за шапки за летото 2025 година – од гламурозниот брег до најопуштената забава.
1. Каубојски шапки – западна романса на песок
За сите љубители на бохо-шик естетиката и Дивиот Запад, каубојската шапка е неопходен дел од летната гардероба. Совршено се вклопува со плетено парео за плажа, златни ѓердани и белезици. Ќе изгледате како стилска фестивалска кралица! А ако сакате фустанчиња – уште подобро. Комбинацијата е готова!
View this post on Instagram
2. Џокеј-капи – спортска елеганција без напор
Задолжителната бејзбол-капа се враќа со полна сила! Оваа практична капа внесува допир на лежерност и може да се носи и со спортски и со опуштен стил. Помислете на: спортски шорцови, краток топ со принт, шарени очила за сонце и вашите омилени патики – рецепт за урбан летен изглед. Или комбинирајте ја со ленен костим или капри-панталони за суптилен шик.
View this post on Instagram
3. Рибарска капа – младешка, разиграна и неодолива
Ако сакате да си играте со бои и текстури, капата во облик на кофа е вистинскиот избор за вас. Одлично се вклопува со тексас шорцови, обична бела маица, патики и платнена чанта. А ако е во светла, луда боја – уште подобро! Ефектот? Разигран стил на смела жена со допир на носталгија од 90-тите.
View this post on Instagram
4. Шапки со широка стреа – кралици на елеганцијата
Ах, шапката со широка стреа… Нема ништо поженствено. Ова е врвниот знак на летен гламур – замислете ги француската ривиера, лелеавите парео-панталони и старите холивудски диви.
Дури и ако носите наједноставен костим за капење, оваа шапка ќе ве направи да изгледате како да сте извадени од едиторијал. Плус нуди максимална заштита од сонце. Мода и функционалност во совршена хармонија.
View this post on Instagram
Без разлика на вашиот стил – романтичен, спортски, разигран или гламурозен – летото 2025 нуди шапка за секого. Додајте ја во вашата чанта за плажа и подготвени сте да направите ѕвезден влез на сцената или во бар на плажа.
Фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) На 50 години таа има лице и тело како девојка: во што е тајната?

Актерката Елса Патаки неодамна присуствуваше на настан за лансирање на брендот Biotherm во Мадрид. Сопругата на Крис Хемсворт е амбасадор на гореспоменатиот бренд, па затоа не е изненадување што таа беше заштитно лице на настанот.
За таа пригода, таа избра едноставна бела креација која ласкаше на нејзината завидна фигура, со асиметричен крој, длабоко деколте и отворени рамена.
За да го разбие монохроматскиот изглед, таа додаде потпетици со отворени прсти во боја на праска кои ги истакнуваа нејзините витки нозе.
Бидејќи е природно убава, немаше потреба од многу шминка, па актерката се одлучи за земјени тонови кои само малку ги истакнуваа нејзините црти.
Косата ја стилизираше на наједноставен начин – ја остави слободно да паѓа по грбот, а како додатоци додаде едвај забележливи обетки и нараквици.
Покрај нејзината модна комбинација, најголемо внимание на јавноста привлече младешкото лице, што го поставува прашањето – како го прави тоа?
Во интервју за „Harper’s Bazaar“, шпанската убавица еднаш призна дека клучот за нејзиниот успех е: физичка активност, правилна исхрана и „ментална кондиција“.
Што се однесува до нејзината рутина за убавина, Елса се труди да ја одржува едноставна и минимална, а да не вклучува многу производи за нега на кожата.
Еве што таа практикува:
- Соодветно чистење и миење со ладна вода
- Хидратација на кожата проследена со масажа на лицето
- И на крај, зелен чај
фото: принтскрин
Забава
(Фото) Серена Вилијамс никогаш не изгледала послабо: се појави во проѕирен фустан во Милано

Поранешната тенисерка Серена Вилијамс ги потсети сите на својот нов изглед со нејзиното појавување на Неделата на модата во Милано, а благодарение на проѕирниот фустан, многумина не можеа да ги тргнат очите од неа.
Серена неколку пати беше главна тема поради својот изглед, а многумина коментираа за потенцијалните начини на кои ослабела.
Овој пат, таа се одлучи за драматичен изглед. Се појави во сив тесен фустан кој има пердуви на рабовите, а е проѕирен поради што јасно се видливи нејзините облини и мускули.
Гламурозна и драматична, тоа е најдобриот опис на нејзиниот изглед.
Серена никогаш не криела дека се мачи со килограмите, особено по породувањето, а потоа, меѓу другото, користеше и Оземпик, за што отворено зборуваше.
фото: принтскрин
Забава
(Фото) Трендовски маникир што мора да го пробате оваа есен

По лето полно со светли нијанси, време е да додадете нежни кафеави тонови во вашата колекција лакови за нокти и да им дозволите на потемните бои да заблескаат.
Прва се појави лате-шминката, која стана вирална на „Тик-ток“ и собра над 220 милиони прегледи во последните неколку недели.
View this post on Instagram
Таквата шминка подразбира користење топли кафеави тонови, како карамела и какао, на нашите очи, јаболкца и усни за заводлив ефект, кој е еднакво погоден и за сончевото летно време и за топлата есенска клима. Накратко, тоа е совршена идеја за нашиот транзициски изглед на шминка.
View this post on Instagram
Следно се лате-ноктите, кои го носат трендот во чоколадни тонови еден чекор понатаму.
View this post on Instagram
Топлите лате-тонови зрачат со чувство на удобност и елеганција, а совршено го надополнуваат секој есенски изглед.
фото: принтскрин