Забава
(Фото) Светот сè повеќе зборува за неа: оваа спортска новинарка станува сè попопуларна

Младата и сè попопуларна спортска новинарка и коментаторка Грејс Хејден сè повеќе го привлекува вниманието на медиумскиот свет, и тоа не само поради нејзиното познато презиме.
Ќерката на австралиската легенда на крикетот, Метју Хејден, неодамна зборуваше за предизвиците со кои се соочува – етикетата „nepo baby“ (дете на јавна личност која станала позната благодарение на своите родители) и нагласи дека нејзиниот успех не е резултат на семејни врски, туку на посветеност и автентична љубов кон спортот.
„Во повеќето случаи мора да работите понапорно за да си докажете дека вредите“, изјави 23-годишната Грејс Хејден за „Сандеј Телеграф“.
„Благодарна сум и свесна за привилегијата во која се родив, но зад сето тоа стои вистинска страст и љубов кон крикетот – не можам да замислам ништо друго освен тој спорт.“
Иако не ја искористи славата на нејзиниот татко како појдовна точка, Грејс Хајден отворено признава дека тој е нејзин најголем поддржувач.
„Тој секогаш е воодушевен од моите успеси и заедно се смееме на моите грешки.“
Откако неодамна известуваше од турнир во Индија, кој ѝ донесе меѓународно признание, Грејс Хејден се подготвува да ја освои Америка.
Како водителка на новиот неделен подкаст „Game On With Grace“, таа ќе се обиде да го донесе крикетот до пошироката американска публика преку интересни приказни, интервјуа и гости.
Иако крикетот во Соединетите Американски Држави не успеа да најде поширока публика, Грејс Хејден одлучи да донесе свеж, медиумски привлечен пристап што би можел да ги промени правилата на играта.
„Game On е емисија што ги открива нераскажаните спортски приказни“, рече таа.
Освен што гради успешна кариера, Грејс Хајден е и во среќна врска. Таа се гледа со Вилсон Стетам веќе неколку месеци.
Не се знае многу за младиот човек, но извори блиски до двојката откриваат дека тој е модел кој се движи во истите кругови како и Грејс. Двојката наводно ужива во секој заеднички момент, а својата интимност успешно ја чуваат подалеку од очите на јавноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Есента пристигна, време е да се зајакне имунитетот

Со доаѓањето на есента, деновите стануваат пократки, температурите се намалуваат, а времето сè почесто е променливо. Овие услови носат поголем ризик од настинки и вирусни инфекции, па затоа потребно е навремено да се зајакне имунитетот.
Лекарите потсетуваат дека здравиот имунолошки систем е клучен за справување со сезонските предизвици. Тие советуваат редовна и разновидна исхрана богата со свежо овошје и зеленчук, кои се извор на витамини и антиоксиданси. Особено се препорачуваат намирници богати со витамин Ц, како цитрусното овошје, кивито и пиперките.
Физичката активност, дури и во поладните денови, исто така е од големо значење. Брзото пешачење, лесното трчање или вежбањето дома можат да помогнат во одржување на енергијата и подобрување на општата состојба на организмот.
Стручњаците дополнително советуваат доволно сон и намалување на стресот, бидејќи тие се меѓу најчестите фактори кои го ослабуваат имунитетот.
Есента може да биде убава и пријатна, доколку се грижиме за нашето здравје и превентивно го зајакнеме организмот за студените денови кои следуваат.
-
Вклучете повеќе овошје и зеленчук – јаболка, круши, киви, цитрусно овошје, моркови и тиква. Овие намирници се богати со витамини Ц и А, кои го зајакнуваат организмот.
-
Консумирајте намирници богати со цинк – ореви, семки од тиква, интегрални житарки и мешунки, бидејќи цинкот игра важна улога во одбраната од инфекции.
-
Додајте пробиотска храна – јогурт, кефир и кисела зелка, кои ја поддржуваат здравата цревна флора и го јакнат имунитетот.
-
Не заборавајте на топли супи и чорби, особено оние со зеленчук и домашна пилешка супа, кои се вистинска „вакцина“ од природата во студените денови.
-
Вклучете мед и ѓумбир во секојдневната исхрана, познати по своите антибактериски и антиинфламаторни својства.
Топли чаеви за есенски денови
-
Чај од ѓумбир и лимон – ја подобрува циркулацијата и ја зајакнува одбранбената моќ на телото.
-
Чај од шипка – богат со витамин Ц, помага против замор и настинки.
-
Чај од камилица – го смирува телото, го намалува стресот и помага за подобар сон.
-
Чај од мајчина душица и нане – корисен за дишните патишта и во борба со кашлица.
-
Зелен чај – природен антиоксиданс, кој го зајакнува
Забава
(Фото) Сексапилната актерка повторно воодушеви во проѕирен фустан

Холивудската актерка Дакота Џонсон се појави на Филмскиот фестивал во Цирих и воодушеви со уште еден проѕирен фустан.
Секое појавување на оваа убавица привлекува внимание, а се чини дека наскоро ќе стане синоним за чипкани, проѕирни комбинации, со оглед на тоа што успеа да ги воодушеви сите со уште еден.
Таа прошета во Цирих во син фустан чиј горен дел е направен од чипка и е проѕирен, додека долниот дел е малку поширок, направен од тил и доста волуменозен.
Како и обично, фокусот беше на природната убавина, па Дакота ниту овој пат не претеруваше со вечерната шминка, а косата ја остави да паѓа во бранови.
На својот стајлинг додаде обетки и два импресивни прстени, а сите собрани ги разоружа со насмевка.
Во текот на вечерта, таа беше наградена и со наградата „Златно око“ за животно дело, па нејзината кариера е побогата за ова значајно признание.
фото: принтскрин
Забава
(Видео) Селена Гомез се мажи овој викенд: објави снимка на социјалните мрежи

Актерката, пејачка и претприемачка Селена Гомез наговести дека овој викенд се мажи за музичкиот продуцент Бени Бланко, пишува „Дејли меил“.
Имено, Селена Гомез објави видео од маса полна со производи за шминкање на официјалниот Инстаграм профил на нејзиниот бренд за убавина „Rare“.
Покрај производите за убавина, имаше и мобилен телефон, како и црни очила за сонце и сребрена чанта.
„Јас цел викенд“, кратко напиша пејачката.
Видео материјалот ја разбуди имагинацијата на многу нејзини обожаватели, а тие сега претпоставуваат дека Селена ќе го каже судбоносното „ДА“ во текот на викендот, бидејќи… Исто како и секоја невеста, таа ќе посвети доста време на разубавување и нанесување шминка за големиот ден.
Некои американски медиуми веќе објавија дека актерката ќе се мажи овој викенд.